1 Ibda issawař akidsen s imedya: “Ijj n bnadem igga ijj n umarjeɛ n uḍiř, iẓẓu dayes tizayarin, iqewwar as-dd s ijj n wefray, iɣza tasirt n uḍiř, ibna dayes ṣṣumɛet uca iwekkeř amarjuɛ nni i ixemmasen uca isafar. ◘12:1 [Mt. 21:33-46; Lk. 20:9-19] — Izhd. 80:1; Ica. 5:1; Irm. 2:21; 12:10; Mt. 21:33; Lk. 20:9. 2 Řami dd-yiweḍ řḥař, issekk amsexxar nnes ɣar ixemmasen, ḥima ad iksi tasɣart nnes zeg weřqaḍ n umarjeɛ n uḍiř. 3 Maca nitni wtin t uca ssekken t ixwa. 4 Ɛawed issekk ɣarsen ijj n umsexxar nneɣni, arejmen t, marẓen as, uca řami t ssbeḥtřen, uẓẓřen xas. 5 Ɛawed issekk-dd ɣarsen wenneɣni uca nɣin t uřa d netta. Ammu i issekk ɛad aṭṭas n inneɣni, hettken ca zzaysen s urekkuḍ d ca nneɣni zzaysen nɣin ten. 6 Ɣar uneggar issekk ɣarsen ayenni n mmis i ɣares i xas iɛizzen, maɣar inna: ‘Nican ad weqqaren mmi!’ 7 Maca ixemmasen, nni nnan jar asen: ‘Aqa d wa d awrit. Zidem, ad t neneɣ uca ad ɣarneɣ yiři řwart.’ ◘12:7 Amz. 37:17; Izhd. 2:8; Mt. 26:3; Yḥ. 11:53 8 Ṭṭfen t, nɣin t uca nḍaren t barra i umarjeɛ n uḍiř. 9 Min ɣa yegg bab n umarjeɛ n uḍiř? Ad dd-yas, ad ineɣ ixemmasen uca ad iwc amarjeɛ n uḍiř i inneɣni. 10 Ma war teɣrim awař-a n Tira Iqeddsen? ...

‘Aẓru i tuɣa immenḍaren ibennayen,

aqa idweř d aẓru d Azeǧif n teɣmart. ◘12:10 Izhd. 118:22, 23; Ica. 28:16; Mt. 21:42; Lk. 20:17; Řex. 4:11; Rum. 9:33; 1 Bṭ. 2:6.

11 Wa yusa-dd zi SIDI

u man aya d řeɛjeb di tiṭṭawin nneɣ.’ ” ◘12:11 Izhd. 118:22, 23

12 Xsen ad t ṭṭfen maca nitni ggʷeden zi řɣaci, minzi fehmen belli tuɣa issawař xasen s umedya nni. Nitni jjin t uca uyuren.

13 Xenni ssekken ɣares ca n yeryazen zeg Ifarisiyyen u ca zi taddart n Hirudus, ḥima ad as ṭṭfen s wawařen nnes. ◘12:13 [Mt. 22:15-22; Lk. 20:20-26] — Mt. 22:15; Lk. 20:20. 14 Umi dd-usin, nnan as: “A Amseɣɣar, neccin nessen aqa Cek d tidett, war teggʷided zeg iwdan u war txezzared ca ɣar wudem n iwdan, maca tesseřmaded abrid n AREBBI s tidett. Ma iḥeǧeř ad newc ddariba i kuř ijjen zzayneɣ i qayṣar niɣ lla? Ma ittxeṣṣa aneɣ ad nxeǧeṣ ḍḍariba niɣ lla?” 15 Řami Netta yargeb x nnifaq nsen, inna asen: “Mayemmi d ayi tᵉttjarrabem? Awyem ayi-dd ijj n dinar ḥima ad t ẓareɣ!” 16 Iwyen as-dd ijj n dinar. Xenni inna asen: “Wi yiřan taṣwirt-a d tira-ya?” Nnan as: “N qayṣar!” 17 Yarra-dd Yasuɛ, inna asen: “Wcem xenni i qayṣar min iǧan i qayṣar, u min iǧan i AREBBI i AREBBI.” Uca ttɛejben dayes. ◘12:17 Mt. 17:25; 22:21; Rum. 13:7.

