١ أَوَارْنِي أَسْ ژْرِيغْ إِجّْ ن لْمَالَاكْ نّغْنِي إِهكّْوَا-د زڭْ ؤُجنَّا، غَارسْ صُّولْطَا ثَامقّْرَانْثْ، ؤُشَا طّْيَا ن ؤُعُودْجِي نّسْ ثڭَّا ثَافَاوْثْ كُوڒْشِي إِ ثمُّورْثْ. ٢ نتَّا إِڒَاغَا س ثْمِيجَّا ثجْهذْ، إِقَّارْ:

”أَقَا ثوْضَا، ثوْضَا ثنْذِينْثْ ثَامقّْرَانْثْ بَابِيلْ،

ثذْوڒْ ذ ثَازذِّيغْثْ إِ شّْوَاطنْ

ذ ڒحْبسْ إِ كُوڒْ ڒَْارْيَاحْ أَمنْڭُوسْ أَمنْعِي، ◘18:‏2 إِشا. 13‏:‏21؛ 21‏:‏9؛ 34‏:‏11، 14؛ إِرْم. 50‏:‏39؛ 51‏:‏8؛ أَسَا. 14‏:‏8.

٣ مِينْزِي ثسّْخدْجضْ بِينُو ن فَارْقْ-شّْغڒْ نّسْ

إِ مَارَّا ڒڭْنُوسْ،

ؤُ مِينْزِي إِجدْجِيذنْ ن ثمُّورْثْ

أَقَا سّْفسْذنْ إِخفْ نْسنْ زَّايسْ،

ؤُ مِينْزِي إِسبَّابنْ ن ثمُّورْثْ

ذوْڒنْ ذ ثْوَاجَّارْ

س جّهْذْ ن ؤُطمّسْ نّسْ ن وَاڭْرَا.“ ◘18:‏3 أَسَا. 14‏:‏8؛ 17‏:‏2.

٤ ؤُشَا سْڒِيغْ إِ ثْمِيجَّا نّغْنِي ثْڒَاغَا-د زڭْ ؤُجنَّا:

”فّغْ زَّايسْ، أَ ڒْْڭنْسْ إِنُو،

حِيمَا وَارْ تِّيڒِينْ دّْنُوبْ نّسْ خْ يِيرِي نّشْ

ؤُشَا وَارْ ثْكسِّيذْ زِي جّْرَايحْ نّسْ، ◘18:‏4 أَمز. 19‏:‏12؛ إِشا. 48‏:‏20؛ 52‏:‏11؛ إِرْم. 51‏:‏6، 45؛ 2 كُور. 6‏:‏17.

٥ مِينْزِي دّْنُوبْ نّسْ أَقَا إِوْضنْ غَارْ ؤُجنَّا،

ؤُشَا أَربِّي أَقَا إِعْقڒْ خْ ڒْْمُوعْصِييّثْ نّسْ. ◘18:‏5 أَسَا. 16‏:‏19.

٦ أَرّمْ-د خَاسْ

أَمْ مَامّشْ د-ثَارَّا نتَّاثْ،

أَرّمْ-د خَاسْ س ؤُضفُّوسْ

عْلَاحْسَابْ ڒخْذَايمْ نّسْ،

خدْجضْ أَسْ س ؤُضفُّوسْ ذڭْ ؤُغَارَّافْ

نِّي ثُوغَا ثْخدْجضْ نتَّاثْ. ◘18:‏6 أَسَا. 14‏:‏10.

٧ خڒْفمْ أَسْ-د أَعدّبْ ذ وشْضَانْ

أَنشْثْ ثُوغَا نتَّاثْ ثسّْعُودْجِي

ؤُ ثسّْڭعّذْ إِخفْ نّسْ

مِينْزِي ثنَّا ذڭْ وُوڒْ نّسْ:

’أَقَا قِّيمغْ أَمْ ثْجدْجِيذْثْ،

وَارْ دْجِيغْ ذ ثَاجَّاتْشْ،

ؤُشَا أَشْضَانْ وَارْ ث ژَترّغْ شَا!‘ ◘18:‏7 إِشا. 47‏:‏8.

٨ س ؤُينِّي ذڭْ إِجّْ ن وَاسّْ أَذْ خَاسْ وْضَانْثْ مَارَّا جّْرَايحْ نّسْ: ڒْْموْثْ، أَشْضَانْ ذ ڒَْاژْ، ؤُشَا أَذْ ثتّْوَاشْمضْ ذِي ثْمسِّي، مِينْزِي سِيذِي، ذ ونِّي خَاسْ إِ غَا إِحكْمنْ، أَقَا إِجْهذْ. ◘18:‏8 2 تس. 2‏:‏8؛ أَسَا. 17‏:‏16.

