١ خْ ؤُينِّي تّْڒَاغِيغْ كنِّيوْ، أَ أَيْثْمَا، س أَرّحْمثْ ثَامقّْرَانْثْ ن أَربِّي، أَذْ ثْقدّْممْ أَرِّيمَاثْ نْومْ ذ ثَاغَارْصْثْ إِدَّارنْ، إِقدّْسنْ، يَارْضَانْ إِ أَربِّي، وَا ذ أَعْبَاذْ نْومْ إِشُووَّارنْ. ◘12:‏1 رُوم. 6‏:‏13، 16؛ 1 بُط. 2‏:‏5. ٢ وَارْ ثمْقُودَّامْ أَكْ-ذ دُّونشْثْ-أَ، مَاشَا بدّْڒمْ س ؤُڒقّمْ ن ڒعْقڒْ نْومْ زِي جْذِيذْ، حِيمَا أَذْ ثْقدْجْبمْ مِينْ إِخْسْ أَربِّي: مِينْ إِشْنَانْ ذ مِينْ يَارْضَانْ ذ مِينْ إِكمّْڒنْ. ◘12:‏2 أَفا. 5‏:‏17؛ 1 تس. 4‏:‏3؛ 1 يُوح. 2‏:‏15.

٣ أَقَا س أَرْضَا ثنِّي ذ أَيِي إِمّوْشنْ، قَّارغْ أَومْ مَارَّا: وَارْ تّْخَارِّيصمْ سنّجْ إِ مِينْ إِتّْڒِيقْ ؤُخَارَّاصْ نّسْ، مَاشَا خَارّْصمْ نِيشَانْ عْلَاحْسَابْ ڒْْقدّْ ن لْ-إِيمَانْ إِ إِوْشَا أَربِّي إِ كُوڒْ إِجّنْ زَّايْومْ. ◘12:‏3 رُوم. 1‏:‏5؛ 1 كُور. 12‏:‏11؛ أَفا. 4‏:‏7. ٤ أَمْ مَامّشْ غَارْنغْ أَطَّاسْ ن إِغزْذِيسنْ ذڭْ إِشْثْ ن أَرِّيمثْ ؤُشَا مَارَّا إِغزْذِيسنْ ن أَرِّيمثْ وَارْ غَارْسنْ بُو ڒْْخذْمثْ ذ إِشْثنْ، ◘12:‏4 1 كُور. 12‏:‏27؛ أَفا. 1‏:‏23؛ 4‏:‏16؛ 5‏:‏23؛ كُول. 1‏:‏24. ٥ أَمُّو نشِّينْ، وَاخَّا ذ أَطَّاسْ، أَقَا أَنغْ ذ إِشْثْ ن أَرِّيمثْ ذِي لْمَاسِيحْ ذ إِغزْذِيسنْ إِجّنْ إِ ونّغْنِي. ◘12:‏5 1 كُور. 12‏:‏4؛ 2 كُور. 10‏:‏13؛ 1 بُط. 4‏:‏10. ٦ مَاشَا غَارْنغْ ثِيوْهِيبِينْ إِمّْسبْضَانْ عْلَاحْسَابْ أَرْضَا إِ ذ أَنغْ إِمّوْشنْ: إِجّنْ غَارسْ ثَاوْهِيبْثْ مَاحنْذْ أَذْ إِنبّْ عْلَاحْسَابْ ڒْْقدّْ ن لْ-إِيمَانْ، ◘12:‏6 1 كُور. 12‏:‏4. ٧ ونّغْنِي غَارسْ نّيّثْ ن ثْسخَّارْثْ مَاحنْذْ أَذْ إِسخَّارْ، نِيغْ ثَاوْهِيبْثْ ن ؤُمْسغَّارْ مَاحنْذْ أَذْ إِسّْغَارْ، ◘12:‏7 1 كُور. 12‏:‏10؛ 1 بُط. 4‏:‏10، 11. ٨ نِيغْ ثَاوْهِيبْثْ ن ؤُسْفوّجْ مَاحنْذْ أَذْ إِسّْفوّجْ، نِيغْ ثَاوْهِيبْثْ مَاحنْذْ أَذْ إِوْشْ س ثشْرِيمثْ، نِيغْ ثَاوْهِيبْثْ ن ؤُضبَّارْ س ومْحَاضْ، نِيغْ ثَاوْهِيبْثْ ن أَرّحْمثْ س ڒفْرَاحثْ. ◘12:‏8 أَعَوذ. 15‏:‏7؛ مت. 6‏:‏1، 2، 3؛ 2 كُور. 9‏:‏7.

