Ikulusiyyen
1
Aseǧem ɣar umezwaru d tẓaǧit ak-d uqadi
1 Bulus, rrasul n Yasuɛ Lmasiḥ s řxaḍar n AREBBI, d tawmat Timutiyu. ◼1:1 rrasul - niɣ ‘amazan’. 2 I inni iǧan di Kulussi, awmaten imqeddasen d yinni yumnen di Yasuɛ Lmasiḥ: řehna d arḍa ad kiwem iřin zi AREBBI, Babatneɣ. ◘1:2 Rum. 1:7; Gal. 1:3; Afa. 1:2; 1 Bṭ. 1:2.
3 Řebda nettqada AREBBI, Babas n Siditneɣ Yasuɛ Lmasiḥ, uca nettẓaǧa xawem. ◘1:3 Afa. 1:15; Fil. 1:3; 1 Ts. 1:2; 2 Ts. 1:3. 4 Xzar, nesřa x l’iman nwem di Yasuɛ Lmasiḥ u x tayri nwem i marra imqeddasen, 5 x ssibbet n usitem i d awem isswejden deg ijenwan, i x tizzarem tesřam zeg umezwaru s Wawař n tidett n Řexbar Aṣebḥan. ◘1:5 1 Bṭ. 1:4. 6 Awař-a ittwabarreḥ awem u i ddunect marra, uca igemma uca ittawi-dd řɣiǧet, am mammec i yegga wawař-a ɛawed jar awem zeg wass umi t tesřim u tessnem arḍa n AREBBI di tidett, ◘1:6 Mk. 4:8; Yḥ. 15:16. 7 am mammec t třemdem zi Ipafras, amsexxar amɛacar nneɣ iɛizzen, wenni d amsexxar d amtiqqi n Lmasiḥ i kenniw. ◘1:7 Kul. 4:12; Flmn. 23. 8 Netta issargeb aneɣ-dd x tayri nwem di Arruḥ.
9 S uyenni, uřa d neccin, zeg wass umi nesřa x man aya, war nessbeddi ca taẓaǧit xawem, nettᵉttar ad tdewřem teccurem s tussna n řxaḍar n AREBBI, di marra tiɣit d řefhamet n Arruḥ, ◘1:9 Uf. 31:3; 35;13; Ica. 11:2; 1 Kur. 1:5; 12:8; Afa. 1:15. 10 ḥima ad tuyurem am mammec isdaheǧ, ad tarḍam AREBBI di marra řexdayem tiṣebḥanin, u ḥima ad dd-tawyem řɣiǧet uca ad teymam di tussna n AREBBI, ◼1:10 teyman - niɣ ‘tegmam’. ◘1:10 Amz. 17:1; Yḥ. 15:16; 1 Kur. 7:20; Afa. 4:1; Fil. 1:27; 1 Ts. 2:12. 11 ad tᵉttwassjehdem s marra jjehd ɛlaḥsab řemɣaret n uɛuǧi nnes, s marra ṣṣbar d ttasiɛ n řxaḍar d řefraḥet. 12 Qadam AREBBI, Babatneɣ, wenni d aneɣ isswejden ḥima ad nessdaheǧ ad ncarc di řwart n imqeddasen di tfawt. 13 Netta issenjem aneɣ zi ṣṣulṭa n taǧest u issmuṭṭiy aneɣ ɣar tgeldit n Mmis nnes iɛizzen, ◘1:13 Mt. 3:17; 17:5; Afa. 2:4; 1 Ts. 2:12; 2 Bṭ. 1:17. 14 Wenni dayes ɣarneɣ asenjem d weɣfar n ddnub. ◘1:14 Řex. 20:28; Afa. 1:7; Ɛbr. 9:14; 1 Bṭ. 1:19.
Lmasiḥ d ṣṣifet n Arebbi i war neẓri
15 Wanita d ṣṣifet n AREBBI i war nettwiři ca, Amenzu x marra min dd-ittwaxeřqen, ◼1:15 Wanita - ixs ad yini ‘Mmis’, xzar ayet 13. ◘1:15 2 Kur. 4:4; Fil. 2:6; Ɛbr. 1:3; Asa. 3:14. 16 Zzayes dd-ittwaxřeq marra min iǧan deg ijenwan d min iǧan di temmurt, min nettwařa d min war nettwiři ca: řekrasi n ijeǧiden niɣ tiṣeǧaḍin niɣ řeḥkamat uřa d ṣṣulaṭat, marra min iǧan aqa ittwaxřeq-dd s ufus nnes u zzayes Netta. ◘1:16 Amz. 1:3; Izhd. 33:6; Yḥ. 1:3; Afa. 3:9; Ɛbr. 1:2. 17 Netta tuɣa-t qbeř marra min iǧan, uca marra min iǧan aqa-t zzayes. 18 Netta d Azeǧif n Arrimet, tenni iǧan d tamesmunt. Netta d Azeǧif d Mmis Amenzu i dd-ittwaxeřqen zi taddart n imettinen, ḥima ad yiři d Amezwar di kuřci. ◘1:18 1 Kur. 15:20; Afa. 1:22; 4:15; 5:23; Asa. 1:5. 19 Minzi tusa as-dd i řxaḍar i marra Aɛemmar maḥend ad izdeɣ dayes, ◼1:19 marra Aɛemmar - man aya ixs ad yini, aqa Tababat d Tammemit d Arruḥ Iqeddsen zeddɣen di arrimet n Lmasiḥ. ◘1:19 Yḥ. 1:14, 16; Kul. 2:9. 20 maḥend ad zzayes isseṣřeḥ marra min iǧan ak-d Yixef nnes, u maḥend ad igg řehna s Idammen n ṣṣalib nnes, am i yinni iǧan di temmurt am i yinni iǧan deg ijenwan. ◘1:20 Izhd. 85:11; Ica. 9:6; Yḥ. 16:33; Řex. 10:36; Rum. 5:1; 2 Kur. 5:18; Afa. 2:14; Ɛbr. 9:27; 1 Yḥ. 4:10.
