١ ؤُشَا ژْرِيغْ أَجنَّا ن جْذِيذْ ذ إِشْثْ ن ثمُّورْثْ ن جْذِيذْ، مَاغَارْ أَجنَّا أَمزْوَارُو ذ ثمُّورْثْ ثَامزْوَارُوثْ ثُوغَا عْذُونْ، ڒبْحَارْ وَارْ إِقِّيمْ عَاذْ. ◘21:‏1 إِشا. 65‏:‏17؛ 66‏:‏22؛ 2 بُط. 3‏:‏13. ٢ نشّْ ژْرِيغْ ثَانْذِينْثْ إِقدّْسنْ، ؤُرْشَالِيمْ ن جْذِيذْ، ثهْوَا-د زڭْ ؤُجنَّا زِي زَّاثْ أَربِّي، ثڭَّا أَمْ ثسْڒِيثْ إِزهّْجنْ إِ وسْڒِي. ◘21:‏2 أَسَا. 3‏:‏12؛ 21‏:‏10. ٣ ؤُشَا سْڒِيغْ إِشْثْ ن ثْمِيجَّا ثتّْڒَاغَا-د زڭْ ؤُجنَّا س جّهْذْ:

”خْژَارْ، أَقِيضُونْ ن أَربِّي

أَقَا-ت جَارْ إِوْذَانْ،

ؤُشَا نتَّا أَذْ غَارْسنْ إِزْذغْ.

نِيثْنِي أَذْ إِڒِينْ ذ ڒْْڭنْسْ نّسْ،

ؤُشَا أَربِّي سِيمَانْثْ نّسْ أَذْ غَارْسنْ يِيڒِي،

ؤُشَا أَذْ يِيڒِي ذ أَربِّي نْسنْ. ◘21:‏3 حِز. 43‏:‏7.

٤ أَذْ أَسنْ إِسِّيژغْ كُوڒْ إِمطَّانْ

زِي ثِيطَّاوِينْ نْسنْ،

ؤُشَا وَارْ ثتِّيڒِي عَاذْ ڒْْموْثْ

ذ وشْضَانْ ذ ؤُشثْشِي ذ ڒحْرِيقْ.“ ◘21:‏4 إِشا. 25‏:‏8؛ أَسَا. 7‏:‏17.

٥ ؤُ خْمِي ڭُّورغْ، إِنَّا أَيِي ونِّي إِقِّيمنْ خْ ڒْْعَارْشْ:

”خْژَارْ، أَذْ ڭّغْ مَارَّا ذ جْذِيذْ!“

خَاسْ ؤُشَا إِنَّا أَيِي:

”أَرِي: أَوَاڒنْ-أَ أَقَا ذَايْسنْ ڒَْامَانْ ذ ثِيذتّْ.“ ◘21:‏5 إِشا. 43‏:‏19؛ 2 كُور. 5‏:‏17؛ أَسَا. 4‏:‏2؛ 19‏:‏9؛ 20‏:‏11.

٦ نتَّا إِنَّا أَيِي:

”أَقَا إِتّْوَاكمّڒْ.

نشّْ ذ أَلِيفْ ؤُ نشّْ ذ ثَاوْ،

نشّْ ذ بدُّو ذ أَكمّڒْ.

ونِّي إِفُّوذنْ أَذْ أَسْ وْشغْ

أَذْ إِسُو بَاطڒْ

زِي ڒْْعُونْصَارْ ن وَامَانْ ن ثُوذَارْثْ. ◘21:‏6 إِشا. 41‏:‏4؛ 44‏:‏6؛ 55‏:‏1؛ أَسَا. 1‏:‏8؛ 16‏:‏17؛ 22‏:‏13.

٧ وِي غَا إِغلّْبنْ أَذْ إِوَارْثْ مَانْ أَيَا،

ؤُشَا نشّْ أَذْ إِڒِيغْ ذ أَربِّي نّسْ،

ؤُ نتَّا أَذْ يِيڒِي ذ مِّي. ◘21:‏7 زَاك. 8‏:‏8؛ عبر. 8‏:‏10.

٨ مَاشَا إِنِّي إِتّْشكَّانْ، ذ لْكُوفَّارْ،

ذ إِعفَّاننْ، ذ إِمخْمَاجْ،

ذ يِينِّي إِنقّنْ، ذ يِينِّي إِڭِّينْ ثَاسحَّارْثْ،

ذ أَيْثْ ن فَارْقْ-شّْغڒْ

ذ يِينِّي إِعبّْذنْ لْ-أَصْنَامْ

ذ مَارَّا أَيْثْ ن بُو-إِخَارِّيقنْ،

أَذْ ثِيڒِي ثسْغَارْثْ نْسنْ

ذِي ڒبْحَارْ إِتّْشفْشُوفنْ

س ثْمسِّي ذ ڒشْبَاريّثْ،

ثَا ذ ڒْْموْثْ وِيسّْ ثْنَاينْ.“ ◘21:‏8 أَسَا. 20‏:‏14، 15؛ 22‏:‏15.

