3
Ussan ineggura
1 Maca ssen ddegga, aqa deg wussan ineggura ad din iřin řmijařat n řweqt iwɛaren. ◘3:1 1 Tim. 4:1; 2 Bṭ. 2:3; Yah. 18. 2 Minzi iwdan ad xsen ixef nsen, ad iřin d iceṭṭaren, d ayt n bu-nnfaxet d imɛeffaren d imceqqafen, war ttᵉṭṭiɛin ca i iwdan nsen, ad nḍaren arḍa, ad iřin d iɛeffanen, 3 ad ceqqfen, ad meẓřen řebda di ɛřam kuř nnecwat, ad iřin qesḥen, carrhen min iṣebḥen, 4 ad iřin d iɣeddaren d ifentrusen, daysen nnfaxet, ad xsen nnecwat ktar zi AREBBI. 5 Nitni ɣarsen udem n tiggʷudi zi AREBBI, maca bedden aggʷejen x jjehd nnes. Inni iǧan amenni, ittxeṣṣa ad ten tessiggʷejed xak. ◘3:5 Mt. 18:17; Rum. 16:17; 2 Ts. 3:6; Tit. 3:10; 2 Yḥ. 10.
6 Zzaysen inni ittḥaman tudrin uca nitni ssusumen timɣarin tinni yarebbun ddnub, ttwaɛarrent s ubarru n nnecwat, ◘3:6 Mt. 23:14; Tit. 1:11. 7 tinni xsent ad řemdent řebda. Ɛemmarṣ ad awḍen ddab n yeryazen nni ɣar tussna n tidett, ◘3:7 1 Tim. 5:11-13 8 maca am mammec tuɣa Yannis d Yambris ttemɛařan ak-d Musa, ammu ɛawed ina ttemɛařan ak-d tidett: aqa-ten d iwdan, inni ittwaɣecc řeɛqeř nsen, nitni ttwammenḍaren zi l’iman. ◘3:8 Uf. 7:11. 9 Maca war ttriḥen ca ktar ɣar zzat, minzi afɣuř nsen iban-dd i marra, am mammec tuɣa ittwassen uřa d afɣuř n yinni s tnayen.
Amedya n Bulus d Wawař n Arebbi
10 Maca cek tsiɣid akidi deg useřmed inu, am mammec ggureɣ, tsiɣid akidi di lɣaraḍ inu, l’iman inu, ttasiɛ n řxaḍar inu, tayri inu d ṣṣbar inu, 11 di řeḥṣarat d uweddeb inu. Tessned timesřayin i xafi ikkin di Antiyuxiya d Ikuniya d Listra, man markat n udarrec i ksiɣ, uca aqa Sidi issenjem ayi zzaysent marra. ◘3:11 Izhd. 34:20; Řex. 13:50; 14:19; 2 Kur. 1:10. 12 Marra inni ixsen ad ddaren s tiggʷudi zi AREBBI di Yasuɛ Lmasiḥ, ad ttwadarrcen. ◘3:12 Mt. 16:24; Lk. 24:26; Yḥ. 17:14; Řex. 14:22; 1 Ts. 3:3. 13 Maca iwdan iɛeffanen d icemmaten ad arnin di tuɛeffna nsen, ad ɣwan uca ad ttwaɣwan.
14 Maca cek, qqim di min tuɣa třemded u di min tᵉttwassqenɛed, maɣar tessned man wen i zi t třemded, 15 u aqa zi temẓi nnec tᵉttwassřemded di Tira Iqeddsen, tinni zemmarent ad cek arrent d amiɣis ař ɣa tᵉṭṭfed Tudart s l’iman n Yasuɛ Lmasiḥ. 16 Kuř tira i yuran s Arruḥ Iqeddsen, aqa ineffeɛ ɛawed i useřmed, i uṣeḥḥi, i weɛdař uca i ttarbiyyet di tsegda, ◘3:16 2 Bṭ. 1:20, 21. 17 ḥima bnadem n AREBBI ad yiři iɛess, iḥezzem i marra řxedmet iṣebḥen.
◘3:1 3:1 1 Tim. 4:1; 2 Bṭ. 2:3; Yah. 18.
◘3:5 3:5 Mt. 18:17; Rum. 16:17; 2 Ts. 3:6; Tit. 3:10; 2 Yḥ. 10.
◘3:6 3:6 Mt. 23:14; Tit. 1:11.
◘3:7 3:7 1 Tim. 5:11-13
◘3:11 3:11 Izhd. 34:20; Řex. 13:50; 14:19; 2 Kur. 1:10.
◘3:12 3:12 Mt. 16:24; Lk. 24:26; Yḥ. 17:14; Řex. 14:22; 1 Ts. 3:3.
◘3:16 3:16 2 Bṭ. 1:20, 21.