1 Řexdenni issiweř Yasuɛ ak-d řɣaci u ak-d imeḥḍaren nnes, ◘23:1 [Mk. 12:38-40; Lk. 11:37-52; 13:34-35; 20:45-47] 2 inna: “Imseřmaden n idlisen d Ifarisiyyen ssɣimen simant nsen x řkursi n Musa. ◘23:2 Naḥ. 8:4 3 S uya marra min d awem qqaren maḥend ad dayes tcebbarem, ggem t, maca war tteggem ɛlaḥsab řexdayem nsen, minzi nitni waxxa qqaren t, war t tteggen. ◘23:3 Aɛwd. 17:19; Mal. 2:6; Rum. 2:19. 4 Ttceddan řeḥmeř iḍeqřen, ssrusan ten x tɣardin n iwdan, maca nitni s yixef nsen war xsen ad ten ssenhezzen uřa s yijj n uḍaḍ. ◘23:4 Ica. 10:1; Lk. 11:46; Řex. 15:10. 5 Marra řexdayem nsen i itteggen, tteggen tent ḥima ad ten ẓaren iwdan minzi nitni tteggen tiḥezzanin nsen n tẓaǧit d imiriwen uca ticrurin i iǧan ɣar ubeḥřuř n řkacni n tẓaǧit nsen, ggin tent d timeqqranin. ◘23:5 Řxř. 15:38; Aɛwd. 6:8; 22:12; Mt. 6:5. 6 Nitni ttexsen imucan iṣebḥen ɣar řefruḥ u řekrasi iṣebḥen di temzidawin, ◘23:6 Mk. 12:38,39; Lk. 11:43; 20:46. 7 uřa d ssřam di řeswaq, uca iɛjeb asen ad asen řaɣan iwdan ‘A amseřmad inu!’ ◘23:7 Yaɛ. 3:1. 8 Maca kenniw war ttejjim ad awem řaɣan ‘A amseřmad inu!’, minzi Amseřmad nwem d Ijjen, maca kenniw marra d awmaten. 9 War ttejjim ad awem řaɣan di temmurt ‘A baba!’, minzi Babatwem i iǧan deg ijenwan d Ijjen. ◘23:9 Mal. 1:6. 10 War ttejjim ad awem řaɣan ‘imgewwaden’, minzi Ijjen d wenni d Amgewwad nwem, aqa-t d Lmasiḥ. 11 Maca ameqqran nwem ad yiři d amsexxar nwem. ◘23:11 Mt. 20:26. 12 Wenni i ɣa issuɛřan ixef nnes, ad ittwassemẓi, u wenni i ɣa issmeẓyen ixef nnes, ad ittwassuɛřa.” ◘23:12 Ayub 22:29; Awřn. 29:23; Lk. 14:11; 18:14; Yaɛ. 4:6, 10; 1 Bṭ. 5:5.

13 “Uct xawem, a kenniw imseřmaden n idlisen d Ifarisiyyen, kenniw, a imnafqen, kenniw tᵉttettem tudrin n tijjař am tᵉttarem tiwhibin di ṭṭweɛ n tẓaǧatin nwem tizirarin. S uyenni ad teksim řḥukm d ameqqran. ◘23:13 Lk. 11:52.

14 Uct xawem, a kenniw imseřmaden n idlisen d Ifarisiyyen, kenniw, a imnafqen, kenniw tᵉttbellɛem Tageldit n ijenwan i iwdan, minzi kenniw simant nwem war tt tᵉttidfem, uca inni yarezzun ad dd-adfen, war ten tᵉttejjim ad dd-adfen. ◘23:14 Mk. 12:40; Lk. 20:47; 2 Tim. 3:6; Tit. 1:11.

15 Uct xawem, a kenniw imseřmaden n idlisen d Ifarisiyyen, kenniw, a imnafqen, kenniw tekkem x řbarr u x řebḥar, ḥima ad dd-tarrem ijjen d amɛacar n ddin n Wudayen, u xmi i kidwem ɣa yiři, tᵉttarram t d mmis n jᵉhennama d aɛeffan mahu x kenniw tnayen n tseqqar.

16 Uct xawem, a kenniw imgewwaden idarɣařen, inni iqqaren: ‘Wenni ijjuǧen ɣar Zzawect Tameqqrant, aqa tajaǧit nnes war tessekkwi walu, maca wenni i ɣa ijjuǧen s wureɣ i iǧan di Zzawect Tameqqrant, aqa netta iqqen ɣar iřes nnes.’ 17 A ifɣař, a idarɣařen, min isekkwan ktar, ureɣ niɣ Zzawect Tameqqrant tenni tessqeddes ureɣ? 18 Uca ammu i teqqarem ɛawed: ‘Wenni ijjuǧen ɣar uɛalṭar, aqa tajaǧit nnes war tsekkwi walu, maca wenni i ɣa ijjuǧen s tmewci i xas immarsen, aqa netta iqqen ɣar iřes nnes.’ 19 A ifɣař, a idarɣařen, min isekkwan ktar, tamewci niɣ aɛalṭar wenni issqeddes tamewci? 20 S uya wi ɣa ijjaǧen xenni ɣar uɛalṭar, aqa ijjuǧ ɣar uɛalṭar u ɣar marra min xas iǧan. 21 U wi ɣa ijjaǧen ɣar Zzawect Tameqqrant, ijjuǧ ɣares u ɣar Wenni dayes izeddɣen. ◘23:21 1 Ij. 8:13; 2 Im. 6:1, 2. 22 U wi ɣa ijjaǧen ɣar ujenna, aqa ijjuǧ ɣar řɛarc n AREBBI d Wenni xas iqqimen. ◘23:22 2 Im. 6:33; Ica. 66:1; Mt. 5:34; Řex. 7:49.