٩ أَذْ ثِيڒِي ثَايْرِي نْومْ بْڒَا نِّيفَاقْ. شَارْهمْ ڒْْغَارْ، ثْشبَّارمْ ذِي مِينْ إِشْنَانْ. ١٠ إِڒِيمْ مْلِيحْ إِجّنْ أَكْ-ذ ثَاوْمَاثْ نْومْ، خْسمْ إِجّْ إِ ونّغْنِي، إِزَّارمْ أَذْ ثْشنّْعمْ إِجّنْ ونّغْنِي. ◘12:‏10 أَفا. 4‏:‏2؛ فِيل. 2‏:‏3؛ 1 بُط. 5‏:‏5؛ عبر. 13‏:‏1؛ 1 بُط. 1‏:‏22؛ 2‏:‏17. ١١ إِڒِيمْ ذ إِمْحَاضنْ، وَارْ تِّيڒِيمْ ذ إِفِينْيَاننْ. إِڒِيمْ ذ ثِيمسِّي ذِي أَرُّوحْ،عبْذمْ سِيذِيثْومْ، ١٢ فَارْحمْ ذِي مِينْ إِدْجَانْ أَسِيثمْ نْومْ، ذِي ڒْْمحْنثْ نْومْ صْبَارمْ ؤُشَا طّْفمْ ڒبْذَا ذِي ثْژَادْجِيثْ. ◘12:‏12 لك. 18‏:‏1؛ رُوم. 15‏:‏13؛ أَفا. 6‏:‏18؛ كُول. 4‏:‏2؛ 1 تس. 5‏:‏16، 17؛ عبر. 10‏:‏36؛ 12‏:‏1؛ يَاع. 5‏:‏7 ١٣ وْشمْ أَفُوسْ ذِي مِينْ إِحْذَاجنْ إِمْقدَّاسنْ. ڭّمْ س ڒضْرَافثْ أَكْ-ذ إِبَارَّانِييّنْ. ◘12:‏13 1 كُور. 16‏:‏1؛ عبر. 13‏:‏2؛ 1 بُط. 4‏:‏9. ١٤ بَارْكمْ إِنِّي كنِّيوْ إِمَارّْثنْ، بَارْكمْ وَارْ نعّْڒمْ شَا. ◘12:‏14 مت. 5‏:‏44؛ 1 كُور. 4‏:‏12. ١٥ فَارْحمْ أَكْ-ذ إِنِّي إِفَارْحنْ، رُومْ أَكْ-ذ يِينِّي إِتّْرُونْ. ١٦ حسْبمْ أَيْثْمَاثْومْ أَمْ مَامّشْ ثْحسّْبمْ إِخفْ نْومْ، وَارْ تِّيڒِيمْ ذ إِمْعفَّارنْ، مَاشَا رُوحمْ أَكْ-ذ إِمْوَاضْعنْ. وَارْ تِّيڒِيمْ شَا ذ إِمِيغِيسنْ أَكْ-ذ يِيخفْ نْومْ. ◘12:‏16 أَوڒن. 3‏:‏7؛ إِشا. 5‏:‏21؛ رُوم. 15‏:‏5؛ 1 كُور. 1‏:‏10؛ فِيل. 2‏:‏2؛ 3‏:‏16؛ 1 بُط. 3‏:‏8. ١٧ وَارْ تَّارِّيمْ شَا حذْ خْ ڒْْغَارْ س ڒْْغَارْ، مَاشَا ڭّمْ مِينْ إِشْنَانْ إِ مَارَّا إِوْذَانْ. ◘12:‏17 أَوڒن. 20‏:‏22؛ مت. 5‏:‏39؛ 1 كُور. 6‏:‏7؛ 2 كُور. 8‏:‏21؛ 1 تس. 5‏:‏15؛ 1 بُط. 2‏:‏12. ١٨ مَاڒَا ثْزمَّارمْ، مشْحَاڒْ مَا إِ د-إِتَّاسنْ زَّايْومْ، صڒْحمْ أَكْ-ذ مَارَّا إِوْذَانْ. ◘12:‏18 مك. 9‏:‏50؛ عبر. 12‏:‏14. ١٩ وَارْ تّنْثِيقِيممْ شَا إِ يِيخفْ نْومْ، أَ إِمْعِيزّنْ، مَاشَا وْشمْ أَمْشَانْ إِ وغْضَابْ، مِينْزِي ثُورَا: ”مَاڒَا كنِّيوْ وَارْ ثَارِّيمْ ثَاسْغَارْثْ س يِيخفْ نْومْ، نشّْ أَذْ أَرّغْ ثَاسْغَارْثْ نومْ، إِقَّارْ أَربِّي.“ ◘12:‏19 أَعَوذ. 32‏:‏35؛ مت. 5‏:‏39؛ لك. 6‏:‏29؛ عبر. 10‏:‏30.

٢٠ مَاڒَا إِدْجُوژْ ڒعْذُو نْومْ، سشّمْ ث، مَاڒَا إِفُوذْ، وْشمْ أَسْ أَذْ إِسُو، مِينْزِي مَاڒَا ثڭِّيذْ أَيَا، أَذْ ثْيَارْوذْ ڒفْحمْ إِتّحْذُوذُوقنْ خْ ؤُزدْجِيفْ نّسْ. ◘12:‏20 أَوڒن. 25‏:‏21‏-‏22؛ مت. 5‏:‏44. ٢١ وَارْ تّجِّيمْ شَا ڒْْغَارْ أَذْ كنِّيوْ إِغْڒبْ، مَاشَاغڒْبمْ خْ ڒْْغَارْ س ڒْْخَارْ.