15
1 أَزهّذْ ن ذَاوُوذْ.
أَ سِيذِي، مَانْ ونْ إِ غَا إِقِّيمنْ
ذڭْ ؤُقِيضُونْ نّشْ؟
مَانْ ونْ إِ غَا إِزذْغنْ
خْ وذْرَارْ نّشْ إِقدّْسنْ؟ ◘15:1 إِزهد. 7:4-6؛ أَيُوبْ 31:1-34.
2 ونِّي إِڭُّورنْ
ذِي ڒكْمَاڒثْ ن ثُوذَارْثْ نّسْ
ونِّي إِتّڭّنْ ثَاسڭْذَا،
ونِّي إِسَّاوَاڒنْ ثِيذتّْ ذڭْ وُوڒْ نّسْ. ◘15:2 إِزهد. 24:4؛ إِشا. 33:15-17
3 ونِّي وَارْ إِتّْشقَّافنْ س يِيڒسْ نّسْ،
ونِّي وَارْ إِتّڭّنْ ڒْغَارْ إِ إِمْعَاشَارنْ نّسْ،
ؤُ وَارْ إِتّْزَاوَارْ أَجَّارْ نّسْ.
4 ونِّي إِمّنْضَارنْ زِي أَربِّي
أَقَا إِتّْوَاسّحْقَارْ ذِي ثِيطَّاوِينْ نّسْ،
مَاشَا إِنِّي إِتّڭّْوذنْ سِيذِي،
إِتّْوقَّارْ إِ-ثنْ.
مَاڒَا إِجُّودْجْ نتَّا إِ ثْخسَّارْثْ نّسْ،
وَارْ ث إِتّْبذِّيڒْ.
5 ونِّي وَارْ إِتِّيشنْ
ثَامنْيَاثْ ن نُّوقَارْثْ نّسْ س أَرِّيبَا،
ونِّي وَارْ إِتّطّْفنْ أَرّشْوثْ
ضِيدّْ ن يِينِّي وَارْ إِڭِّينْ س شَا.
ونِّي إِتّڭّنْ مَانْ أَيَا،
وَارْ إِفَارّغْ إِ ڒبْذَا.