23 Uct xawem, a kenniw imseřmaden n idlisen d Ifarisiyyen, kenniw, a imnafqen, minzi kenniw tᵉtticem taɛcart n nneɛnaɛ d ssanuǧ d řcemmum, maca war d awem icqi min iǧan d ameqqran di Ccariɛa, aqa řḥukm d arreḥmet d l’iman. Ina i ittxeṣṣa ad teggem, war daysen tsemmḥem. ◘23:23 1 Ṣm. 15:22; Ḥuc. 6:6; Mixa 6:8; Mt. 9:13; 12:7; Lk. 11:42. 24 A imgewwaden idarɣařen inni ifarrnen tizit, maca tessɣeǧayem ařɣem.

25 Uct xawem, a kenniw imseřmaden n idlisen d Ifarisiyyen, kenniw, a imnafqen, minzi tessizdagem barra n řkas d ṭṭebṣi, maca ɣar daxeř aqa ccuren s tkeccaḍt d min war iseggden. ◘23:25 Lk. 11:39. 26 A Ifarisiyyen idarɣařen, sizdegem amezwar daxeř n řkas d ṭṭebṣi, maḥend ad yiři izdig uřa min iǧan ɣar barra nsen. ◘23:26 Tit. 1:15.

27 Uct xawem, a kenniw imseřmaden n idlisen d Ifarisiyyen, kenniw, a imnafqen, minzi teggim am yimeḍřan inni ittwajiyyaren, ttbanen d iṣebḥanen ɣar barra, maca ɣar daxeř aqa ccuren s iɣsan n řxecbat u s marra řexmej. ◘23:27 Řex. 23:3. 28 Amenni kenniw ɛawed, aqa teḍharem d imseggaden qibač i iwdan, maca ɣar daxeř aqa teccurem s řmuɛṣiyyet u s nnifaq.

29 Uct xawem, a kenniw imseřmaden n idlisen d Ifarisiyyen, kenniw, a imnafqen, minzi tbennam imeḍřan n inabiyyen u tzewwqem řqubbat n imeḍřan n imseggaden, ◘23:29 Lk. 11:47. 30 teqqarem: ‘Mři tuɣa neǧa deg wussan n řejdud nneɣ, ad yiři war ncarrec deg usizzeř n idammen n inabiyyen.’ 31 S uya tcehhdem x yixef nwem belli kenniw d tarwa n yinni inɣin inabiyyen. ◘23:31 Řex. 7:51; 1 Ts. 2:15. 32 Iwa kemmřem kenniw xenni uřa řeqyas n min ggin řejdud nwem! 33 A iřefsawen, tarwa n ifiɣran, mammec ɣa teggem ad tᵉttwassnejmem zi řḥukm n tmessi n jᵉhennama? ◘23:33 Mt. 3:7. 34 S uyenni xzarem, Necc ad ɣarwem dd-ssekkeɣ inabiyyen d imiɣisen d imseřmaden n idlisen. Ca zzaysen ad ten tenɣem, ca zzaysen ad ten tṣellbem u ca zzaysen ad ten thettkem s urekkuḍ di temzidawin nwem uca ad xasen taẓẓřem zi tendint ɣar tendint nneɣni, ◘23:34 Mt. 10:16, 17; Lk. 10:3; 11:49; Yḥ. 16:2; Řex. 7:52. 35 ařami ad xawem iřin marra idammen iseggden i issizzřen x temmurt, zeg idammen n Habil amseggad ař idammen n Zakariyya, mmis n Birixya, i tenɣim jar Zzawect Tameqqrant d uɛalṭar. ◘23:35 Amz. 4:8; 2 Im. 24:21; Ɛbr. 11:4. 36 S tidett, Necc ad awem iniɣ: Marra timesřayin-a ad dd-asent x jjiř-a.”

37 “A Urcalim, a Urcalim, cem i ineqqen inabiyyen u yarejjmen inni d am dd-ittwassekken, mecḥař tuɣa xseɣ ad ssmuneɣ tarwa nnem am yict n tyaẓiḍt tegga ifiǧusen nnes sadu afriwen nnes, maca kenniw tuɣa war tᵉttexsem. ◘23:37 Izhd. 17:8; 91:4; Mt. 21:35,36; 38 Xzar, Taddart nwem ad tᵉttwajj i cem d řxarbet, ◘23:38 Izhd. 69:26; Ica. 1:7; Irm. 7:34; Mixa 3:12; Řex. 1:20. 39 minzi Necc ad awem iniɣ: Kenniw war d ayi tẓarrem ař ɣa tinim: ‘Lbaraka i Wenni dd-yusin s Yisem n SIDI.’ ” ◘23:39 Izhd. 118:26.   *