33
1 Sřiweřwem i SIDI, a imseggaden,
aṣebbaḥ d ict n telwizt i yinni iseggmen. ◘33:1 Izhd. 147:1
2 Qadam SIDI s řgambri,
zehhdem as s lɛud
u s lharpa ak-d ɛecra n ifiřan.
3 Ɣennjem as s yijj n yezři amaynu,
irarem mliḥ s wesruddeḥ n řbuq. ◘33:3 Izhd. 40:4; 96:1; 98:1; 144:9; Ica. 42:10; Asa. 5:9; 14:3
4 Minzi awař n SIDI iseggem,
marra min ittegg, ittegg i-t s řaman.
5 Netta ittexs tasegda d řḥeqq.
Tammurt teccur
s tmexsiwt icewwaren n SIDI. ◘33:5 Izhd. 45:8; 119:64; Ɛbr. 1:9
6 Zeg wawař n SIDI ttwaggen ijenwan,
zi Arruḥ n uqemmum nnes
ttwaggent marra řɛeskarat nsen. ◘33:6 Amz. 1:6, 7
7 Netta issmun aman n řebḥar
am yijj n weɣbar.
Netta ixemmeř aman ihewřen
deg ixxamen n řexzen.
8 Ad teggʷed marra tammurt zi SIDI,
ad zzayes ggʷeden
marra imezdaɣ n ddunect.
9 Maɣar Netta issawař uca aqa-t din,
Netta ittamar uca ad yiři ibedd din.
10 SIDI ittareẓẓa ccwar n řegnus,
issebḍeř ixarriṣen n řegnus. ◘33:10 Ica. 19:3
11 Ccwar n SIDI ad iqqim ibedd i řebda,
ixarriṣen n wuř nnes zi jjiř ař jjiř. ◘33:11 Awřn. 19:21; 21:30; Ica. 46:10
12 Sseɛd n řgens
i ɣar iǧa AREBBI nnes d SIDI,
řgens nni ixḍar i-t Netta
d tasɣart i Yixef nnes.◘33:12 Izhd. 65:5; 144:15
13 SIDI ixezzar-dd zeg ujenna,
ittwařa marra tarwa n bnadem.
14 Zi tzeddiɣt nnes imetnen ixezzar
ɣar marra imezdaɣ n temmurt.
15 Netta weḥḥdes
d wenni ikewwnen uř nsen,
Netta iḥekkar i marra timegga nsen.
16 Ajeǧid war ittwassenjam
s yijj n řɛeskar d ameqqran,
bu-teɣruḍt war ittwafekki
s jjehd aṭṭas.
17 Aqa d axarriq
belli ayis ad dd-yawi asenjem,
ɛad s jjehd nnes ameqqran
war dd-ittenfekki.
18 Xzar, tiṭṭ n SIDI
x yinni zzayes itteggʷeden,
x yinni ittrajan
tamexsiwt nnes icewwaren, ◘33:18 Ayub 36:7; Izhd. 34:16; 1 Bṭ. 3:12
19 ḥima ad ifekk řeɛmar nsen zi řmewt,
ḥima ad ten yejj qqimen ddaren di řaẓ.
20 Řeɛmar nneɣ ittraja SIDI,
aqa Netta d aɛawen nneɣ
d taseddart nneɣ i useřqi.
21 Maɣar zzayes ifarreḥ wuř nneɣ,
minzi nettcař x Yisem nnes iqeddsen.
22 Ad xaneɣ tarsa
tmexsiwt nnec icewwaren, a SIDI,
am mammec i Cek nettraja.
◘33:1 33:1 Izhd. 147:1
◘33:3 33:3 Izhd. 40:4; 96:1; 98:1; 144:9; Ica. 42:10; Asa. 5:9; 14:3
◘33:5 33:5 Izhd. 45:8; 119:64; Ɛbr. 1:9
◘33:11 33:11 Awřn. 19:21; 21:30; Ica. 46:10
◘33:12 33:12 Izhd. 65:5; 144:15
◘33:18 33:18 Ayub 36:7; Izhd. 34:16; 1 Bṭ. 3:12