130
1 إِزْڒِي ن ؤُڭعّذْ.
زِي ڒَادْجَاغْ ڒَاغِيغْ-د خَاكْ، أَ سِيذِي!
2 أَ سِيذِي إِنُو، سڒْ إِ ثْمِيجَّا إِنُو،
أجّْ إِمزُّوغنْ نّشْ أَذْ فثْننْ
خْ ثْمِيجَّا ن ثُوثْرَا إِنُو!
3 أَ سِيذِي، مَاڒَا ثحْضِيضْ
ڒْْمُوعْصِييَّاثْ مْلِيحْ،
أَ سِيذِي إِنُو، مَانْ ونْ إِزمَّارنْ
أَذْ إِقِّيمْ إِبدّْ. ◘130:3 إِزهد. 143:2
4 مَاشَا غَاركْ أَسَامحْ،
مَاحنْذْ أَذْ زَّايكْ ڭّْوذنْ. ◘130:4 2 صم. 24:14
5 نشّْ سِيثِيمغْ ذِي سِيذِي،
ڒعْمَارْ إِنُو إِشُّورْ س ؤُسِيثمْ،
تّْرَاجِيغْ أَوَاڒْ نّسْ، ◘130:5 إِزهد. 27:14؛ 40:2؛ حَاب. 2:3
6 ڒعْمَارْ إِنُو إِتّْرَاجَا سِيذِي إِنُو،
أَطَّاسْ زڭْ إِعسَّاسنْ تّْرَاجَانْ
غَارْ ؤُثفُّو. ◘130:6 إِزهد. 5:4؛ 119:147؛ 123:1، 2
7 أجّْ إِسْرَائِيل أَذْ إِرَاجَا سِيذِي،
مَاغَارْ ثَامخْسِيوْثْ إِشوَّارنْ
أَقَا-ت غَارْ سِيذِي،
غَارسْ أَفكِّي إِشطّْ.
8 نتَّا أَذْ إِسّنْجمْ إِسْرَائِيل
زِي مَارَّا ڒْمُوعْصِييَّاثْ نّسْ.