1 “Awarni uya ad imsar, aqa Necc ad zeǧɛeɣ Arruḥ inu x marra bnadem u iḥenjiren nwem d yessitwem ad nebban, iwessura nwem ad urjan tirja u iḥudriyyen nwem ad ẓaren iweḥḥan. ◘3:1 Ica. 44:3; Ḥiz. 39:29; Řex. 2:17 2 Deg wussan nni Necc ad farrɣeɣ Arruḥ inu uřa x isemɣan u x tiyya. 3 Necc ad ggeɣ lmuɛjizat deg ijenwan u x temmurt: idammen d tmessi d iqellijen n ddexxan. 4 Tafuct ad tedweř d taǧest, u taziri ad tedweř d idammen qbeř ma i dd ɣa yas wass ameqqran d issiggʷiden n SIDI. ◘3:4 Yuw. 4:15 5 Ad imsar aqa kuř ijj wenni i ɣa iřaɣan Isem n SIDI ad injem, maɣar x wedrar n Ṣihyun u di Urcalim ad yiři usenjem am mammec inna SIDI, u ɣar inni yarewřen i xef ɣa iřaɣa SIDI.” ◘3:5 Ɛub.17; Rum. 10:13