3
أَزهّذْ ن ذَاوُوذْ، ؤُمِي يَارْوڒْ زڭْ وُوذمْ ن مِّيسْ أَبْشَالُومْ.3:‏1 2 صم. 15‏-‏18.
 
أَ سِيذِي، إِنِّي ذ أَيِي إِحصَّارنْ
أَقَا كتَّارنْ،
أَطَّاسْ أَقَا أَثنْ ضِيدّْ إِنُو.
أَطَّاسْ أَقَا قَّارنْ خْ ڒعْمَارْ إِنُو:
”إِ نتَّا وَارْ ذِينْ إِدْجِي ؤُسنْجمْ غَارْ أَربِّي!“
سِيلَاهْ.
 
أَحقَّا شكْ، أَ سِيذِي،
ذ ثَاسدَّارْثْ ن ؤُسڒْقِي إِ نشّْ،
أَعُودْجِي إِنُو،
شكْ ذ ونِّي إِسّْڭعّْذنْ أَزدْجِيفْ إِنُو.
س ثْمِيجَّا إِنُو ڒَاغِيغْ إِ سِيذِي،
ؤُشَا نتَّا يَارَّا-د خَافِي
زڭْ وذْرَارْ نّسْ إِقدّْسنْ. سِيلَاهْ.
 
سنّْذغْ ؤُشَا إِكَّا خَافِي يِيضصْ،
فَاقغْ-د، مِينْزِي سِيذِي إِتّْعَاونْ أَيِي. 3:‏6 إِزهد. 4‏:‏9
وَارْ تّڭّْوِيذغْ زِيعشْرَا ن ڒُوڒُوفْ ن ڒْڭنْسْ،
إِنِّي ذ أَيِي د-إِنّْضنْ،
سّْبدَّانْ إِخفْ نْسنْ خْ إِغزْذِيسنْ إِنُو. 3:‏7 إِزهد. 27‏:‏3
 
كَّارْ، أَ سِيذِي، سنْجمْ أَيِي، أَ أَربِّي إِنُو،
مِينْزِي شكْ ثوْثِيذْ مَارَّا ڒْعذْيَانْ إِنُو
غَارْ ؤُغسْمِيرْ،
أَقَا ثدّْزذْ ثِيغْمَاسْ ن إِعفَّاننْ.
أَسنْجمْ أَقَا-ث ن سِيذِي،
لْبَارَاكَا نّشْ أَقَا-ت خْ ڒْڭنْسْ نّشْ. سِيلَاهْ. 3:‏9 أَوڒن. 21‏:‏31؛ إِشا. 43‏:‏11؛ إِرْم. 3‏:‏23؛ حُوش. 13‏:‏4؛ أَسَا. 7‏:‏10؛ 19‏:‏1
 
 

3:1 3:‏1 2 صم. 15‏-‏18.

3:6 3:‏6 إِزهد. 4‏:‏9

3:7 3:‏7 إِزهد. 27‏:‏3

3:9 3:‏9 أَوڒن. 21‏:‏31؛ إِشا. 43‏:‏11؛ إِرْم. 3‏:‏23؛ حُوش. 13‏:‏4؛ أَسَا. 7‏:‏10؛ 19‏:‏1