5
X udebbar n tmesmunt
War tiřid tewɛared i uwessar, maca nesḥ i-t am babac, uca ibřiɣen am wawmaten nnec, 5:1 Lawi 19:32. tiwessura am tiyemmatin, uca tiɛezriyyin am suyᵉtmac nnec, s marra řeṣfayet.
Weqqar tijjař, tinni d tidett ǧant d tijjař. Mařa ca n tajjač ɣares iḥenjiren niɣ ayyawen, ejj i-ten ad řemden d amezwar maḥend ad ggen min ittřiqen di ṭṭweɛ n řaǧ nsen, ad dd-arren i lwalidin min ttursen, minzi ddegga yusa-dd x řxaḍar n AREBBI. 5:4 Amz. 45:10, 11; Mt. 15:4; Mk. 7:10; Afa. 6:1, 2. Maca tajjač nican d tenni iǧan weḥḥdes, tessitim di AREBBI uca tṣebbar di tutra d tẓaǧitin, ǧiřet d wass. 5:5 Lk. 2:36; 1 Kur. 7:32. Maca tenni iwḍan di tudart n nnecwet, aqa temmut waxxa teddar. Weṣṣa i-tent timesřayin-a, ḥima ad iřint břa řɛib. Minzi mařa ca n yijj war itthilli ca di wi iǧan nnes, d amewaru deg yinni iǧan d aytbab n taddart n familya n yinni yumnen, aqa wanita immenḍar l’iman uca netta mahu x yinni war yuminen ca. 5:8 Gal. 6:10.
Ixḍar xenni ict n tajjač illa mařa ɣares zi settin n iseggʷusa ař tsawent, ict n tajjač nni tuɣa d tamɣart n ijj n weryaz, 10 tenni ɣar teǧa cchadet aqa tegga řexdayem tiṣebḥanin: niɣ tesseymi iḥenjiren nnes, niɣ tareḥḥeb s ibarraniyyen, niɣ tessired iḍaren n imqeddasen, niɣ tewca fus i yinni ittwaḥṣaren, wah, aqa tegga marra řxedmet taṣebḥant. 5:10 Amz. 18:4; 19:2; Lk. 7:38,44; 1 Bṭ. 4:9.
11 Maca war qebbeř tijjař timeẓyanin, minzi nitenti ttexsent ad ssarxunt i Lmasiḥ s nnecwat nsent, arezzunt x ijj n weryaz. 12 Aqa ccreɛ nsent imten, minzi ssarsent l’iman nsent amezwar ɣar uɣezdis. 13 Maɣar nitenti ssřemdent inneɣni řeɛqez am ggurent x tudrin, war iǧi ssřemdent waha řeɛgez, maca nitenti ttɛawadent řexburat, ttadfent di cɣuřat n midden, qqarent min war icuwwaren. 5:13 Tit. 2:3. 14 S uyenni xseɣ ad meřcent tijjař timeẓyanin, ad dd-jjent iḥenjiren, ad ssuyurent taddart nsen, war ttejjint ca i řeɛdu ssibbet ḥima ad iceqqef. 5:14 1 Kur. 7:9. 15 Minzi aqa ca zzaysent bdant ad ffɣent abrid, ḍeffarent cciṭan.
16 Mařa din iryazen niɣ timɣarin yumnen ɣarsen tijjař, ejj i-ten ad daysent thillan, maḥend war ittiři ddqeř ɛad x tmesmunt, ḥima tamesmunt ad ɣares yiři maḥend ad tɛawen tinni iǧan d tijjař s tidett.
 
Imɣaren n tmesmunt
17 Imɣaren nni ittḍebbaran mliḥ, sdahǧen aweqqar tnayen n imuren, abeɛda inni ixeddmen deg Wawař u deg useřmed. 5:17 Rum. 15:27; 1 Kur. 9:11; Gal. 6:6; Fil. 2:29; 1 Ts. 5:12; Ɛbr. 13:17. 18 Minzi Tira Iqeddsen qqarent: “War ttegg tacmant i uyenduz issarwaten!”, u: “Axeddam isdaheǧ řmunet nnes!” 5:18 Lawi 19:13; Aɛwd. 24:14; 25:4; Mt. 10:10; Lk. 10:7; 1 Kur. 9:9. 19 War qebbeř ca tanfuč ḍidd i umɣar, mɣir x uqemmum n tnayen niɣ n třata n řechud. 5:19 Aɛwd. 19:15. 20 Inni ixḍan, ɛeyyeb i-ten zzat i marra, ḥima inneɣni ad ggʷeden ɛawed. 21 Ziyyareɣ xak zzat i AREBBI d Siditneɣ Yasuɛ Lmasiḥ d lmalakat nnes ittwafarzen, ad teḥḍid man aya břa řfarz, war ttegg uřa d ict n tmesřact ɛlaḥsab udmawen. 5:21 Aɛwd. 17:4; 19:18; Rum. 1:9; 9:1; 2 Kur. 1:23; 11:31; Gal. 1:20; Fil. 1:8; 1 Ts. 2:5; 5:27; 1 Tim. 6:13. 22 War ssrusa ifassen nnec x ḥed s uqeǧeq, war carrec di ddnub n inneɣni, ḥḍa ixef nnec di řeṣfayet. 5:22 Řex. 6:6; 8:17; 13:3; 19:6; 1 Tim. 4:14; 2 Tim. 1:6.
23 War sess aman waha, maca su drus n binu i stumaɣu nnec u i řeḥřac nnec azirar. 5:23 Izhd. 104:15.
24 Aqa din iwdan i ɣar iǧa ddnub nsen banen mliḥ deɣya, aqa ddnub nsen ttizzaren asen ɣar ccreɛ, uca aqa din ca nneɣni ḍeffaren ten ddnub nsen. 5:24 Gal. 5:19. 25 Ammu dd-banent uřa d řexdayem tiṣebḥanin, maca uřa d tinni i war iǧin ammu, war zemmarent ad qqiment nnuffarent.
 
 

5:1 5:1 Lawi 19:32.

5:4 5:4 Amz. 45:10, 11; Mt. 15:4; Mk. 7:10; Afa. 6:1, 2.

5:5 5:5 Lk. 2:36; 1 Kur. 7:32.

5:8 5:8 Gal. 6:10.

5:10 5:10 Amz. 18:4; 19:2; Lk. 7:38,44; 1 Bṭ. 4:9.

5:13 5:13 Tit. 2:3.

5:14 5:14 1 Kur. 7:9.

5:17 5:17 Rum. 15:27; 1 Kur. 9:11; Gal. 6:6; Fil. 2:29; 1 Ts. 5:12; Ɛbr. 13:17.

5:18 5:18 Lawi 19:13; Aɛwd. 24:14; 25:4; Mt. 10:10; Lk. 10:7; 1 Kur. 9:9.

5:19 5:19 Aɛwd. 19:15.

5:21 5:21 Aɛwd. 17:4; 19:18; Rum. 1:9; 9:1; 2 Kur. 1:23; 11:31; Gal. 1:20; Fil. 1:8; 1 Ts. 2:5; 5:27; 1 Tim. 6:13.

5:22 5:22 Řex. 6:6; 8:17; 13:3; 19:6; 1 Tim. 4:14; 2 Tim. 1:6.

5:23 5:23 Izhd. 104:15.

5:24 5:24 Gal. 5:19.