148
1 هَالِّيلُو-يَاهْ!
صبّْحمْ إِ سِيذِي زڭْ إِجنْوَانْ،
صبّْحمْ ث ذِي ڒُوعْڒَا. ◘148:1 لك. 2:14؛ أَسَا. 5:13
2 صبّْحمْ ث، مَارَّا لْمَالَاكَاثْ نّسْ!
صبّْحمْ ث، مَارَّا ڒْعسْكَارَاثْ نّسْ!
3 صبّْحنْثْ ث، ثَافُوشْثْ ذ ثْزِيرِي!
صبّْحمْ ث، مَارَّا إِثْرَانْ يَارقّنْ!
4 صبّْحثْ، أَجنَّا خْ إِجنْوَانْ،
ؤُڒَا ذ أَمَانْ نِّي إِدْجَانْ ثِيوَا إِ ؤُجنَّا.
5 أجّْ إِ-ثنْ أَذْ صبّْحنْ إِسمْ ن سِيذِي،
مَاغَارْ نتَّا يُومُورْ
ؤُ أَمُّو تّْوَاخڒْقنْ-د. ◘148:5 أَمز. 1:6-31؛ إِزهد. 33:6، 9
6 نتَّا إِذكّنْ إِ-ثنْ ذِينْ إِ ڒبْذَا،
إِوْشَا أَسنْ إِشْثْ ن ثوْصيّثْ
إِ وَارْ زمَّارنْ أَذْ تعدَّانْ عمَّارْصْ. ◘148:6 أَيُوبْ 14:5، 13؛ 26:10؛ 38:33؛ إِزهد. 104:5؛ 119:91؛ إِرْم. 31:35؛ 33:25
7 صبّْحمْ إِ سِيذِي، زِي ثمُّورْثْ،
كنِّيوْ ڒْهَايْشَاثْ نْ ڒبْحَارْ
ذ مَارَّا أَمَانْ إِهوْڒنْ،
8 ثِيمسِّي ذ ثبْرُورِّي
ذ وذْفڒْ ذ دّخَّانْ،
أَسمِّيضْ ن ثْحَارْيَاضْثْ
نِّي إِتّڭّنْ أَوَاڒْ نّسْ،
9 إِذُورَارْ ذ مَارَّا ثِيوْرِيرِيرِينْ،
ثِيشجُّورَا ن فْرُوثَا
ذ مَارَّا ثِيشجُّورَا ن ثنْڭلْثْ،
10 ڒوْحُوشْ ن ڒخْڒَا ذ مَارَّا ڒْمَارْ،
إِمُودَّارنْ إِتّْبُوعنْ ذ إِجْضَاضْ
س وَافْرِيونْ نْسنْ،
11 كنِّيوْ إِجدْجِيذنْ ن ثمُّورْثْ
ذ مَارَّا شُّوعُوبْ،
كنِّيوْ ڒْحُوكَّامْ
ذ مَارَّا ڒْقُوضَاثْ خْ ثمُّورْثْ، ◼148:11 ’ڒْقُوضَاثْ‘ - نِيغْ ’إِمزُورْفَا‘.
12 إِبْڒِيغنْ ؤُڒَا ذ ثِيعْزَارِييِّينْ،
إِوسُّورَا جْمِيعْ أَكْ-ذ إِمژْيَاننْ!
13 أجّْ إِ-ثنْ أَذْ صبّْحنْ إِسمْ ن سِيذِي،
مَاغَارْ إِسمْ نّسْ وَاهَا يُوعْڒَانْ قَاعْ،
ثِيسِّيقْثْ نّسْ ثَاڒقّْ
خْ ثمُّورْثْ ذ إِجنْوَانْ. ◘148:13 أَوڒن. 18:10؛ إِشا. 12:4
14 نتَّا إِسّْڭعّذْ إِشّْ ن ڒْڭنْسْ نّسْ،
أَصبّحْ ن مَارَّا إِمْثِيقَّانْ نّسْ،
ن أَيْثْ ن إِسْرَائِيل،
ن ڒْڭنْسْ إِ د أَسْ يُوذْسنْ.
هَالِّيلُو-يَاهْ! ◘148:14 إِزهد. 132:17
◘148:1 148:1 لك. 2:14؛ أَسَا. 5:13
◘148:5 148:5 أَمز. 1:6-31؛ إِزهد. 33:6، 9
◘148:6 148:6 أَيُوبْ 14:5، 13؛ 26:10؛ 38:33؛ إِزهد. 104:5؛ 119:91؛ إِرْم. 31:35؛ 33:25
◼148:11 148:11 ’ڒْقُوضَاثْ‘ - نِيغْ ’إِمزُورْفَا‘.
◘148:13 148:13 أَوڒن. 18:10؛ إِشا. 12:4
◘148:14 148:14 إِزهد. 132:17