1 Beddu n L’Injil n Yasuɛ Lmasiḥ, Mmis n AREBBI. ◘1:1 [Mt. 3:1-17; 4:1-11; Lk. 3:1-9; 15-17; 21-22; 4:-13; Yḥ. 1:19-28] 2 Am mammec tura deg wedlis n unabi Icaɛya ...

“Aqa Necc ad ssekkeɣ

zzat i wudem nnec lmalak inu,

wenni i ɣa isswejden abrid nnec.” ◘1:2 Uf. 23:20; Mal. 3:1; Mt. 11:10; Lk. 7:27.

3 “Tmijja n wenni isɣuyyun di řexřa:

‘Swejdem abrid n SIDI,

seggmem imesraq nnes!’ ” ◘1:3 Ica. 40:3; Mt. 3:3; Lk. 3:4; Yḥ. 1:23.

4 ... ammu i tuɣa Yuḥanna isseɣḍaṣ di řexřa, ittbarreḥ s useɣḍeṣ n ttubet i weɣfar n ddnub. ◘1:4 Mt. 3:1; Lk. 3:3; Yḥ. 3:23. 5 Ffɣen-dd ɣares marra jjwayeh n Yahudiyya d ayt n Urcalim, ttwassɣeḍṣen zzayes deg iɣzar n L’Urdun am neɛɛmen s ddnub nsen. ◘1:5 Mt. 3:5; Lk. 3:7.

6 Tuɣa Yuḥanna wanita yarḍ taḍuft n iřeɣman, ibekkes s yijj n webyas n yiřem x tejɛinna nnes, u tuɣa ittett iburexsen d tamment taḥurrect. ◘1:6 2 Ij. 1:8; Lawi 11:22; Mt. 3:4. 7 Tuɣa ittbarreḥ, iqqar: “Xzar, ad dd-yas awarni ayi wenni ijehden xafi, wenni umi war sdihiǧeɣ ad aḍareɣ maḥend ad fesyeɣ ifiřan n sandaliyat nnes. ◘1:7 Mt. 3:11; Lk. 3:16; Yḥ. 1:27. 8 Necc ssɣeḍṣeɣ kenniw deg waman, maca Netta ad kenniw isseɣḍeṣ di Arruḥ Iqeddsen.” ◘1:8 Ica. 44:3; Yuw. 3:1; Mt. 3:11; Řex. 1:5; 2:4; 11:15, 16; 19:4.

9 Deg wussan nni yusa-dd Yasuɛ zi Nnaṣira, di Ljalil, ittwasseɣḍeṣ zi Yuḥanna deg yeɣzar n L’Urdun. ◘1:9 [Mt. 3:13-17; Lk. 3:21-22] 10 Deɣya, am dd-igeɛɛed zeg waman, iẓra ijenwan arzmen uca Arruḥ am tedbirt tehwa-dd xas. ◘1:10 Mt. 3:16; Lk. 3:21; Yḥ. 1:32. 11 Tusa-dd ict n tmijja zeg ijenwan: “Cek d Mmi iɛizzen, dayek ufiɣ arḍa inu.”◘1:11 Izhd. 2:7; Ica. 5:1; 42:1; Mt. 3:17; 17:5; Mk. 9:7; Lk. 3:22; 9:35; Ɛbr. 1:5; 5:5; Kul. 1:13; 2 Bṭ. 1:17.

12 Deɣya igewwed i-t Arruḥ ɣar řexřa. ◘1:12 [Mt. 4:1-11; Lk. 4:1-13] — Mt. 4:1; Lk. 4:1. 13 Uca iqqim din di řexřa arebɛin n wussan, ijarreb i-t cciṭan, tuɣa-t ak-d řewḥuc uca sexxarent xas lmalakat.

14 Awarni řami ṭṭfen Yuḥanna, yudef-dd Yasuɛ ɣar Ljalil, ittbarreḥ s Řexbar Aṣebḥan n Tgeldit, ◘1:14 [Mt. 4:12-22; Lk. 4:14-15; 5:1-11] — Mt. 4:12; Mk. 6:17, 18; Lk. 4:14; Yḥ. 4:43. 15 inna: “Aqa řweqt tiweḍ-dd, tqarreb-dd Tgeldit n AREBBI. Tubem, amnem di Řexbar Aṣebḥan.”

16 Am tuɣa iggur ɣar řebḥar n Ljalil, iẓra Cimɛun d Andrawus umas, neṭṭaren tracca di řebḥar, maɣar nitni d ineymaren n iseřman. ◘1:16 Mt. 4:18. 17 Inna asen Yasuɛ: “Asem-dd awarni ayi uca ad kenniw arreɣ d ineymaren n yewdan.” ◘1:17 Irm. 16:16; Ḥiz. 47:10. 18 Řexdenni jjin tiracciwin nsen uca ḍfaren t. ◘1:18 Mt. 19:27; Mk. 10:28; Lk. 5:11; 18:28. 19 Xenni awarni řami iɛdu cwayt ssenni, iẓra Yaɛqub mmis n Zabdi d umas Yuḥanna di tɣarrabut, ɛedřen tiracciwin nsen. ◘1:19 Mt. 4:21. 20 Iřaɣa xasen uca řexdenni jjin babatsen Zabdi ak-d ixemmasen di tɣarrabut, uca ḍfaren t.

