8
إِ ؤُمقّْرَانْ ن إِمغْنَاجنْ. س ثغْنِينْثْ ن ؤُجْتِّي، ورْيَازْ زِي جَاثْ. أَزهّذْ ن ذَاوُوذْ.
 
أَ سِيذِي، أَربِّي نّغْ، مَامّشْ إِجْهذْ
يِيسمْ نّشْ خْ مَارَّا ثَامُّورْثْ،
شكْ ذ ونِّي إِڭِّينْ لْعَاضَامَا نّشْ
سنّجْ إِ إِجنْوَانْ. 8:‏2 أَيُوبْ 36‏:‏30
زڭْ ؤُقمُّومْ ن إِحنْجِيرنْ ذ إِسيْمَانْ،
ثڭِّيذْ ذْسَاسْ إِجْهذْ
زِي سِّيبّثْ ن يِينِّي شكْ إِحصَّارنْ،
حِيمَا أَذْ ثْبلّْعذْ أَبْرِيذْ خْ ڒعْذُو
ؤُ خْ ونِّي يَارزُّونْ أَذْ إِخْڒفْ. 8:‏3 مت. 21‏:‏16
 
مَاڒَا ثْوَاڒِيغْ أَجنَّا،
ڒْْخذْمثْ ن إِضوْضَانْ نّشْ،
ثَازِيرِي ذ يثْرَانْ، إِنِّي ثڭِّيذْ،
مِينْ إِعْنَا خنِّي بْنَاذمْ،
أَقَا شكْ ثْخَارّْصذْ ذَايسْ،
مِّيسْ ن بْنَاذمْ،
أَقَا شكْ ثْخزَّارذْ غَارسْ؟ 8:‏5 أَيُوبْ 7‏:‏17؛ إِزهد. 144‏:‏3؛ عبر. 2‏:‏6
شكْ ثَارِّيذْ ث مْغِيرْ
شْوَايْثْ وَاهَا قلّْ إِ أَربِّي،
ثوْشِيذْ أَسْ تَّاجْ ن ؤُعُودْجِي ذ ڒْعزّْ.
 
شكْ ثَارِّيذْ ث أَذْ إِحْكمْ
خْ ثْمڭَّا ن إِفَاسّنْ نّشْ،
ثسَّارْسذْ مَارَّا سْوَادَّايْ إِ إِضَارنْ نّسْ: 8:‏7 1 كُور. 15‏:‏27؛ أَفا. 1‏:‏22
ؤُدْجِي ذ إِفُونَاسنْ، مَارَّا إِنَا،
ؤُڒَا ذ ڒْمَاڒْ ن ييَّارْ،
إِجْضَاضْ ن ؤُجنَّا ذ إِسڒْمَانْ ن ڒبْحَارْ،
مَارَّا مِينْ إِتّْشُوقَانْ إِبْرِيذنْ ن ڒبْحُورْ.
 
10 أَ سِيذِي، سِيذِيثْنغْ،
مَامّشْ إِجْهذْ يِيسمْ نّشْ
ذِي مَارَّا ثَامُّورْثْ!
 
 

8:2 8:‏2 أَيُوبْ 36‏:‏30

8:3 8:‏3 مت. 21‏:‏16

8:5 8:‏5 أَيُوبْ 7‏:‏17؛ إِزهد. 144‏:‏3؛ عبر. 2‏:‏6

8:7 8:‏7 1 كُور. 15‏:‏27؛ أَفا. 1‏:‏22