149
1 هَالِّيلُو-يَاهْ!
غنّْجمْ إِجّْ ن يزْڒِي ن جْذِيذْ إِ سِيذِي،
سْعُودْجمْ ث ذڭْ وڭْرَاوْ ن إِمْثِيقَّانْ نّسْ.
2 أَذْ إِفَارْحْ إِسْرَائِيل زڭْ ونِّي ث إِڭِّينْ،
أَذْ أَرْشْقنْ إِحنْجِيرنْ ن صِيهْيُونْ
س ؤُجدْجِيذْ نْسنْ. ◘149:2 إِزهد. 100:3
3 أَذْ صبّْحنْ نِيثْنِي إِسمْ نّسْ
س شّْضِيحْ س نُّوبْثَاثْ،
أَذْ أَسْ زهّْذنْ س ؤُبنْذِيرْ ذ ڒْڭَامْبْرِي، ◘149:3 إِزهد. 81:3، 4
4 مَاغَارْ سِيذِي يَارْضَا خْ ڒْڭنْسْ نّسْ،
أَذْ يَاوِي شَّانْ إِ إِمْوَاضْعنْ س ونْجَامْ.
5 أَذْ سْڒِيوڒْونْ إِمْثِيقَّانْ
س ؤُوقَّارْ يُودْجْغنْ،
أجّْ إِ-ثنْ أَذْ سْغُوينْ س ڒفْرَاحثْ
زڭْ إِمُوشَانْ نْسنْ ن أَرَّاحثْ.
6 إِزْڒَانْ ن ؤُعُودْجِي إِ أَربِّي
ذڭْ ؤُقمُّومْ نْسنْ
إِجّْ ن سِّيفْ إِقْضعْ س ثْنَاينْ ن وُوذْمَاونْ
ذڭْ ؤُفُوسْ نْسنْ، ◘149:6 2 تس. 2:8؛ عبر. 4:12؛ أَسَا. 1:16
7 حِيمَا أَذْ نْثَاقْمنْ زِي ڒڭْنُوسْ،
حِيمَا أَذْ عَاقْبنْ شُّوعُوبْ،
8 حِيمَا أَذْ شَارْفنْ إِجدْجِيذنْ نْسنْ س سّْنَاسڒْ،
أَيْثْ ن ثَاصِيڒثْ نْسنْ س سّْنَاسڒْ ن وُوزَّاڒْ، ◘149:8 مت. 18:18
9 حِيمَا أَذْ خَاسنْ ڭّنْ ڒْحُوكْمْ يُورَانْ.
ذ مَانْ أَيَا أَذْ ثِيڒِي ذ لْعَاضَامَا
ن مَارَّا إِمْثِيقَّانْ نّسْ.
هَالِّيلُو-يَاه. ◘149:9 أَعَوذ. 4:6