1 Deg wussan nni yusa-dd Yuḥanna Amseɣḍaṣ, tuɣa ittbarreḥ di řexřa n Yahudiyya, ◘3:1 [Mk. 1:1-8; Lk. 3:1-9; 15-17; Yḥ. 1:19-28] — Mk. 1:4; Lk. 3:3. 2 inna:

“Tubem, minzi Tageldit n ijenwan.

aqa tudes-dd.”

3 Minzi netta d wenni xef ittwannan zeg unabi Icaɛya am inna:

“Tmijja i ittřaɣan di řexřa:

‘Swejdem abrid n SIDI,

seggem imesraq nnes.’ ” ◘3:3 Ica. 40:3; Mk. 1:3; Lk. 3:4; Yḥ. 1:23.

4 Yuḥanna wanita tuɣa yarreḍ arruḍ n taḍuft n iřeɣman, ibekkes ijj n webyas n yiřem. Uca macca nnes tuɣa d iburexsen d tamment taḥurrect. ◘3:4 Mk. 1:6. 5 Řexdenni teffeɣ-dd ɣares Urcalim d qaɛ Yahudiyya d marra jjwayeh i d as dd-innḍen i L’Urdun, 6 uca ttwassɣeḍṣen zzayes deg iɣzar n L’Urdun, neɛmen s ddnub nsen. ◘3:6 Mk. 1:5.

7 Řami iẓra aṭṭas n Ifarisiyyen d Iṣaduqiyyen ttasen-dd maḥend ad ttwassɣeḍṣen, inna asen: “A tarwa n ifiɣran, wi d awem imřen, aqa tzemmarem ad tarewřem zeg weɣḍab i dd ɣa yasen? ◘3:7 Mt. 12:34; 23:33; Lk. 3:7. 8 Ggem řɣiǧet i ɣa iřiqqen i ttubet. ◘3:8 Lk. 3:8. 9 War ttɣiřem ca ad tinim deg ixef nwem: ‘Ibrahim d jedditneɣ!’, minzi Necc ad awem iniɣ belli AREBBI izemmar ad issnekkar zeg iẓra-ya tarwa i Ibrahim. ◘3:9 Yḥ. 8:39. 10 Xzar, tacaqurt tᵉttwassars ɣar iẓewran n tcejjura. S uya kuř tacejjart i war itticen řɣiǧet tecna, ad tᵉttwaqess uca ad tewḍa di tmessi. ◼3:10 tacejjart - niɣ ‘addag’ (‘iddagen’).  ◘3:10 Mt. 7:19; Yḥ. 15:6. 11 Necc ad kenniw ssɣeḍṣeɣ deg waman i ttubet, maca wenni i dd ɣa yasen awarni ayi, Netta ijhed xafi, necc war sdihiǧeɣ ad ksiɣ sandaliyat nnes. Aqa Netta ad kenniw isseɣḍeṣ di Arruḥ Iqeddsen d tmessi. ◘3:11 Mk. 1:7; Lk. 3:16; Yḥ. 1:15, 26; Řex. 1:5; 11:16; 19:4. 12 Tazzart nnes deg ufus nnes, ad izzuzar andrar nnes qaɛ, ad iyru irden ɣar řemrasi nnes, maca icarfa ad ten issecmeḍ s tmessi i war ixessyen.”

13 Řexdenni yusa-dd Yasuɛ zi Ljalil ɣar L’Urdun, ɣar Yuḥanna, ḥima ad ittwaseɣḍeṣ zzayes. ◼3:13 ittwaseɣḍeṣ - nzemmar ad nessemqudda aseɣḍes ak-d wenḍeř n bnadem di řebḥar, deg waman, xenni awarni as ittwassnekkar-dd zzaysen. D man aya d ijj n umedya n wenḍeř n bnadem aqdim d tnukkra n bnadem n jdid s l’iman di Yasuɛ Lmasiḥ. Aseɣḍeṣ di Yasuɛ war iǧi d ict n řeɛřamet n ṭharet waha, maca ɣar umezwar aqa aseɣḍeṣ řeɛřamet n umenḍar n bnadem aqdim deg waman u n tnukkra nnes zeg waman am bnadem d jdid s liman di Yasuɛ Lmasiḥ. Xzar Rum. 6:1-14.  ◘3:13 [Mk. 1:9-11; Lk. 3:21-22] — Mk. 1:9; Lk. 3:21. 14 Maca Yuḥanna yugi as, inna: “Necc ḥdajeɣ ad ttwassɣeḍṣeɣ zzayek. Ma aqa d Cek i ɣari i dd ɣa yasen?”

15 Maca Yasuɛ yarra-dd, inna as: “Ewc řexxu ttesriḥ, minzi ammu i d aneɣ ittřiq ḥima ad nkemmeř marra tasegda.” Řexdenni isamḥ as. 16 Awarni řami ittwasseɣḍeṣ Yasuɛ, yuři-dd zeg waman deɣya, u ttwarzmen as ijenwan, uca iẓra Arruḥ n AREBBI ihwa-dd am tadbirt, tarsa xas. ◘3:16 Ica. 11:2; 42:1; Yḥ. 1:32. 17 Xzar, tusa-dd ict n tmijja zeg ijenwan, tenna: “D Wa d Mmi iɛizzen, dayes ufiɣ arḍa inu.” ◘3:17 Ica. 42:1; Mt. 12:18; 17:5; Mk. 1:11; Lk. 9:35; Kul. 1:13; 2 Bṭ. 1:17.   *