4
1 إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ إِفِيڒَانْ. أَزهّذْ ن ذَاوُوذْ.
2 أَرّْ-د خَافِي خْمِي د تّْڒَاغِيغْ،
أَ أَربِّي ن ثْسڭْذَا إِنُو!
ذِي ڒحْصَارثْ أَقَا شكْ ثڭِّيذْ أَيِي تَّاسِيعْ.
حِينّْ خَافِي ؤُ سڒْ-د غَارْ ثْژَادْجِيثْ إِنُو!
3 ثَارْوَا ن يِيجّْ ن ورْيَازْ،
أَڒْ مڒْمِي إِ غَا يِيڒِي ؤُعُودْجِي إِنُو ذ ڒْعَارْ؟
أَڒْ مڒْمِي غَا ثخْسمْ ڒْبَاطڒْ،
أَذْ ثَارْزُومْ خْ إِخَارِّيقنْ؟ سِيلَاهْ.
4 سْنمْ خنِّي، أَقَا سِيذِي إِحُوزّْ
إِجّْ ن ؤُمدُّوكّڒْ أَمْثِيقِّي إِ يِيخفْ نّسْ.
سِيذِي أَذْ أَيِي إِسڒْ خْمِي ذ أَسْ إِ غَا ڒَاغِيغْ.
5 أَرْجِيجمْ، مَاشَا وَارْ خطِّيمْ.
سِيوْڒمْ ذڭْ وُوڒْ نْومْ
ذِي ڒشْثُو نْومْ ؤُشَا سُوسْممْ. سِيلَاهْ. ◘4:5 أَفا. 4:26
6 قدّْممْ ثِيغَارْصَا ن ثْسڭْذَا،
تّشْڒمْ خْ سِيذِي. ◘4:6 أَعَوذ. 33:19؛ إِزهد. 51:21
7 أَطَّاسْ قَّارنْ:
”وِي ذ أَنغْ إِ غَا إِسّشْننْ ڒْخَارْ؟“
أجّْ أَذْ خَانغْ د-ثنْقَارْ
ثْفَاوْثْ ن وُوذمْ نّشْ، أَ سِيذِي!
8 شكْ ثسِّيذْفذْ ڒفْرَاحثْ غَارْ وُوڒْ إِنُو،
كْثَارْ خْ ڒفْرَاحثْ إِ ذِينْ إِدْجَانْ ذِي ڒْوقْثْ
ؤُمِي ثُوغَا فيّْضنْ
إِمنْذِي نْسنْ ذ بِينُو نْسنْ ن جْذِيذْ.
9 ذِي ڒهْنَا أَذْ زّْڒغْ ؤُ أَذْ طّْصغْ،
مِينْزِي مْغِيرْ شكْ، أَ سِيذِي،
أَذْ أَيِي ثسّْزذْغذْ ذِي ڒَامَانْ. ◘4:9 لَاوِي 26:5؛ أَعَوذ. 12:10؛ 33:28؛ إِزهد. 3:6