34
1 N Dawud, umi issniɛmiř, igga ixef nnes d abuhaři zzat i wudem n Abimilik, wenni i xas yuẓẓřen ařami yuyur netta.◘34:1 1 Ṣm. 21:13
2 Alif. Necc xseɣ ad barkeɣ i SIDI řebda,
aṣebbiḥ nnes ad yiři
deg uqemmum inu břa qeṭṭu.
3 Bit. Řeɛmar inu ad iṣebbeḥ i SIDI.
Imhinen ad as sřen u ad farḥen.
4 Gimel. Semɣarem akidi SIDI,
ejj aneɣ ad nessuɛřa Isem nnes jmiɛ.
5 Dalit. Necc arzuɣ x SIDI
u Netta yarra-dd xafi,
ifekk ayi zi marra innexřiɛen inu.
6 Hi. Nitni xezzaren ɣares uca ceɛceɛen,
iɣembab nsen
war ddikkwiřen zewɣen
s useḍḥi ɛemmarṣ.
7 Zayin. Řmeskin-a danita iřaɣa
u SIDI isřa ɣares,
ifekk i-t zi marra řeḥṣarat nnes.
8 Xit. lmalak n SIDI iquwwar s řmargeḥ nnes
x yinni t itteggʷeden,
Netta ifekk i-ten.
9 Tit. Qasem uca xzarem, aqa SIDI icna.
Sseɛd n weryaz wenni ɣares yarekkwařen.
10 Yud. Ggʷedem SIDI,
a kenniw, imqeddasen nnes,
maɣar inni t itteggʷeden
war ten ittxeṣṣi walu.
11 Kaf. Iyraden imeẓyanen tteḥwajen,
daysen řaẓ,
maca inni yarezzun x SIDI,
war ten ittxeṣṣi walu
zi marra min iǧan d řxar. ◘34:11 Ayub 4:11
12 Lamid. Asem-dd,
a, kenniw iḥenjiren, sřem-dd ɣari!
Necc ad awem ssřemdeɣ
tiggʷudi n SIDI.
13 Mim. Man wen i iǧan d aryaz
wenni di iǧa meẓri di tudart,
wenni ittexsen ussan n tudart nnes
ḥima ad iẓar řxar? ◘34:13 1 Bṭ. 3:10
14 Nun. Mneɛ iřes nnec zi řɣar,
uřa d iyencicen nnec zeg wawař n řɣecc.
15 Samix. Ḥeyyed x tuɛeffna u egg řxar,
arzu x řehna u ḍfar i-t.
16 Ɛayin. Tiṭṭawin n SIDI x imseggaden,
imezzuɣen nnes meyyřen
ɣar iɣuyyan nsen. ◘34:16 Ayub 36:7; Izhd. 33:18; 1 Bṭ. 3:12
17 Pi. Udem n SIDI
ḍidd i yinni itteggen řɣar,
ḥima ad ikkes řidaret daysen zi temmurt.
18 Tsadi. Nitni řaɣan u SIDI isřa ɣarsen,
Netta ifekk i-ten zi marra řeḥṣarat nsen.
19 Quf. SIDI yudes i marra
inni umi ittwarẓ wuř nsen,
issenjam inni umi ittwařbez buḥbeř nsen. ◘34:19 2 Tim. 3:11
20 Rix. Aṭṭas iǧan ifeqqusen n imseggaden,
maca SIDI ifekk i-ten zzaysen marra. ◘34:20 2 Tim. 3:12
21 Cin. Netta iḥeṭṭa iɣsan nnes marra,
uřa d ijj zzaysen war ittareẓẓi. ◘34:21 Yḥ. 19:36
22 Taf. Aqa řɣar ad ineɣ aɛeffan,
inni icarrhen amsegged ad ttwaɛaqben.
23 SIDI ad ifdi řeɛmar n imsexxaren nnes,
marra inni ɣares yarekkwařen,
war ttwaɛaqben. ◼34:23 ad ifdi - xzar ‘Amefdi’ - Izhd. 78:35.
◘34:1 34:1 1 Ṣm. 21:13
◘34:13 34:13 1 Bṭ. 3:10
◘34:16 34:16 Ayub 36:7; Izhd. 33:18; 1 Bṭ. 3:12
◘34:19 34:19 2 Tim. 3:11
◘34:20 34:20 2 Tim. 3:12
◼34:23 34:23 ad ifdi - xzar ‘Amefdi’ - Izhd. 78:35.