31
Ayub iceffeɛ belli war dayes bu řɛib
1 Necc ggiɣ řɛahd
ak-d tiṭṭawin inu,
mammec i ɣa xzareɣ xenni di teɛzarect? ◘31:1 Izhd. 7:4-6; 15:1-5
2 Maɣar min iǧan xenni tasɣart
n Arebbi zi sennej,
niɣ tasɣart n řwart n Umzemmar x kuřci
zeg ijenwan yuɛřan?
3 Ma war iǧi aḍeyyeɛ ikkar-dd i uɛeffan,
arẓiyyet i yinni itteggen řmuɛṣiyyet?
4 Ma war ittwiři Netta ibriden inu,
ma war iḥesseb Netta řqedd
n marra iṣuraf inu? ◘31:4 2 Im. 16:9; Ayub 34:21; Awřn. 5:21; 15:3; Irm. 32:19
5 Mařa tuɣa uyureɣ di řexdeɛ,
niɣ iqeǧeq uḍar inu ɣar řɣecc,
6 ejj SIDI ad ayi iwzen xenni
di řmizanat iseggden,
ařami i ɣa issen Arebbi řeṣfayet inu.
7 Mařa iṣuraf inu ffɣen zeg webrid,
uř inu iḍfar tiṭṭawin inu
uca xenni iřṣeq řɛib deg ifassen inu,
8 xenni ad zarɛeɣ necc,
maca ijjen nneɣni ad icc,
u min ɣari dd-iɣemmayen ad ittwaqřeɛ!
9 Mařa uř inu ittwaɣwa ɣar ict n temɣart,
niɣ tuɣa ttḥamiɣ
ɣar tewwart n wajjar inu, ◘31:9 Ayub 24:15; Awřn. 7:25
10 ejj xenni tamɣart inu
ad teḥri imendi i yijjen nneɣni,
jjem inneɣni ad xas aḍaren.
11 Maɣar aya d řefḍiḥet,
d ict n ljarima i xas i ɣa wten řquḍat.
12 Maɣar aya d timessi tᵉttett ař ahellek,
tqeǧeɛ marra řɣiǧet inu.
13 Mařa ssḥeqqareɣ řḥeqq
n ismeɣ inu d tayya inu,
řami tuɣa ttemcubbucen akidi,
14 min i ɣa ggeɣ xenni mařa SIDI ikkar,
mařa Netta iqeǧeb ayi,
min xas dd ɣa yarreɣ xenni? ◘31:14 Izhd. 44:22
15 Wenni d ayi iggin deg uɛeddis n yemma,
ma war t iggi uřa d netta?
Ma war iǧi d Ijj wenni d aneɣ dd-ixeřqen
deg uɛeddis n yemmatneɣ? ◘31:15 Ayub 34:19; Awřn. 14:31; 17:5
16 Mařa qemmḥeɣ ameẓri n imezřaḍ
niɣ ssruɣ tiṭṭawin n tajjač,
17 mařa necc mɣir cciɣ
ařeqquz n weɣrum inu,
am war zzayes icci uyujiř,
18 - maɣar zi temẓi iyma netta ɣari
am iyma ɣar babas,
zeg uɛeddis n yemma nedheɣ tt -
19 mařa ẓriɣ ijjen ittwahellek
minzi war ɣares iǧi warruḍ,
niɣ minzi war din iǧi dduri i umezřuḍ,
20 mařa ɛemmarṣ war d ayi barkent
tejɛinnatin nnes,
minzi igga ad issiḥma ixef nnes
s waǧas n tḍuft n izmaren inu,
21 mařa afus inu ihudd x uyujiř,
minzi ẓriɣ aqa din twiza i necc
22 ejj xenni ad ayi tewḍa
teɣruḍt inu zeg ijiman,
ad ayi yarẓ uɣiř inu zeg yiɣes!
23 Maɣar ad xafi dd-iwḍa
unexřiɛ ameqqran,
ict n řmuṣibet zi ɣar Arebbi,
war zemmareɣ ad ggeɣ walu
zzat i Uɛuǧi nnes.
