1 Bulus d Silwanus d Timutiyu, i tmesmunt n Itissalunikiyyen, tenni iǧan di AREBBI, Babatneɣ, u di Siditneɣ Yasuɛ Lmasiḥ. 2 Arḍa d řehna zi AREBBI, Babatneɣ, u zi Siditneɣ Yasuɛ Lmasiḥ ad kiwem iřin. ◘1:2 1 Kur. 1:3; 1 Ts. 1:1; 1 Bṭ. 1:2.

3 Icuwwar ad nqada AREBBI i kenniw řebda, a aytma, am mammec ittřiq, minzi l’iman nwem imeqqar aṭṭas, am mammec uřa d tayri n kuř ijjen zzaywem marra i wenni d as yudsen tarenni tmeqqar ktar, ◘1:3 Afa. 1:15; Fil. 1:3; Kul. 1:3; 1 Ts. 1:2. 4 ař nettfeyyec xawem di tmesmunin n AREBBI x ssibbet n l’iman nwem d ṣṣbar nwem di marra adarrec nwem d řemḥayem nwem nni teksim. ◘1:4 1 Ts. 2:19. 5 Man aya d lburhan n řḥukm isseggden n AREBBI, aqa tᵉttwaḥasbem tesdaheǧem Tageldit, tenni xef teksim amarret. ◼1:5 lburhan - niɣ: ‘ddalil’.  ◘1:5 1 Ts. 2:14; Yah. 6. 6 U mařa xenni d řḥeqq zzat i AREBBI umi ɣa ixeǧeṣ s řmeḥnet i yinni kenniw iḥeṣṣaren, ◘1:6 Zak. 2:12. 7 xenni Netta ad kidneɣ isseddar uřa d kenniw inni ittwaḥṣaren, wah ad aneɣ isseddar akidwem ɣar usargeb n Siditneɣ Yasuɛ Lmasiḥ zeg ujenna ak-d řɛeskarat n lmalakat nnes, ◘1:7 1 Ts. 4:16. 8 x minni i ɣa intaqem di tmessi itteḥduduqen x yinni war issinen ca AREBBI u x yinni war xsen ad cehden s Řexbar Aṣebḥan n Siditneɣ Yasuɛ Lmasiḥ. ◘1:8 Rum. 2:8; 2 Bṭ. 3:7. 9 Minzi ina ad ttwaɛaqben di řḥukm s uhellek i řebda am yaggwejen x wudem n Siditneɣ u x uɛuǧi n jjehd nnes, ◘1:9 Ica. 2:19. 10 xmi dd ɣa yas Netta ḥima ad ittwaɛuǧi deg wass nni di marra imqeddasen nnes, u ḥima ad isscen řeɛjayeb nnes s yinni dayes yumnen, minzi tumnem zi cchadet nneɣ i kenniw deg wass nni. ◘1:10 Řex. 1:11; 1 Ts. 1:10; Asa. 1:7.

11 S uyenni nkessi awem řmeɛruf řebda, ḥima AREBBI nneɣ ad kenniw yegg ad tesdaheǧem tařaɣit nwem, u ḥima ad kenniw iccur s jjehd maḥend ad tiřim twejdem qaɛ i tmegga n tcuni u i řexdayem n l’iman, 12 ḥima ad daywem ittwaɛuǧi Isem n Siditneɣ Yasuɛ, uca uřa d kenniw dayes, ɛlaḥsab arḍa n AREBBI nneɣ d Siditneɣ Yasuɛ Lmasiḥ.