١ إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.

٢ مشْحَاڒْ عَاذْ، أَ سِيذِي، إِ ذ أَيِي غَا ثتُّوذْ؟

أَڒْ مشْحَاڒْ عَاذْ

إِ خَافِي إِ غَا ثسّْنُوفَّارذْ ؤُذمْ نّشْ؟

٣ مشْهَاڒْ إِ إِقِّيمنْ أَذْ ڭّغْ عَاذْ

ڒهْمُومْ ذِي ڒعْمَارْ إِنُو،

أَشْضَانْ ذڭْ وُوڒْ إِنُو مْكُوڒْ أَسّْ؟

أَڒْ مڒْمِي غَا إِسّْعُودْجْ ڒعْذُو إِنُو

إِخفْ نّسْ خَافِي؟

٤ خْزَارْ-د، أَرّْ-د خَافِي،

أَ سِيذِي، أَربِّي إِنُو!

أڭّْ ثْفَاوْثْ غَارْ ثِيطَّاوِينْ إِنُو،

حِيمَا وَارْ تّطّْصغْ إِضصْ ن ڒْْموْثْ،

٥ حِيمَا ڒعْذُو إِنُو وَارْ إِقَّارْ:

”نشّْغلّْبغْ خَاسْ!“،

حِيمَا ونِّي ذ أَيِي إِحصَّارنْ

وَارْ إِفَارّحْ مَاڒَا فَارْغغْ.

٦ نشّْ تّشْڒغْ

خْ ثْمخْسِيوْثْ نّشْ إِشوَّارنْ.

ؤُڒْ إِنُو أَذْ إِفَارْحْ خْ ؤُسنْجمْ نّشْ.

نشّْ أَذْغنّْجغْ إِ سِيذِي،

مَاغَارْ نتَّا إِڭَّا ذَايِي ڒْْخِيرْ.