٩ إِجدْجِيذنْ ن ثمُّورْثْ، إِنِّي كِيذسْ إِڭِّينْ فَارْقْ-شّْغڒْ ؤُ سّْڭعّْذنْ إِخفْ نْسنْ، أَذْ خَاسْ رُونْ، أَذْ خَاسْ وْثنْ أَڭجْذُورْ خْمِي غَا ژَترنْ دّخَّانْ ن ثْمسِّي نّسْ. ◘18:‏9 أَسَا. 17‏:‏2؛ 18‏:‏3، 18. ١٠ نِيثْنِي أَذْ قِّيمنْ بدّنْ غَارْ ڒَْاڭّْوَاجْ زِي ثڭّْوُوذِي ن ؤُعدّبْ نّسْ، قَّارنْ:

’ؤُشْثْ، ؤُشْثْ، ؤُشْثْ، خَامْ، أَ ثَانْذِينْثْ ثَامقّْرَانْثْ،

بَابِيلْ، ثَانْذِينْثْ إِجهْذنْ،

مِينْزِي أَقَا يُوسَا-د ڒْْحُوكْمْ نّمْ

ذڭْ إِشْثْ ن ثْسَاعّثْ!‘ “ ◘18:‏10 إِشا. 21‏:‏9؛ إِرْم. 51‏:‏1؛ أَسَا. 14‏:‏8.

١١ إِسبَّابنْ ن ثمُّورْثْ أَذْ خَاسْ رُونْ، أَذْ شضْننْ، مِينْزِي ؤُڒَا ذ إِجّْ وَارْ إِسِّيغْ عَاذْ سّڒْعثْ نْسنْ: ١٢ سّڒْعثْ ن وُورغْ ذ نُّوقَارْثْ ذ يژْرَا يِيغْڒَانْ ذ ثْيَاقُوثِينْ ذ ڒقْطنْ ذ أَرْجُووَانِي ذ ڒحْرِيرْ أَزڭّْوَاغْ إِحذْقنْ ذ عْڒَامْ كُوڒْ أَكشُّوضْ إِتّْفُوحنْ ذ عْڒَامْ كُوڒْ ڒقْشُوعْ زِي ڒْْعَاجْ ذ عْڒَامْ كُوڒْ ڒقْشُوعْ زڭْ ؤُكشُّوضْ إِغْڒَانْ ذ نّْحَاسْ ذ وُوزَّاڒْ ذ ڒْْمَارْمُورْ ◼18:‏12 ’ڒْْعَاجْ‘ - إِخْسْ أَذْ يِينِي ’أَشِّيونْ ن ڒْْفِيڒْ‘. ١٣ ذ ڒْْقَارْفَا ذ ڒبْخُورْ ذ مِيرُّو ذ جَّاوِي ذ بِينُو ذ زّشْثْ ن زِّيثُونْ ذ أَرنْ ن سّْمِيذْ ذ وُودْجِي ذ ييْسَانْ ذ إِكَارُّوثنْ ؤُڒَا ذ أَرِّيمَاثْ ذ ڒعْمُورْ ن إِوْذَانْ. ◘18:‏13 حِز. 27‏:‏13. ١٤ أَقَا ڒْْغِيدْجثْ إِ ذِي ثُوغَا إِتّْمژْرِي ڒعْمَارْ نّمْ، أَقَا ثِيڭّْوجْ خَامْ، ؤُڒَا ذ مَارَّا مِينْ ثُوغَا غَارمْ ذ أَڭْڒَا ذ مِينْ إِتِّيسِّيقنْ، أَقَا إِودَّارْ، وَارْ ث ثْژَارّذْعمَّارْصْ عَاذْ. ١٥ إِسبَّابنْ ن ڒحْوَايجْ-أَ، إِنِّي إِذوْڒنْ زَّايْسنْثْ ذ ثْوَاجَّارْ، وَارْ ثنْثْ تِّيفنْ عَاذْ، ؤُشَا أَذْ قِّيمنْ غَارْ ڒَْاڭّْوَاجْ زِي ثڭّْوُوذِي ن ؤُعدّبْ نّسْ، أَمْ تّْرُونْ ؤُ أَمْ شطّْننْ، ١٦ أَذْ إِنِينْ:

”ؤُشْثْ، ؤُشْثْ خَامْ، أَ شمْ، ثَانْذِينْثْ ثَامقّْرَانْثْ

إِ يَارْضنْ ڒقْطنْ ذ أَرْجُووَانِي

ذ أَزڭّْوَاغْ إِحذْقنْ إِقّنْ س وُورغْ

ذ يژْرَا إِغْڒَانْ ذ ثْيَاقُوثِينْ، ◘18:‏16 أَسَا. 17‏:‏4.

