أَذْلِيسْ إِقدّْسنْ إِزهِّيذنْ ١

إِزهِّيذنْ

أَذْلِيسْ أَمزْوَارُو - إِزهِّيذنْ 1-41

١ سّعْذْ ن ورْيَازْ،

ونِّي وَارْ إِڭُّورنْ

ذِي شّْوَارْ ن إِعفَّاننْ،

ذ ونِّي وَارْ إِبدّنْ

ذڭْ وبْرِيذْ ن إِمذْنَابْ،

ذ ونِّي وَارْ إِقِّيمنْ

خْ ڒْْكُورْسِي ن إِمسْثهْزَاينْ، ◘

٢ مَاشَا ڒفْرَاحثْ نّسْ

أَقَا-ت ذِي شَّارِيعَا ن سِيذِي

ؤُ إِتّْخَارّصْ ذِي شَّارِيعَا نّسْ أَسّْ ذ دْجِيڒثْ. ◘

٣ أَذْ يِيڒِي أَمْ يِيشْثْ ن ثْشجَّارْثْ

إِ إِتّْوَاژُّونْ غَارْ ثْغزْرَاثِينْ ن وَامَانْ،

ثنِّي إِتِّيشنْ ڒْْغِيدْجثْ نّسْ ذِي ڒْْوقْثْ نّسْ،

أَفَارْ نّسْ وَارْ إِتِّيژغْ.

مَارَّا مِينْ إِتّڭّْ، أَذْ يِيڒِي. ◼ ◘

٤ وَارْ تِّيڒِينْ إِعفَّاننْ أَمُّو،

مِينْزِي نِيثْنِي أَمْ إِشَارْفَا إِتَّاوِي-يْ-إِ-ث ؤُسمِّيضْ. ◘

٥ خْ ؤُيَا إِعفَّاننْ وَارْ تّْبذِّينْ شَا

ذڭْ وَاسّْ ن ڒحْسَابْ،

ؤُڒَا ذ إِمذْنَابْ ذِي ثْمسْمُونْثْ ن إِمْسڭَّاذنْ.

٦ مِينْزِي سِيذِي إِسّنْ أَبْرِيذْ ن إِمْسڭَّاذنْ،

مَاشَا أَبْرِيذْ ن إِعفَّاننْ أَذْ إِفْنَا.

◘١:١ 1:‏1 إِزهد. 26‏:‏4؛ أَوڒن. 1‏:‏10، 15؛ 4‏:‏14، 15؛ 1 كُور. 15‏:‏33؛ أَفا. 5‏:‏11

◘١:٢ 1:‏2 أَعَوذ. 6‏:‏6‏-‏9؛ 17‏:‏19؛ ياش. 1‏:‏8؛ إِزهد. 119‏:‏1

◼١:٣ 1:‏3 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).

◘١:٣ 1:‏3 إِرْم. 17‏:‏8

◘١:٤ 1:‏4 أَيُوبْ 21‏:‏18؛ إِزهد. 35‏:‏5؛ إِشا. 17‏:‏13؛ 29‏:‏5؛ حُوش. 13‏:‏3