18 Usin-dd ɣares ɛawed Iṣaduqiyyen nni iqqaren belli war din bu tnukra. Sseqsan t, nnan: ◘12:18 [Mt. 22:23-33; Lk. 20:27-40] — Mt. 22:23; Lk. 20:27; Řex. 23:8. 19 “A Amseɣɣar, aqa yura aneɣ Musa, mařa immut i ḥed umas uca ijja tamɣart, maca war dd-ijji bu tarrawt, ad yawi umas tamɣart nni uca ad dd-yejj aḥenjir i umas. ◘12:19 Amz. 38:8; Aɛwd. 25:5, 6. 20 Tuɣa din sebɛa n wawmaten. Amezwaru yiwi ict n temɣart uca awarni řami immut, war dd-ijji bu dduriyet. 21 Xenni yiwyi i-tt wenni wiss tnayen uca immut, war dd-ijji bu dduriyet uřa d netta, uca ammu uřa d wenni wiss třata. 22 Marra sebɛa nni iwyen tt, war dd-jjin bu dduriyet. Aneggar nsen marra temmut temɣart nni ɛawed. 23 Iwa di tnukra, xmi dd ɣa kkaren, umi ɣa tiři temɣart nni? Minzi sebɛa nni marra iwyen tt d tamɣart.” 24 Yarra-dd Yasuɛ, inna asen: “Ma war txeṭṭim ca minzi war tessinem ca Tira Iqeddsen d jjehd n AREBBI? 25 Maɣar xmi dd ɣa kkaren jar imettinen, war tent ttiwyen d tamɣart u war ssmiǧicen timɣarin i yeryazen, maca ad iřin am lmalakat i iǧan deg ujenna. ◘12:25 Mt. 22:30; 1 Yḥ. 3:2. 26 Maca zi jjihet n imettinen aqa ttwassnekkaren: Ma war teɣrim deg wedlis n Musa, mammec akides issiweř AREBBI zi cbarq ak-d isennanen, inna: ‘D NECC d AREBBI n Ibrahim d AREBBI n Isḥaq d AREBBI n Yaɛqub’? ◘12:26 Uf. 3:6, 15; Mt. 22:31,32; Řex. 7:32; Ɛbr. 11:16. 27 Netta war iǧi d AREBBI n imettinen, maca d AREBBI n yinni iddaren. S uyenni aqa kenniw txeṭṭam aṭṭas.”

28 Ijjen zeg imseřmaden n idlisen iqarreb-dd ɣares, isřa asen ttemharwaḍen jar asen uca issen belli Netta aqa yarra-dd xasen mliḥ. Xenni isseqsa t: “Man tent iǧan d tawṣeyyet tamezwarut x kuřci?” ◘12:28 [Mt. 22:34-40; Lk. 10:25-28] — Mt. 22:34; Lk. 10:25. 29 Yarra-dd xas Yasuɛ: “Aqa tamezwarut x marra tiweṣṣa: Seř a Israil! SIDI, AREBBI nneɣ, SIDI d Ijj. ◘12:29 Aɛwd. 6:4-5; 10:12; Lk. 10:27. 30 Ad texsed SIDI, AREBBI nnec s marra wuř nnec s marra řeɛmar nnec s marra řeɛqeř nnec s marra jjehd nnec. Ta d tawṣeyyet tamezwarut. ◘12:30 Aɛwd. 6:5; 10:12; 30:6; Mt. 22:37; Lk. 10:27. 31 U tawṣeyyet wiss tnayen, amecnaw tanita, aqa d ta: Ad texsed jjar nnec amecnaw ixef nnec. War din bu tewṣeyyet nneɣnit d tameqqrant x tina s tnayen.” ◘12:31 Lawi 19:18; Mt. 22:39; Rum. 13:9; Gal. 5:14; Yaɛ. 2:8. 32 Inna as umseřmad n idlisen: “Nican, a Amseřmad inu, s tidett tennid belli Netta d Ijjen, war din uřa d ijj nneɣni mɣir Netta, 33 u belli mařa ijj n bnadem ad t ixs s wuř marra, s řeɛqeř marra, s řeɛmar marra u s jjehd marra, uca ad ixs jjar nnes amecnaw ixef nnes, aqa d man aya ḥsen zi marra tiɣarṣin n wecmaḍ d marra tiɣarṣin nneɣnit.” 34 Umi iẓra Yasuɛ belli yarra-dd s řeɛqeř, inna as: “Aqa cek war tiggʷijed ca x Tgeldit n AREBBI.” Xenni war iɛewweř ḥed ad t isseqsa uřa deg ict n tmesřact. ◘12:34 Aɛwd. 6:4-5, 4:35; Ica. 45:21

