8
Řhard amezwaru n Bildad
1 Xas uca yarra-dd Bildad, wenni dd-yusin zi Cuḥa, inna:
2 Mecḥař i ɣa tekked tessawařed ammu,
ad iřin wawařen n uqemmum nnec
amecnaw asemmiḍ n tharyaḍt.
3 Ma ad issfarɣ Arebbi tasɣart,
niɣ ad issfarɣ
Umzemmar x kuřci tasegda? ◘8:3 Aɛwd. 32:4; 2 Im. 19:7; Dan. 9:14
4 Mařa akides xḍan iḥenjiren nnec,
aqa issekk i-ten deg ufus n uxeṭṭu nsen.
5 Mařa cek tarezzud Arebbi s jjehd,
tᵉttzawged aḥinni
ɣar Umzemmar x kuřci, ◘8:5 Ayub 22:23
6 mařa teǧid d amezdag u tseggmed,
xenni ad ac iwca taynit nican,
ad iɛdeř tazeddiɣt nnec i cek.
7 Waxxa tamezwarut nnec
ad tiři d tuqřič,
taneggarut nnec ad tiři temɣar aṭṭas.
8 Wah, seqsa xenni ɣar jjiř iɛdun,
ḥekkar di řejdud nsen. ◘8:8 Aɛwd. 4:32
9 Maɣar neccin n iḍennaḍ waha,
war nessin walu,
maɣar ussan nneɣ x temmurt am tiři. ◘8:9 Amz. 47:9; 1 Im. 29:15; Ayub 7:5, 6, 7; Izhd. 39:13; 102:12; 144:4
10 Ma war cek sseřmiden nitni,
ma war ɣarek ssiwiřen,
ma war dd-ssuffuɣen awařen
zeg wuř nsen?
11 Ma iɣemmi uɣanim n papirus
břa ssebxet,
ma imeqqar uɣanim ɣar tma n iɣzar
břa aman?
12 Xmi ittnewwar, war imjar ɛad,
ittaẓeɣ qbeř marra arbiɛ nneɣni. ◘8:12 Izhd. 129:6; Irm. 17:6
13 Ammu i ǧan imesraq
n marra inni ittun Arebbi,
řayas n umnafeq ad ifna. ◼8:13 amnafeq - bnadem nni itteggen s tnayen n wudmawen. ◘8:13 Ayub 11:20; 18:14; Izhd. 112:10; Awřn. 10:28
14 Min xef iɛemmed, ad ittwaqḍeɛ,
min xef ittcař,
ad dd-iban d axmař n qundɛa.
15 Ad isenned x taddart nnes,
maca war tᵉttbeddi,
ad dayes icebbar,
maca war tᵉttɣimi tbedd.
16 Netta d aziza di tfawt n tfuct,
řefruɛ nnes imeẓyanen ttbezzaɛen
x weḥwic nnes.
17 Iẓewran nnes mmuden ixef nsen
x ijj n uɛurric n yeẓra,
ittarja ict n taddart n yeẓra i yixef nnes.
18 Mařa Netta iqeǧeɛ i-t
zeg wemcan nnes,
ad t inkar wemcan nni, ad yini:
‘Ɛemmarṣ war cek ẓriɣ!’
19 Xzar, ta teǧa d řefraḥet
n webrid n tudart nnes
u inneɣni ad ɣemyen zeg ucař.
20 Xzar, Arebbi war ineṭṭar
wenni ikemřen
maca war ittic afus i iɛeffanen.
21 Ɛad ad iccur aqemmum nnec
s tḍeḥḥact,
u iyencicen nnec s usřiwřew.
22 Imecrah nnec ad yarḍen řefḍiḥet
u aqiḍun n iɛeffanen war ittiři ɛad.
◘8:3 8:3 Aɛwd. 32:4; 2 Im. 19:7; Dan. 9:14
◘8:5 8:5 Ayub 22:23
◘8:8 8:8 Aɛwd. 4:32
◘8:9 8:9 Amz. 47:9; 1 Im. 29:15; Ayub 7:5, 6, 7; Izhd. 39:13; 102:12; 144:4
◘8:12 8:12 Izhd. 129:6; Irm. 17:6
◼8:13 8:13 amnafeq - bnadem nni itteggen s tnayen n wudmawen.
◘8:13 8:13 Ayub 11:20; 18:14; Izhd. 112:10; Awřn. 10:28