٩ ؤُشَا يُوسَا-د إِجّنْ زِي سبْعَا ن لْمَالَاكَاثْ، ثِينِّي غَارْسنْثْ سبْعَا ن طَّاوْيَاثْ شُّورنْثْ س سبْعَا ن جّْرَايحْ ثِينڭُّورَا، إِسِّيوڒْ أَكِيذِي، إِنَّا:

”أَسْ-د، أَذْ أَشْ سّشْنغْ ثَاسْڒِيثْ، ثَامْغَارْثْ ن يزْمَارْ.“ ◘21:‏9 أَسَا. 15‏:‏6، 7.

١٠ إِنْذهْ أَيِي ذِي أَرُّوحْ غَارْ إِجّْ ن وذْرَارْ ذ أَمقّْرَانْ يُوعْڒَانْ أَطَّاسْ ؤُشَا إِسّْشنْ أَيِي ثَانْذِينْثْ إِقدّْسنْ، ؤُرْشَالِيمْ، أَمْ د-ثهْوَا زڭْ ؤُجنَّا، زِي زَّاثْ ن أَربِّي. ◘21:‏10 عبر. 12‏:‏22؛ أَسَا. 1‏:‏10؛ 21‏:‏2. ١١ أَعُودْجِي ن أَربِّي ثُوغَا غَارسْ، ؤُشَا طّْيَا نّسْ ثتِّيسِّيقْ أَمْ يِيژْرَا إِغْڒَانْ أَطَّاسْ، أَمْ وژْرُو ن يَاسْبِيسْ نِّي د-إِضْهَارنْ أَمْ ؤُكْرِيسْثَالْ. ١٢ إِقُووَّارْ أَسْ د إِجّْ ن وغْبَارْ ذ أَمقّْرَانْ يُوعْڒَا، غَارسْ ثنْعَاشْ ن ثوُّورَا ؤُ ثنْعَاشْ ن لْمَالَاكَاثْ ثُوغَا تّْبدَّانْثْ غَارْ ثِيوُّورَا. ؤُ تّْوَارِينْ إِسْمَاونْ خْ ثِيوُّورَا نِّي، أَقَا إِسْمَاونْ ن ثنْعَاشْ ن ثْقبَّاڒْ ن إِسْرَائِيل. ١٣ أَقَا ذِينْ ثْڒَاثَا ن ثوُّورَا غَارْ مَانِيسْ ذ ثْنقَّارْ ثْفُوشْثْ ؤُ غَارْ شَّامَالْ ثْڒَاثَا ن ثوُّورَا ؤُ غَارْ لْجَانُوبْ ثْڒَاثَا ن ثوُّورَا ؤُ أَقَا ذِينْ ثْڒَاثَا ن ثوُّورَا غَارْ مَانِي ثْغدْجِي ثْفُوشْثْ. ١٤ أَغْبَارْ ن ثنْذِينْثْ إِبدّْ خْ ثنْعَاشْ ن ذْسُوسَا تّْوَارِينْ خَاسنْ ثنْعَاشْ ن إِسْمَاونْ ن رُّوسُولْ ن مِّيسْ ن أَربِّي. ◘21:‏14 أَفا. 2‏:‏20.