١٧ س مِينْزِي ذڭْ إِشْثْ ن ثْسَاعّثْ

أَقَا إِودَّارْ وَاڭْڒَا أَمقّْرَانْ نِّي!“

مَارَّا إِنِّي إِندّْهنْ إِغَارُّوبَا ذ مَارَّا إِنِّي إِتّكّنْ خْ ڒبْحَارْ ذڭْ إِغَارُّوبَا ذ مَارَّا إِبحْرِييّنْ ذ مَارَّا إِنِّي إِتّْسبَّابنْ ذِي ڒبْحَارْ قِّيمنْ بدّنْ غَارْ ڒَْاڭّْوَاجْ. ١٨ نِيثْنِي سْغُويّنْ ؤُمِي ژْرِينْ دّخَّانْ ن ثْمسِّي نّسْ، نَّانْ:

”وِي إِزمَّارنْ أَذْ إِمْقُودَّا أَكْ-ذ ثنْذِينْثْ-أَ ثَامقّْرَانْثْ؟“ ◘18:‏18 إِشا. 34‏:‏10؛ أَسَا. 13‏:‏4؛ 18‏:‏9.

١٩ سُّويُوسنْ ؤُشَاڒْ خْ إِزدْجِيفنْ نْسنْ ؤُشَا سْغُوينْ، أَمْ تّْرُونْ ؤُ أَمْ تّشْضِيننْ، نَّانْ:

”ؤُشْثْ، ؤُشْثْ خَامْ، أَ شمْ، ثَانْذِينْثْ ثَامقّْرَانْثْ

نِّي ذِي ذوْڒنْ ذ ثْوَاجَّارْ

مَارَّا إِنِّي غَارْ إِدْجَا إِغَارُّوبَا ذِي ڒبْحَارْ،

س ؤُبَارُّو ن وَاڭْڒَا نّسْ،

مِينْزِي ذڭْ إِشْثْ ن ثْسَاعّثْ ثْودَّارْ!“

٢٠ ”فَارْحثْ زَّايسْ، أَ أَجنَّا،

ؤُ كنِّيوْ، أَ إِمْقدَّاسنْ ذ رُّوسُولْ ذ إِنَابِييّنْ،

مِينْزِي أَربِّي أَقَا إِسُّوفّغْ-د ڒحْكَامثْ نّسْ خَاسْ!“ ◘18:‏20 أَسَا. 19‏:‏2.

٢١ ؤُشَا إِجّْ زِي لْمَالَاكَاثْ نِّي إِسّْڭعّذْ إِجّْ ن وژْرُو أَمقّْرَانْ أَنشْثْ ن ثصْضَارْثْ ن ثْسِيرْثْ، إِنْضَارْ إِ-ث ذِي ڒبْحَارْ، إِقَّارْ:

”أَمُّو س جّهْذْ أَذْ ثمّنْضَارْ

ثَانْذِينْثْ ثَامقّْرَانْثْ بَابِيلْ

ؤُشَا وَارْ ثتّْوِيفِي عَاذْعمَّارْصْ! ◘18:‏21 إِرْم. 51‏:‏64.

٢٢ ڒْْحسّْ ن لهَارْپَا ذ ؤُسُوضِي ذڭْ

ؤُيِيشّْ ن إِشَارِّي،

ذ ڒْْحسّْ ن عْڒَامْ كُوڒْ أَغنّجْ

ؤُ ن يِينِّي إِتّْسُوضنْ ذِي ڒْبُوقْ،

وَارْ إِتّْوَاسڒْ عَاذْ ذَايمْ. ◘18:‏22 إِرْم. 25‏:‏10؛ حِز. 26‏:‏13.

٢٣ عمَّارْصْ أَذْ ذَايمْ ثتّْوَاژَارْ عَاذْ

طّْيَا ن ڒفْنَارْ،

ؤُشَا ؤُڒَا ذ ڒْْحسّْ ن وسْڒِي

ذ ڒْْحسّْ ن ثسْڒِيثْ

وَارْ إِتّْوَاسڒْ عَاذْ ذَايمْ.

إِسبَّابنْ نّمْ ثُوغَا أَثنْ

ذ إِمقّْرَاننْ ن ثمُّورْثْ،

مِينْزِي س ثْسحَّارْثْ نّمْ،

أَقَا ثْخذْعذْ ڒڭْنُوسْ مَارَّا. ◘18:‏23 إِرْم. 7‏:‏34؛ 16‏:‏9؛ 25‏:‏10.

٢٤ أَقَا إِتّْوَافْ ذَايمْ إِذَامّنْ

ن إِنَابِييّنْ ذ إِمْقدَّاسنْ،

إِنِّي إِتّْوَانْغنْ ذِي ثمُّورْثْ.“ ◘18:‏24 أَمز. 4‏:‏10؛ أَسَا. 17‏:‏6.