1 S uyenni ittxeṣṣa aneɣ ad newc taynit ktar i min nesřa, ḥima war nᵉtteffeɣ zeg webrid. 2 Minzi, mařa awař i innan lmalakat tuɣa tbedd u marra wi t isřin, maca iɛdu xas, aqa ittwaxeǧeṣ s řḥeqq, ◘2:2 Amz. 19:17, 26; Aɛwd. 27:26; Řex. 7:53; Gal. 3:19. 3 mammec i ɣa negg ad narweř neccin, mařa nesseḥqara timesřayin i iǧan d Tudart i neccin, timesřayin i xef tuɣa issawař Siditneɣ ɣar umezwaru, uca xenni ttwaḍemnent aneɣ zeg yinni jaraneɣ i tuɣa tent zzayes isřin, ◘2:3 Mt. 4:17; Mk. 1:14; Ɛbr. 12:25. 4 umi AREBBI iched akidsen s řeɛřamat d lmuɛjizat d řeɛjayeb ifarzen u s tmewci n Arruḥ Iqeddsen, tinni immewcen am mammec ixs Netta. ◘2:4 Mk. 16:20; Řex. 14:3; 19:11. 5 Minzi war issars ca zzman i dd ɣa yasen x tenni nessiweř, sadu řumur n lmalakat, 6 maca am mammec cehhdent u qqarent Tira Iqeddsen:

“Min iɛna bnadem,

aqa Cek i dayes ittxarraṣen,

u min iɛna Mmis n bnadem,

aqa Cek i dayes itthillan? ◘2:6 Izhd. 8:5.

7 Cek teggid t cwayt sadu lmalakat,

teggid as aɛuǧi d ccan x uxeǧif nnes,

tewcid as ṣṣulṭa x řexdayem n ifassen nnec. ◘2:7 Izhd. 8:7

8 Aqa marra timesřayin teggid tent

sadu iḍaren nnes.”

Umi igga marra timesřayin sadu Netta, aqa war ijji walu war t iggi sadu Netta. Maca řexxu war nẓar ɛad marra ittwagg sadu Netta, ◘2:8 Izhd. 8:7; Mt. 28:18; 1 Kur. 15:27; Afa. 1:22. 9 maca nettwařa belli Netta, aqa-t d Yasuɛ, tuɣa ittwagg cwayt sadu lmalakat di ssibbet n uweddeb n řmewt nnes, nettwařa i-t s ttaj n uɛuǧi d ccan x uzeǧif nnes, maɣar AREBBI iqqas řmewt i marra iwdan ɛlaḥsab arḍa nnes. ◘2:9 Řex. 2:33; Fil. 2:7, 8.

10 Minzi tuɣa ittřiq as i Netta s Wenni u i Wenni ǧant marra tmesřayin - Netta d Wenni i dd-ittawyen aṭṭas n iḥenjiren ɣar uɛuǧi - maḥend ad ikemmeř Uzeǧif n Tudart nsen s uweddeb nnes. 11 Minzi d Wenni issqeddsen d yinni ittwaqeddsen, nitni marra d ijjen. S uyenni Netta war iseḍḥi ca ad asen iřaɣa awmaten nnes, ◘2:11 Řex. 17:26. 12 umi inna:

“Ad barrḥeɣ i wawmaten inu s Yisem nnec,

di řwesṭ n tmesmunt ad Cek ṣebbḥeɣ.” ◘2:12 Izhd. 22:23.

13 Uca ɛawed:

“Necc ad dayes ttiqqeɣ!”

Uca ɛawed:

“Aqa da, Necc d tarwa i d ayi iwca AREBBI.” ◘2:13 Ica. 8:17, 18.

14 Minzi tarwa carcen deg weysum d idammen, uřa d Netta icarc ammu kifkif di man aya, ḥima ad ibeṭṭeř s řmewt nnes wenni ɣar teǧa ṣṣulṭa x řmewt, aqa netta d cciṭan, ◘2:14 Ica. 25:8; Ḥuc. 13:14; Yḥ. 1:14; 1 Kur. 15:54; Fil. 2:7; 2 Tim. 1:10. 15 uca xenni ad ifekk inni isseɛddun qaɛ tudart nsen am isemɣan zi tiggʷudi n řmewt. ◘2:15 Rum. 8:15. 16 Minzi řmewt war ɣares teǧi ṣṣulṭa x lmalakat, maca řmewt ɣares ṣṣulṭa x zzariɛet n Ibrahim. 17 S uyenni tuɣa ittxeṣṣa as ad idweř am wawmaten nnes zi marra iɣezdisen, ḥima ad idweř d Arrays n ikehhanen arḥim d amtiqqi di min iǧan i AREBBI, uca ad yiři břa řɛib zi jjihet n ddnub n řgens. ◘2:17 Fil. 2:7; Ɛbr. 4:15. 18 Minzi min di tuɣa Netta simant nnes iweddeb u ittwajarreb, aqa izemmar ad iɛawen inni ittwajarrben. ◘2:18 Ɛbr. 4:15, 16.