1 Ejj ad teqqim tayri n tawmat jar awem. ◘13:1 Rum. 12:10; Afa. 4:3; 1 Bṭ. 1:22; 2:17; 4:8. 2 War tᵉttum ca ad tiřim tecnam ak-d ibarraniyyen, aqa zeɛma s uya areḥḥben ca s lmalakat am war ssinen. ◘13:2 Amz. 18:1; 19:1; Rum. 12:13; 1 Bṭ. 4:9.

3 Xarrṣem deg imeḥbas axmi kenniw ḥebbsem akidsen, xarrṣem deg inni ittwaḥsaren, am iwdan am kenniw, inni yarḍen aysum n arrimet. ◘13:3 Mt. 25:36.

4 Ejj ad yiři řemřac d aweqqar ɣar marra, d qama nsen n řemřac d amezdag, maca AREBBI ad iḥkem x ayt n farq-ccɣeř u x yinni itteggen zzina.

5 War tteggem nneyyet nwem di tenɛacin, maca qenɛem s min ɣarwem, minzi SIDI inna:

“Necc war cek ttejjiɣ

niɣ ad semmḥeɣ deg ufus nnec.” ◘13:5 Amz. 28:15; Uf. 23:8; Aɛwd. 16:19; 31:6, 8; Yac. 1:5; 1 Im. 28:20; Awřn. 15:16; Fil. 4:11; 1 Tim. 6:6, 8.

6 Man aya ittwanna i neccin, maḥend ad nini s teryast:

“Sidi d Amɛawen inu, war tteggʷdeɣ ca,

min d ayi ɣa yegg bnadem?” ◘13:6 Izhd. 56:5; 118:6.

7 Ɛeqřem x imgewwaden nwem, inni d awem issiwřen awař n AREBBI. Beqqcem řɣiǧet n tecri nsen uca ḍfarem l’iman nsen. ◘13:7 Ɛbr. 13:17.

8 Yasuɛ Lmasiḥ d Netta Netta iḍennaḍ d yiḍa, u i řebda.

9 War tejjim ad kenniw ɣarren s tɣuriwin ittbeddařen n deɣya, minzi řḥajjet n lemliḥ mařa cebbaren wuřawen nneɣ di arḍa, war iǧi di macca, minzi inni tuɣa dayes yeřhan, war dayes ufin bu nnfeɛ. ◘13:9 Irm. 29:8; Mt. 24:4; Yḥ. 6:27; Rum. 14:17; 16:17; Afa. 4:14; 5:6; Kul. 2:16; 2 Ts. 2:2; 2 Tim. 4:3; 1 Yḥ. 4:1. 10 Ɣarneɣ ijj n uɛalṭar i umi war iɛeddeř ad zzayes ccen inni ittsexxaren di Tzeddiɣt. 11 Minzi zeg imuddaren, inni idammen nsen ttwaksin ɣar Zzawect Iqeddsen s ufus n arrays n ikehhanen, ittwassarɣ weysum nsen barra i řmargeḥ. ◼13:11 imuddaren - ixs ad yini ‘iwdan’ d ‘lḥayawanat’ d marra min iddaren nni izemmar ad yuyur.  ◘13:11 Uf. 29:14; Lawi 4:21; 6:30; 16:27; Řxř. 19:3. 12 S uyenni tuɣa Yasuɛ imarret ɛawed barra i tendint, ḥima ad issqeddes řgens s Idammen nnes. ◘13:12 Yḥ. 19:17, 18. 13 S uyenni ejj aneɣ ad neffeɣ ɣar barra n řmargeḥ, am narebbu řɛar nnes. 14 Minzi war ɣarneɣ da tandint n řebda, maca narezzu x tenni i dd ɣa yasen. ◘13:14 Fil. 3:20.

15 Ejj aneɣ řebda ad zzayes nqeddem tiwhibin n usemɣar i AREBBI, řɣiǧet n iyencicen nni dd-ittwayen aqadi i Yisem nnes. ◘13:15 Ḥuc. 14:3. 16 War ttᵉttum ca arreḥmet uřa d tecrimet i imeẓřaḍ, minzi s tewhibin-a ad yarḍa bnadem AREBBI. ◘13:16 Fil. 4:18.

17 Iřim d imtiqqan i yinni i kenniw ittgewwaden, ṭaɛem asen, minzi nitni ttɛessan x řeɛmur nwem am yinni itteggen řeḥsab xawem, ḥima ad tt ggen s řefraḥet, war iǧi s uweḥweḥ, minzi man aya war kenniw ineffeɛ. ◘13:17 Ḥiz. 3:18; 33:8; Fil. 2:29; 1 Ts. 5:12; 1 Tim. 5:17.

18 Ẓaǧem xaneɣ, minzi ɣarney ttiqqet belli ɣarneɣ tanefsect tecna, am dayneɣ meẓri, ḥima ad nuyur nican di marra. 19 Ttzawgeɣ kenniw s jjehd ad teggem ammu ɣar umezwaru, ḥima xenni necc deɣya ad ɣarwem dd-dewřeɣ.

20 AREBBI n řehna wenni dd-issnekkaren Ameksaw Ameqqran n wuǧi, Yasuɛ Lmasiḥ, Siditneɣ, zi taddart n imettinen s Idammen n Řɛahd i řebda, ◘13:20 Ica. 40:11; Ḥiz. 34:23; Yḥ. 10:11; 1 Bṭ. 5:4. 21 ad kenniw ikemmeř di kuř řxedmet icnan, ḥima ad teggem min ixs Netta. Netta ad dayneɣ igg min iǧan i arḍa nnes s Yasuɛ Lmasiḥ wenni ɣar iǧa uɛuǧi i řebda qaɛ. Amin. ◘13:21 2 Kur. 3:5; Fil. 2:13.

22 Xenni ttzawageɣ zzaywem, a aytma inu, qebřem awař-a n usejjeɛ s ttasiɛ n řxaḍar, minzi uriɣ awem-dd s drus.

23 Snem aqa arxun i umatneɣ Timutiyu. Mařa yusa-dd deɣya, ad kenniw ẓareɣ akides.

24 Seǧmem x marra inni i kenniw ittgewwaden s řeḥna u x marra imqeddasen. Marra awmaten n Iṭalya ttseǧamen-dd xawem s řehna.

25 Arḍa ad kidwem yiři marra. Amin.