26
1 Azehhed n Dawud.
Aɣ ayi tasɣart inu, a SIDI,
maɣar necc ggureɣ di řeṣfayet inu.
Necc ttecřeɣ x SIDI,
war ttefriɣeɣ ca. ◘26:1 Izhd. 7:9
2 Qeǧeb ayi, a SIDI, jarreb ayi,
seṣfa tiẓẓař inu d wuř inu. ◼26:2 tiẓẓař - niɣ ‘tigeẓřin’.
3 Minzi tamexsiwt nnec icewwaren
aqa-tt zzat i tiṭṭawin inu,
necc ggureɣ di tidett nnec.
4 Necc war ttɣimiɣ
ak-d iryazen war isekkwin,
war ttmuneɣ ak-d yinni icemmten. ◘26:4 Ayub 31:5; Izhd. 1:1
5 Necc carrheɣ agraw n tarwa n řehram,
war ttɣimiɣ ak-d iɛeffanen.
6 Necc ssirideɣ ifassen inu
am war dayi řɛib,
ttennḍeɣ i uɛalṭar nnec,
řmedbeḥ nnec n wecmaḍ, a SIDI,
7 maḥend ad ssgeɛɛdeɣ
tmijja teccur s uqadi,
maḥend ad barrḥeɣ s marra lmuɛjizat nnec.
8 A SIDI, necc ttexseɣ
Tazeddiɣt n Taddart nnec,
uřa d amcan n Tzeddiɣt n uɛuǧi nnec.
9 War smuna řeɛmar inu ak-d imednab,
uřa d tudart inu ɣar iryazen
i issazzařen idammen.
10 inni ɣar iǧa ifassen nsen
ccuren s tuɛeffna,
afus nsen afusi iccur s řɣecc.
11 Necc ggureɣ di řeṣfayet inu,
fdi ayi u ḥinn xafi.
12 Aḍar inu ibedd x temmurt iwaṭan.
Necc ad barkeɣ SIDI di tmesmunin.