35 Řami tuɣa isseřmad di Zzawect Tameqqrant iṭṭef Yasuɛ deg wawař, inna: “Mammec qqaren imseřmaden n idlisen belli Lmasiḥ d Mmis n Dawud? ◘12:35 [Mt. 22:41-46; Lk. 20:41-44] — Mt. 22:41; Mk. 10:47, 48; Mk. 11:10; Lk. 20:41. 36 Minzi Dawud s yixef nnes inna s Arruḥ Iqeddsen:

‘Inna SIDI i Sidi inu:

Qqim-dd x ufusi inu

ař dd ɣa ggeɣ řɛedyan nnec

d tanebdat sadu iḍaren nnec.’ ◘12:36 2 Ṣm. 23:2; Izhd. 110:1; Řex. 1:16; 2:34; 28:25; 1 Kur. 15:25; Ɛbr. 1:13; 10:13; 2 Bṭ. 1:21

37 S uya ittřaɣa as-dd Dawud: ‘Sidi inu!’ Manis dd-ikka d mmis?” Marra řɣaci tuɣa isřa as s řefraḥet.

38 Inna asen deg useřmad nnes: “Ḥḍam ixef nwem zeg imseřmaden n idlisen inni umi itteɛjib asen řḥař xmi ɣa uyuren s řeɛbayat tizirarin u xmi xasen i ɣa seǧmen iwdan di řeswaq, ◘12:38 [Mt. 23:1-36; Lk. 20:45-47] — Mt. 23:5, 6; Lk. 11:43; 20:46. 39 inni umi itteɛjib asen řekrasi n zzat di temzidawin, uřa d imucan imezwura ɣar imensiwen n wuraren. 40 Nitni ttetten tudrin n tijjař am ttᵉttaren tiwhibin di ṭṭweɛ n tẓaǧatin nsen tizirarin. Aqa ina ad ksin řḥukm d ameqqran.” ◘12:40 Mt. 23:14; Lk. 20:47; 2 Tim. 3:6; Tit. 1:11.

41 Am iqqim Yasuɛ qibač i ssenduq n ṣṣedqet, iẓra mammec ineṭṭar řɣaci tinɛacin di ssenduq. Aṭṭas n aytbab n wagřa tuɣa neṭṭaren dayes aṭṭas. ◘12:41 [Lk. 21:1-4] — 2 Ij. 12:10; Lk. 21:1. 42 Tusa-dd ict n tajjač d řmeskina tenḍar dayes tnayen n uqiyyat, semman tent ‘camunat’. ◼12:42 camuna - nettat d ijj nuṣuldi n Wudayen. Aqa tamɣart-a tenḍar dayes tnayen n camunat. Uqiyya qqaren as ‘camuna’ d ameẓyan x marra uqiyyat n nnḥas. 43 Xenni iřaɣa Yasuɛ i imeḥḍaren nnes, inna asen: “S tidett, Necc ad awem iniɣ, tajjač-a řmeskina aqa tenḍar dayes ktar x marra iwdan nni inḍaren di ssenduq n ṣṣedqet. ◘12:43 2 Kur. 8:12. 44 Minzi marra nḍaren dayes zi min ɣarsen aṭṭas, maca ta zi drus nnes tenḍar dayes kuřci min ɣares, aqa tenḍar marra min ɣares d agřa.”