132
1 إِزْڒِي ن ؤُڭعّذْ.
أَ سِيذِي، إِذَارْ ذَاوُوذْ،
إِذَارْ مَارَّا أَودّبْ نّسْ،
2 مَامّشْ إِجُّودْجْ إِ سِيذِي،
إِوَاعْذْ إِ ؤُمْزمَّارْ ن يَاعْقُوبْ:
3 ”ؤُشْثْ، مَاڒَا أَذْ أَذْفغْ
غَارْ ثَاقِيذُونْثْ ن ثَادَّارْثْ إِنُو،
أَذْ حبْشغْ خْ قَامَا ن ڒشْثُو إِنُو، ◘132:3 1 إِم. 15:1
4 أَذْ سمّْحغْ يِيضصْ إِ ثِيطَّاوِينْ إِنُو،
ؤُڒَا ذ أَنُوذمْ إِ وَابْڒِيونْ إِنُو،
5 قْبڒْ إِ غَا أَفغْ أَمْشَانْ إِ سِيذِي،
إِشْثْ ن ثْزذِّيغْثْ إِ سِيذِي،
أَمْزمَّارْ ن يَاعْقُوبْ!“
6 خْزَارْ، نسْڒَا خْ تَّابُوثْ ذِي إِفْرَاثَا،
نُوفَا إِ-ت ذڭْ إِيَّارنْ ن يَاعَارْ. ◼132:6 ’يَاعَارْ‘ - إِخْسْ أَذْ يِينِي ’قَارْيَاثْ-يَاعَارِيمْ‘ مَانِي إِدْجَانْ تَّاپُوثْ أَوَارْنِي د-إِذْوڒْ زِي ثمُّورْثْ ن إِفِيلِيسْطِينِييّنْ (1 صم. 6:21-7:2؛ 1 إِم. 13:6)
7 أَذْ نَاذفْ غَارْ ثْزذِّيغِينْ نّسْ،
أَذْ نسْجذْ إِ ثْنبْذَاثْ ن إِضَارنْ نّسْ.
8 كَّارْ، سِيذِي، ؤُيُورْ غَارْ أَرَّاحثْ نّشْ،
شكْ ذ تَّابُوثْ ن جّهْذْ نّشْ.
9 أجّْ إِكهَّاننْ نّشْ
أَذْ يَارْضنْ س ثْسڭْذَا،
إِمْثِيقَّانْ نّشْ أَذْ سْڒِيوڒْونْ.
10 وَارْ د-ثَارِّي ؤُذمْ ن ؤُمذْهُونْ نّشْ
ذِي طّْوعْ ن ؤُمْسخَّارْ نّشْ ذَاوُوذْ.
11 سِيذِي إِجُّودْجْ إِ ذَاوُوذْ س ڒَامَانْ،
عمَّارْصْ أَذْ إِحيّذْ نتَّا
خْ ثْجَادْجِيثْ نّسْ:
”زِي ڒْغِيدْجثْ ن ؤُعذِّيسْ نّشْ
أَذْ سّْغِيمغْ إِجّْ خْ ڒْعَارْشْ نّشْ. ◘132:11 2 صم. 7:12؛ 1 إِج. 8:25؛ 2 إِم. 6:16؛ لك. 1:69
12 مَاڒَا إِحنْجِيرنْ نّشْ
أَذْ حْضَانْ ڒْعَاهْذْ إِنُو ذ شّْهَاذَاثْ إِنُو،
ثِينِّي ذ أَسنْ إِ غَا سّْڒمْذغْ،
خنِّي ؤُڒَا ذ إِحنْجِيرنْ نْسنْ
أَذْ قِّيمنْ خْ ڒْكُورْسِي نّشْ إِ ڒبْذَا.“
13 مَاغَارْ سِيذِي إِفَارْزْ صِيهْيُونْ،
إِمژْرِي ت ذ ثَازذِّيغْثْ إِ يِيخفْ نّسْ.
14 ”وَا ذ أَمْشَانْ ن أَرَّاهثْ إِنُو إِ ڒبْذَا،
ذَا إِ خْسغْ أَذْ زذْغغْ، نشّْ خْسغْ ث. ◘132:14 إِزهد. 68:17؛ 132:8
15 أَذْ بَارْكغْ نِّيعْمثْ ن صِيهْيُونْ،
أَذْ سّْجِيوْنغْ إِمزْڒَاضْ نّسْ س وغْرُومْ.
16 أَذْ سّْيَارْضغْ إِكهَّاننْ نّسْ
س ؤُسنْجمْ،
إِمْثِيقَّانْ نّسْ أَذْ سْڒِيوڒْونْ س جّهْذْ. ◘132:16 2 إِم. 6:41
17 ذِينِّي أَذْ سّْغمّْيغْ
إِجّْ ن ؤُيِيشّْ إِ ذَاوُوذْ،
إِجّْ نْ ڒفْنَارْ إِ ؤُمذْهُونْ إِنُو
سّْوجْذغْ ث ذِينْ.◘132:17 لك. 1:69
18 أَذْ سّْيَارْضغْ ڒْعذْيَانْ نّسْ
س ؤُسضْحِي،
مَاشَا أَذْ خَاسْ إِنُّووَارْ
تَّاجْ ن وعْزَاڒْ نّسْ.“
◘132:3 132:3 1 إِم. 15:1
◼132:6 132:6 ’يَاعَارْ‘ - إِخْسْ أَذْ يِينِي ’قَارْيَاثْ-يَاعَارِيمْ‘ مَانِي إِدْجَانْ تَّاپُوثْ أَوَارْنِي د-إِذْوڒْ زِي ثمُّورْثْ ن إِفِيلِيسْطِينِييّنْ (1 صم. 6:21-7:2؛ 1 إِم. 13:6)
◘132:11 132:11 2 صم. 7:12؛ 1 إِج. 8:25؛ 2 إِم. 6:16؛ لك. 1:69
◘132:14 132:14 إِزهد. 68:17؛ 132:8
◘132:16 132:16 2 إِم. 6:41
◘132:17 132:17 لك. 1:69