144
1 N Dawud.
Ad ittwabarek SIDI, Taṣḍart inu,
wenni isseřmaden ifassen inu i umenɣi,
iḍewḍan inu i řḥarb. ◘144:1 2 Ṣm. 22:35; Izhd. 18:35
2 Cek i d ayi teǧid d ameddukkeř inu
i dayes tamexsiwt icewwaren,
uřa d lburj inu, lburj inu yuɛřan
d amsenjem inu,
taseddart inu i useřqi,
d wenni ɣar arekkwařeɣ,
d wenni d ayi isswaḍḍɛen řgens inu. ◘144:2 2 Ṣm. 22:48; Izhd. 18:48
3 A SIDI, min iɛna bnadem,
aqa Cek texsed ad t tessned?
Mmis n bnadem,
aqa Cek tᵉttxarriṣed dayes? ◘144:3 Ayub 7:17; Izhd. 8:5; 31:8; Ɛbr. 2:6
4 Bnadem amecnaw řefwar,
ussan nnes ad ɛdun am tiři. ◘144:4 Ayub 8:9; 14:2, 3; Izhd. 39:6; 62:10; 102:12; Yaɛ. 4:14
5 Meyyeř ijenwan nnec, a SIDI, hwa-dd.
Ḥada idurar, xenni ad ggen ddexxan. ◘144:5 Izhd. 18:8, 10; 104:32
6 Ẓaryeḍ assamen u zeǧeɛ i-ten,
sekk fřitcat nnec u sxarweḍ i-ten. ◘144:6 1 Ṣm. 7:10; 2 Ṣm. 22:8; Izhd. 18:15
7 Swiẓẓeḍ ifassen nnec zi sennej,
suffeɣ ayi-dd u fekk ayi
zi řḥemřat n waman timeqqranin,
zeg ufus n ibarraniyyen,
8 maɣar aqemmum nsen iqqar ixarriqen,
afus nsen afusi d ijj n ufus iccur s řɣecc.
9 A AREBBI, ad ac ɣennjeɣ
ijj n yezři d n jdid i Cek,
s lharpa u s lɛud s ɛecra n ifiřan
ad ac zehhdeɣ.
10 Cek d wenni issawaḍen
asenjem i ijejǧiden,
d wenni ifekken amsexxar nnes Dawud
zi ssif aɛeffan,
11 suffeɣ ayi-dd u fekk ayi
zeg ufus n tarwa n ubarrani,
zeg wenni ɣar iǧa uqemmum
i iqqaren mɣir ixarriqen,
u zeg wenni ɣar iǧa ufus afusi
iccur s řɣecc.
12 Meɛlik iḥenjiren nneɣ
ad iřin am yiɣeddiwen,
inni imɣaren ɛad di temẓi nsen,
yessitneɣ am tɣemmar
i ggin s ukeccuḍ
s ɛřam kuř arcamen,
ggin tent i yict n zzawect iqeddsen.
13 Ad ccuren řehrit nneɣ,
ad wcen zzad awarni zzad,
ad yarni wuǧi nneɣ s řuřuf n tseqqar,
s ɛecra n řuřuf n tseqqar
di ddmani n tarewsa nneɣ.
14 Ad ḥemřen imwan nneɣ mliḥ,
war ittiři ɛad uhjam
niɣ d uffuɣ i umenɣi
uřa d iɣuyyan deg wazzayen nneɣ.
15 Sseɛd n řgens nni iǧan amya.
Sseɛd n řgens nni zi AREBBI nsen d SIDI.
◘144:1 144:1 2 Ṣm. 22:35; Izhd. 18:35
◘144:2 144:2 2 Ṣm. 22:48; Izhd. 18:48
◘144:3 144:3 Ayub 7:17; Izhd. 8:5; 31:8; Ɛbr. 2:6
◘144:4 144:4 Ayub 8:9; 14:2, 3; Izhd. 39:6; 62:10; 102:12; Yaɛ. 4:14
◘144:5 144:5 Izhd. 18:8, 10; 104:32
◘144:6 144:6 1 Ṣm. 7:10; 2 Ṣm. 22:8; Izhd. 18:15