21 Xeccen ɣar Kafarnaḥum uca deɣya ibda isseřmad di ssebt di temzida. ◘1:21 [Lk. 4:31-37] — Mt. 4:13; Lk. 4:31. 22 Tbehten zeg useřmed nnes, minzi isseřmed i-ten am wenni ɣar teǧa ṣṣulṭa, war iǧi am yimseřmaden n idlisen. ◘1:22 Mt. 7:28; Lk. 4:32. 23 Tuɣa di temzida nsen ijj n bnadem dayes ijj n řaryaḥ d amengus, isɣuyyu, ◘1:23 Lk. 4:33. 24 iqqar: “Min din jar aneɣ neccin d Cek a Yasuɛ Nnaṣiri. Ma tusid-dd ḥima ad aneɣ tesshellked? Aqa necc ssneɣ Cek min teɛnid: Aqa Cek d Amqeddas n AREBBI.” 25 Uca iɛřem as Yasuɛ, inna as: “Sqar! Ffeɣ zzayes!” 26 Immenḍar i-t řaryaḥ amengus, isɣuy s ict n tɣuyyit tejhed uca xenni iffeɣ-dd zzayes. 27 Tbehten marra, mmseqsan ak-d wayawya, nnan: “Man aya? Mana taɣuri-ya n jdid? Minzi s ṣṣulṭa yumur uřa d řaryaḥ imengas uca tteggen as array.” 28 Řexdenni iffeɣ řexbar nnes ɣar marra jjwayeh i d as dd-innḍen i Ljalil.

29 Awarni řami dd-ffɣen zi temzida, ruḥen ɣar taddart n Cimɛun d Andrawus ak-d Yaɛqub d Yuḥanna. ◘1:29 [Mt. 8:14-17; Lk. 4:38-41] — Mt. 8:14; Lk. 4:38. 30 Tuɣa taḍekkwač n Cimɛun tezzeř s tmessi, uca nitni ssiwřen xas akides. 31 Iqarreb-dd ɣares, icebbar deg ufus nnes, issgeɛɛed i-tt-i-dd. Deɣya tejja xas tmessi uca nettat tebda tᵉttsexxar xasen. 32 Řami dd-tiweḍ tmeddit, tafuct truḥ ad teɣři, iwyen ɣares marra imehřac d inni daysen ccwaṭen. ◘1:32 Mt. 8:16; Lk. 4:40. 33 Tuɣa tandint marra tmun ɣar tewwart. 34 Issgenfa aṭṭas n imeḥřac s ɛřam kuř řehřacat uca issuffeɣ aṭṭas n ccwaṭen, war ijji ccwaṭen ad ssiwřen, minzi ssnen t.

35 Tiwecca zic, tuɣa ɛad d ǧiřet, ikkar uca iffeɣ ɣar ijj n wemcan ixřan, tuɣa ittẓaǧa din. ◘1:35 [Lk. 4:42-44] — Mt. 14:23; Lk. 4:42. 36 Cimɛun d yinni tuɣa akides, arzun xas. 37 Řami t ufin, nnan as: “Marra iwdan arezzun xak!” 38 Inna asen: “Ittxeṣṣa ad nraḥ ɣar dcurat d tneddam yudsen, ḥima ad din barrḥeɣ ɛawed minzi aqa i uya umi dd-usiɣ.” ◘1:38 Ica. 61:1; Lk. 4:18, 43. 39 Tuɣa isseřmad di temzidawin nsen di marra Ljalil, u issuffuɣ ccwaṭen.

40 Yusa-dd ɣares ijjen dayes řbarṣ, iwḍa ɣar iḍaren nnes, ittar as, inna: “Mařa texsed, tzemmared ad ayi tessizdeged.” ◘1:40 [Mt. 8:1-4; Lk. 5:12-16] — Mt. 8:2; Lk. 5:12. 41 Izziǧez i Yasuɛ, isswiẓẓeḍ afus nnes, iḥada i-t, inna as: “Xseɣ! Iwa, dweř d amezdag!” 42 Di tsaɛɛet nni, řexdenni iruḥ xas řbarṣ uca idweř izdig. 43 Uca awarni řami d as iɛřem, issekk i-t řexdenni, 44 inna as: “Xzar, war t ttɛiwid uřa i yijjen, maca ruḥ, scen ixef nnec i ukehhan uca ewc x usizdeg nnec min yumur Musa maḥend ad tcehded i nitni.” ◘1:44 Lawi 13:2; 14:1. 45 Maca řami iruḥ, ibda ittbarreḥ aṭṭas, issuffeɣ řexbar ařami war izemmar Yasuɛ ad yadef ɣar tandint s bṭayṭay, maca tuɣa-t barra deg imucan ixřan, tuɣa ttasen-dd ɣares zi kuř jjwayeh.