24 Mařa ggiɣ ureɣ d atecři inu,
niɣ nniɣ i wureɣ iɣřan aṭṭas:
‘Cek d řaman inu!’, ◘31:24 Mk. 10:24; 1 Tim. 6:17
25 mařa farḥeɣ umi imɣar wagřa inu,
umi afus inu iṭṭef aṭṭas d agřa, ◘31:25 Izhd. 62:11
26 mařa ẓriɣ tafawt n tfuct xmi tᵉttwesseg,
niɣ taziri xmi teggur di tissiqt nnes, ◘31:26 Aɛwd. 4:19
27 uca ittwaɣwa wuř inu s tnuffra,
uca aqemmum inu, issudem i-t ufus inu,
28 xenni iři uřa d man aya d řmuɛṣiyyet
ad tt wcen i řquḍat,
maɣar xenni ad nkareɣ Arebbi
nni iǧan sennej.
29 Mařa farḥeɣ i arẓiyyet
n wenni d ayi icarrhen,
farḥeɣ umi t iřqef řɣar! ◘31:29 Awřn. 17:5
30 Necc maca war jjiɣ aneɣ inu ad ixḍa,
umi kkwareɣ řeɛmar nnes s nneɛřet! ◘31:30 Mt. 5:44; Rum. 12:14
31 Mařa iryazen nni iǧan deg uqiḍun inu
war qqaren:
‘Man wen war ittwassjiwnen
zeg yinni iksin zeg weysum nnes?’
32 Uřa d ijj n řbarrani
war issens di barra x webrid,
maɣar i umsebrid arzmeɣ tiwwura inu.◘31:32 Ɛbr. 13:2; 1 Bṭ. 4:9
33 Mařa necc, am Adam, dřiɣ axeṭṭu inu,
umi ssnuffareɣ řmuɛṣiyyet inu
deg weḥsin inu, ◼31:33 aḥsin - niɣ ‘abeḥrur’.
34 minzi ggʷedeɣ zi řɣaci ameqqran,
niɣ issnexřeɛ ayi useḥqar n řwacun inu,
ařami qqimeɣ sseɣdeɣ,
war ffiɣeɣ ɛad zi tewwart ɣar barra ...
35 Mři ɣari ijjen wenni d ayi ɣa isřen.
Xzar, acemmiɛ inu
- Amzemmar x kuřci ad xafi dd-yarr -
uřa d adlis ittwannḍen nni t yura
weryaz nni kidi ittemcubbucen. ◘31:35 1 Jh
36 Meɛlik ufiɣ ma war t arebbuɣ
x tɣarḍt inu,
ad t qqneɣ i uzeǧif inu am yijj n ttaj.
37 Iwa, ad as iniɣ řqedd n iṣuraf inu,
ad ɣares dd-qarrbeɣ am yijj n řḥakem.
38 Mařa řeɛraṣi inu isɣuy xafi,
iɛeyyaden nnes ad run
ak-d wayawya marra,
39 mařa cciɣ ṣṣabet nnes nhřa axeǧeṣ,
niɣ ggiɣ řeɛmar n ixemmasen nnes
iḍřeq i buḥbeř,
40 ejj xenni ad iɣmi cbarq ak-d isennanen
deg wemcan n yirden,
uřa d řeɛcub yarṣuden
deg wemcan n imendi.
Aqa da i qḍan wawařen n Ayub.
◘31:1 31:1 Izhd. 7:4-6; 15:1-5
◘31:4 31:4 2 Im. 16:9; Ayub 34:21; Awřn. 5:21; 15:3; Irm. 32:19
◘31:9 31:9 Ayub 24:15; Awřn. 7:25
◘31:14 31:14 Izhd. 44:22
◘31:15 31:15 Ayub 34:19; Awřn. 14:31; 17:5
◼31:21 31:21 afessar - di tewwart n tendint aqa din amcan n řquḍat. Mařa řquḍat wwar carrɛen nican, ixs ad yini ixḍaren ṭṭarf n bu-wagřa niɣ n yenni ɣarsen ṣṣulṭa, ad dewřen ḥeṣṣaren i imezřad di tewwura n tendint.
◘31:24 31:24 Mk. 10:24; 1 Tim. 6:17
◘31:25 31:25 Izhd. 62:11
◘31:26 31:26 Aɛwd. 4:19
◘31:29 31:29 Awřn. 17:5
◘31:30 31:30 Mt. 5:44; Rum. 12:14
◘31:32 31:32 Ɛbr. 13:2; 1 Bṭ. 4:9
◼31:33 31:33 aḥsin - niɣ ‘abeḥrur’.
◘31:35 31:35 1 Jh