21 Uřa i kenniw - inni tuɣa qbeř d ibarraniyyen d řɛedyan deg ixarriṣen nwem zi ssibbet n řexdayem nwem tiɛeffanin - iwca řexxu řehna 22 s arrimet n weysum nnes u n řmewt nnes, ḥima ad kenniw issbedd d imqeddasen qibač nnes, břa ma ad daywem ittwaf řa d ijj n řexmej uřa d ijj n řɛib, ◘1:22 Lk. 1:75; Afa. 1:4; 5:27; 2 Tim. 1:9; Tit. 2:12. 23 mařa teqqimem tuyurem di l’iman nwem, am dsas nwem iqqim imten, war tsemmḥem ca deg usitem n L’Injil i tesřim, wenni zi ittwabarraḥ ɣar marra min dd-ittwaxeřqen nni iǧan sadu ujenna, wenni zi dewřeɣ necc, Bulus, d amsexxar. ◘1:23 Yḥ. 15:6.
Řxedmet n tsexxart n Bulus i Tmesmunt n Yasuɛ Lmasiḥ
24 Aqa ayi farḥeɣ am kessiɣ tamara xawem u ttkemmřeɣ di arrimet inu min iqqimen zi řemḥayem n Lmasiḥ di ṭṭweɛ n Arrimet nnes tenni d tamesmunt, ◘1:24 Rum. 12:5; 1 Kur. 12:27; 2 Kur. 7:4; Afa. 3:13; 4:12; 5:23; Fil. 2:17; 2 Tim. 2:10. 25 i zi dewřeɣ d amsexxar ɛlaḥsab awekkeř i d ayi immewcen xawem zi AREBBI, ḥima ad ssiwḍeɣ tabarreḥt n Wawař n AREBBI ɣar řekmaret, ◘1:25 Rum. 16:25; Afa. 1:9; 3:9; 2 Tim. 1:10; Tit. 1:3; 1 Bṭ. 1:20. 26 ssirr i tuɣa innufaren di zzmanat d řjiřat n zic, maca ittwassargeb řexxu i imqeddasen nnes, ◘1:26 Mt. 13:11. 27 inni umi ixs AREBBI ad asen isscen igeřwan n uɛuǧi n ssirr-a jar řegnus, wenni iǧan d Lmasiḥ daywem, asitem n uɛuǧi nneɣ. ◘1:27 2 Kur. 2:14; 1 Tim. 1:1. 28 Aqa nettbarreḥ zzayes, u zzayes Netta nesseřmad u nɛeǧem i kuř bnadem s marra tiɣit, ḥima ad nessbedd kuř bnadem nican qibač i Yasuɛ Lmasiḥ. 29 I man aya umi jehhdeɣ u ttmenɣiɣ s ufus n jjehd i d ayi immewcen.
◼1:1 1:1 rrasul - niɣ ‘amazan’.
◘1:2 1:2 Rum. 1:7; Gal. 1:3; Afa. 1:2; 1 Bṭ. 1:2.
◘1:3 1:3 Afa. 1:15; Fil. 1:3; 1 Ts. 1:2; 2 Ts. 1:3.
◘1:9 1:9 Uf. 31:3; 35;13; Ica. 11:2; 1 Kur. 1:5; 12:8; Afa. 1:15.
◼1:10 1:10 teyman - niɣ ‘tegmam’.
◘1:10 1:10 Amz. 17:1; Yḥ. 15:16; 1 Kur. 7:20; Afa. 4:1; Fil. 1:27; 1 Ts. 2:12.
◘1:13 1:13 Mt. 3:17; 17:5; Afa. 2:4; 1 Ts. 2:12; 2 Bṭ. 1:17.
◘1:14 1:14 Řex. 20:28; Afa. 1:7; Ɛbr. 9:14; 1 Bṭ. 1:19.
◼1:15 1:15 Wanita - ixs ad yini ‘Mmis’, xzar ayet 13.
◘1:15 1:15 2 Kur. 4:4; Fil. 2:6; Ɛbr. 1:3; Asa. 3:14.
◘1:16 1:16 Amz. 1:3; Izhd. 33:6; Yḥ. 1:3; Afa. 3:9; Ɛbr. 1:2.
◘1:18 1:18 1 Kur. 15:20; Afa. 1:22; 4:15; 5:23; Asa. 1:5.
◼1:19 1:19 marra Aɛemmar - man aya ixs ad yini, aqa Tababat d Tammemit d Arruḥ Iqeddsen zeddɣen di arrimet n Lmasiḥ.
◘1:19 1:19 Yḥ. 1:14, 16; Kul. 2:9.
◘1:20 1:20 Izhd. 85:11; Ica. 9:6; Yḥ. 16:33; Řex. 10:36; Rum. 5:1; 2 Kur. 5:18; Afa. 2:14; Ɛbr. 9:27; 1 Yḥ. 4:10.
◘1:22 1:22 Lk. 1:75; Afa. 1:4; 5:27; 2 Tim. 1:9; Tit. 2:12.
◘1:24 1:24 Rum. 12:5; 1 Kur. 12:27; 2 Kur. 7:4; Afa. 3:13; 4:12; 5:23; Fil. 2:17; 2 Tim. 2:10.
◘1:25 1:25 Rum. 16:25; Afa. 1:9; 3:9; 2 Tim. 1:10; Tit. 1:3; 1 Bṭ. 1:20.
◘1:27 1:27 2 Kur. 2:14; 1 Tim. 1:1.