١٥ ونِّي ثُوغَا أَكِيذِي إِسَّاوَاڒنْ، غَارسْ إِجّْ ن ؤُغَانِيمْ ن ڒعْبَارْ حِيمَا أَذْ زَّايسْ إِعْبَارْ ثَانْذِينْثْ ذ وغْبَارْ نّسْ. ◘21:‏15 حِز. 40‏:‏3؛ زَاك. 1‏:‏18. ١٦ ثَانْذِينْثْ ثُوغَا ثمَّارْسْ ذِينْ أَمْ إِجّْ ن ؤُكْوَاذْرُونْ، ثَازُوڭَّارْثْ نّسْ أَمْ ثِيرُو نّسْ. نتَّا إِعْبَارْ ثَانْذِينْثْ س ؤُغَانِيمْ نّسْ ن ڒعْبَارْ: ثنْعَاشْ-أَڒفْ ن ’إِسْثَاذِييّنْ‘، عْڒَاحَاڒْ أَڒْفَاينْ ؤُ مِيثَاينْ كِيلُومِيثْرْ. ثَازُوڭَّارْثْ نّسْ ذ ثِيرُو نّسْ ذ ڒُْوعْڒَا نّسْ ذ إِشْثنْ. ١٧ إِعْبَارْ أَغْبَارْ نّسْ: مْيَا ؤُ-أَربْعَا ؤُ-ربْعِينْ ن إِغَادْجنْ، أَقَا-ث ذ ڒْْقدّْ ن إِجّْ ن بْنَاذمْ، أَقَا-ث ن لْمَالَاكْ. ١٨ أَغْبَارْ نّسْ ڭِّينْ ث س يَاسْبِيسْ، ؤُ ثَانْذِينْثْ ڭِّينْثْ س وُورغْ إِصْفَانْ، إِتّْبَانْ أَمْ زَّاجْ إِصْفَانْ. ١٩ ذْسُوسَا ن وغْبَارْ ن ثنْذِينْثْ ثُوغَا تّْوَازوّْقنْ كُوڒْشِي س إِژْرَا إِغْڒَانْ. ثُوغَا ذْسَاسْ أَمزْوَارُو ن وژْرُو ن يَاسْبِيسْ، ونِّي وِيسّْ ثْنَاينْ ن صَافِّيرْ، ونِّي وِيسّْ ثْڒَاثَا ن خَالْشِيذُونْ، ونِّي وِيسّْ أَربْعَا ن سْمِيرَالْذَا، ٢٠ ونِّي ذ وِيسّْ خمْسَا ن سَارْذُونِيكْسْ، ونِّي وِيسّْ ستَّا ن سَارْذِييُوسْ، ونِّي وِيسّْ سبْعَا ن وژْرُو ن وُورغْ، ونِّي وِيسّْ ثْمنْيَا ن بِيرِيلْ، ونِّي وِيسّْ ثسْعَا ن ثُوبَاسْ، ونِّي وِيسّْعشْرَا ن كْرِيسُوپْرَاسْ، ونِّي وِيسّْ حِيطَاشْ ن يَازِينْثْ ؤُشَا ونِّي وِيسّْ ثنْعَاشْ ن ؤُمثِيسْثْ. ٢١ ثنْعَاشْ ن ثوُّورَا ذ ثنْعَاشْ ن ثْيَاقُوثِينْ، إِشْثْ إِشْثْ. كُوڒْ إِشْثنْ زِي ثوُّورَا نِّي ثُوغَا زڭْ إِشْثْ ن ثْيَاقُوثْ. مَاشَا أَبْرِيذْ يِيرِيونْ ن ثنْذِينْثْ ثُوغَا-ث ن وُورغْ إِصْفَانْ، أَمْ زَّاجْ إِصْفَانْ.

٢٢ وَارْ ژْرِيغْ شَا زَّاوشْثْ ذَايسْ مِينْزِي سِيذِي أَربِّي، أَمْزمَّارْ خْ كُوڒْشِي، نتَّا سِيمَانْثْ نّسْ ذ زَّاوشْثْ نّسْ. ٢٣ إِزْمَارْ ذ ثنْذِينْثْ وَارْ حْذَاجنْ شَا ثَافُوشْثْ ؤُڒَا ذ ثَازِيرِي، حِيمَا أَذْ خَاسْ سَّارْغنْثْ، مِينْزِي أَعُودْجِي ن أَربِّي يَارقّْ ذَايسْ ؤُشَا إِزْمَارْ ذ ڒفْنَارْ نّسْ. ◘21:‏23 إِشا. 60‏:‏19؛ زَاك. 14‏:‏7. ٢٤ ڒڭْنُوسْ أَذْ ؤُيُورنْ س ثْفَاوْثْ نّسْ ؤُشَا إِجدْجِيذنْ ن ثمُّورْثْ أَذْ غَارسْ سِّيذْفنْ أَعُودْجِي نْسنْ. ◘21:‏24 إِشا. 60‏:‏3. ٢٥ ثِيوُّورَا نّسْ وَارْ تّْوَاقّْننْثْعمَّارْصْ س ؤُزِيڒْ، مِينْزِي دْجِيڒثْ وَارْ ثتّْغِيمِي شَا ذِينْ. ◘21:‏25 إِشا. 60‏:‏11؛ أَسَا. 22‏:‏5. ٢٦ نِيثْنِي أَذْ أَوْينْ غَارسْ أَعُودْجِي ذ شَّانْ ن ڒڭْنُوسْ. ٢٧ عمَّارْصْ أَذْ ذَايسْ ثَاذفْ شَا ن ڒْْحَاجّثْ ثَامنْڭُوسْثْ نِيغْ ونِّي إِڭِّينْ نّْعَاوَاثْ نِيغْ ونِّي إِسّْخَارِّيقنْ، مْغِيرْ إِنِّي إِتّْوَازمّمنْ ذڭْ وذْلِيسْ إِتّْوَانْضنْ ن يزْمَارْ وَاهَا. ◘21:‏27 ؤُف. 32‏:‏32؛ إِزهد. 69‏:‏29؛ فِيل. 4‏:‏3؛ أَسَا. 3‏:‏5؛ 13‏:‏8؛ 20‏:‏12.