5
Tiřelli di Lmasiḥ
1 Beddem nican di tiřelli tenni umi d aneɣ ifekk Lmasiḥ, uca war ttdekkwiřem ɛawed, maḥend ad teksim azayřu n tesmuɣi. ◘5:1 Ica. 9:3; Yḥ. 8:32; Rum. 6:18; 1 Bṭ. 2:16.
2 Aqa ayi necc Bulus ad awem iniɣ, mařa tᵉttwaxetnem, Lmasiḥ war kenniw ineffeɛ deg walu. ◘5:2 Řex. 15:1. 3 Ɛawed cehhdeɣ i marra bnadem i ɣa ittwaxetnen, aqa netta s umarwas ḥima ad igg marra min iǧan di Ccariɛa. 4 Kenniw inni ittexsen ad ttwaseggdem s Ccariɛa, aqa tdewřen tarxum zi Lmasiḥ, uca zi arḍa i zi dd-tewḍam. 5 Minzi neccin nettraja asitem n tsegda s Arruḥ nni iǧan zi l’iman. 6 Maɣar di Yasuɛ Lmasiḥ, axtan niɣ břa axtan war isekkwi walu, maca mɣir l’iman waha nni ittwakemmřen s tayri. ◘5:6 Mt. 12:50; Yḥ. 15:14; 1 Kur. 7:19; 2 Kur. 5:17; Gal. 6:15; Kul. 3:11; 1 Ts. 1:3.
7 Kenniw tuzzřem mliḥ! Wi kenniw imenɛen ařami war tᵉttᵉṭṭifem ɛad s řaman di tidett? ◘5:7 Gal. 3:1. 8 Ṭwaɛ-a nwem war iǧi zeg wenni d awem ittřaɣan. 9 Cwayt n wentun issmemm marra řɛejnet n warecti. ◘5:9 1 Kur. 5:6. 10 Necc ttiqqeɣ daywem di Siditneɣ, aqa war ɣarwen tiři nneyyet nneɣni. U wenni kenniw ittseddaɛen, aqa ad yarbu řḥukm, man wen ma iɛna netta. ◘5:10 2 Kur. 2:3; 8:22.
11 A aytma, mařa necc ttbarrḥeɣ kenniw ɛad s wextan, mayemmi ɛad i ɣa ttwamarrteɣ? Ma xenni tᵉttwabeṭṭeř taɛenkrift n ṣṣalib? ◘5:11 1 Kur. 1:23. 12 Meɛlik qaɛ ttexseɣ, aqa inni ittexsen ad kenniw qessen, ad ttwaqessen simant nsen.◘5:12 Yac. 7:25.
13 I tiřelli umi dd-tᵉttwařaɣam kenniw, a aytma, maca war ttqeǧbem tiřelli am lfurṣa i weysum, maca sexxarem ijjen i wenneɣni s tayri. ◘5:13 1 Kur. 8:9; 1 Bṭ. 2:16; Yah. 4. 14 Minzi marra Ccariɛa tkemmeř s yijj n wawař, aqa s man aya: “Ad texsed jjar nnec amecnaw ixef nnec.” ◘5:14 Lawi 19:18; Mt. 22:39; Mk. 12:31; Rum. 13:8; Yaɛ. 2:8. 15 Maca mařa tzeɛɛfem u tᵉttettem ijjen wenneɣni, xenni ḥḍam ixef nwem war tᵉttᵉttem ca ayawya qaɛ. ◘5:15 2 Kur. 12:20.
Tudart s Arruḥ Iqeddsen
16 Maca necc ad awem iniɣ: Uyurem di Arruḥ, war ttkemmřen ɛemmarṣ nnecwat n weysum. ◘5:16 Rum. 13:14; 1 Bṭ. 2:11. 17 Minzi ddat yarezzu min iǧan ḍidd n Arruḥ, uca Arruḥ yarezzu min iǧan ḍidd n weysum. Nitni s tnayen ttbeddan ak-d wayawya, x uyenni war tzemmarem ad teggem min texsem. ◘5:17 Rum. 7:15-26. 18 Maca mařa Arruḥ indeh i kenniw, war teǧim ɛad sadu Ccariɛa.
19 Řexdayem n weysum banent, aqa atent d zzina d řexmej d farq-ccɣeř ◼5:19 farq-ccɣeř - niɣ ‘řeqbaḥet’. ◘5:19 1 Kur. 3:3; Yaɛ. 3:14. 20 d uɛbad i l’aṣnam d tseḥḥart d řeɛdawet d umcebbec d řeḥsed d tefqeḥt d uɣewweɣ d ubeṭṭu d tɣuriwin i dd-itteffɣen zeg webrid, ◼5:20 amcubbec - niɣ ‘lxilaf’ (lixalafat). 21 d tusmi d wenɣay d uɣelli d řefsed uřa d timesřayin nneɣnit am tina. Inni ittceɣřen ixef nsen ak-d tmesřayin-a, aqa izwareɣ nniɣ t, u ad t iniɣ ɛawed, aqa nitni war warrten ca Tageldit n AREBBI. ◘5:21 1 Kur. 6:10; Afa. 5:5; Kul. 3:6; Asa. 22:15.
22 Maca řɣiǧet n Arruḥ aqa-tt d tayri d řefraḥet d řehna d řeḍrafet d ttasiɛ n řxaḍar d tcuni d l’iman d temhint uřa d ṣṣbar. ◘5:22 Afa. 5:9. 23 Ccariɛa war teǧi ḍidd n tmesřayin-a. ◘5:23 1 Tim. 1:9. 24 Maca inni iǧan zi Lmasiḥ aqa ṣellben aysum nsen ak-d marra ccehwat d nnecwat. ◘5:24 Rum. 6:6; 13:14; Gal. 2:20; 1 Bṭ. 2:11. 25 Ejj aneɣ ad neddar s Arruḥ u ad nsellem ixef nneɣ i Arruḥ. 26 War d aneɣ ittejji ad nweqqar ijj wenneɣni s nnifaq, am nesseḥqara ijjen wenneɣni u nettasem uřa d ijjen zeg wenneɣni.
◘5:1 5:1 Ica. 9:3; Yḥ. 8:32; Rum. 6:18; 1 Bṭ. 2:16.
◘5:6 5:6 Mt. 12:50; Yḥ. 15:14; 1 Kur. 7:19; 2 Kur. 5:17; Gal. 6:15; Kul. 3:11; 1 Ts. 1:3.
◘5:9 5:9 1 Kur. 5:6.
◘5:10 5:10 2 Kur. 2:3; 8:22.
◘5:11 5:11 1 Kur. 1:23.
◘5:13 5:13 1 Kur. 8:9; 1 Bṭ. 2:16; Yah. 4.
◘5:14 5:14 Lawi 19:18; Mt. 22:39; Mk. 12:31; Rum. 13:8; Yaɛ. 2:8.
◘5:15 5:15 2 Kur. 12:20.
◘5:16 5:16 Rum. 13:14; 1 Bṭ. 2:11.
◘5:17 5:17 Rum. 7:15-26.
◼5:19 5:19 farq-ccɣeř - niɣ ‘řeqbaḥet’.
◘5:19 5:19 1 Kur. 3:3; Yaɛ. 3:14.
◼5:20 5:20 amcubbec - niɣ ‘lxilaf’ (lixalafat).
◘5:21 5:21 1 Kur. 6:10; Afa. 5:5; Kul. 3:6; Asa. 22:15.
◘5:23 5:23 1 Tim. 1:9.
◘5:24 5:24 Rum. 6:6; 13:14; Gal. 2:20; 1 Bṭ. 2:11.