1 Adlis amezwaru i uriɣ, a Tiyufilis, uriɣ t x marra min ibda Siditneɣ Yasuɛ Lmasiḥ ad igg u ad isseřmed, 2 ař ass i di immeksi ɣar ujenna, awarni řami iweṣṣa i rrusul i tuɣa yixḍar Netta s Arruḥ Iqeddsen, ◼1:2 rrusul - niɣ ‘imazanen’.  ◘1:2 Mk. 16:19; Lk. 9:51; Yḥ. 20:21; 1 Tim. 3:16. 3 inni umi, awarni řami tuɣa iweddeb, isscen asen Ixef nnes s waṭṭas n řeɛřamat belli aqa iddar, am d asen dd-iḍhar arebɛin n wussan, issawař x Tgeldit n AREBBI. ◘1:3 Mk. 16:14; Yḥ. 20:19; 21:1; 1 Kur. 15:5.

4 Řami akidsen icca aɣrum, iweṣṣa ten ḥima war dd-tteffɣen ca zi Urcalim, maca ad qqimen ad rajan lwaɛd n Baba i tuɣa kenniw, ammu i inna, “tesřim zzayi, ◘1:4 Lk. 24:48, 49; Yḥ. 14:26; 15:26; 16:7. 5 minzi Yuḥanna tuɣa isseɣḍaṣ deg waman, maca kenniw ad ttwassɣeḍṣem di Arruḥ Iqeddsen awarni drus n wussan.” ◘1:5 Ica. 44:3; Yuw. 3:1; Mt. 3:11; Mk. 1:8; Lk. 3:16; Yḥ. 1:26; Řex. 2:4; 11:15, 16; 19:4.

6 Xenni sseqsan t inni tuɣa din imunen, nnan: “A Siditneɣ, ma di řweqt-a ad dd-tarred Tageldit i Israil ɛawed?” ◘1:6 Mt. 24:3. 7 Inna asen: “War d awem dd-yusi ad taregbem x zzman d zzmanat i igga Baba di ṣṣulṭa n Yixef nnes. ◘1:7 Mt. 24:36. 8 Maca kenniw ad teksim jjehd xmi xawem dd ɣa ihwa Arruḥ Iqeddsen uca kenniw ad tiřim d řechud di Urcalim, di marra Yahudiyya, di Samarya, wah, ař ineggura n ddunect.” ◘1:8 Ica. 2:3; Lk. 24:48; Yḥ. 15:27; Řex. 2:4, 32.

9 Awarni řami inna aya, immeksi uca, am t ẓrin nitni, iksi t ijj n useynu, idweř inuffar x tiṭṭawin nsen. ◘1:9 Mk. 16:19; Lk. 24:51. 10 Am d as sseḍfaren s tiṭṭawin nsen am iruḥ ɣar ujenna, xzar, aqa bedden ɣarsen tnayen n yeryazen arḍen arruḍ d acemřař, ◘1:10 Mt. 28:3. 11 uca nnan asen: “A, iryazen zi Ljalil, min kenniw ideɛwen tᵉttbeddam txezzarem ɣar ujenna? Aqa Yasuɛ wanita, wenni immeksin xawem ɣar ujenna, ad dd-iɛqeb am mammec t teẓrim igeɛɛed ɣar ujenna!” ◘1:11 Dan. 7:13; Zak. 14:1-15; Mt. 24:30; Mk. 13:26; Lk. 21:27; 1 Ts. 1:10; 2 Ts. 1:10; Asa. 1:7.

12 Xenni ɛeqben ɣar Urcalim zeg wedrar umi qqaren ‘Taddart n Zzitun’ i iǧan zzat i Urcalim, iggʷej xas ɛřaḥař sebɛa ‘istadiyyen’, ixs ad yini ɛřaḥař ijj n kilumitr u třata meyya mitr. 13 Awarni řami dd-udfen ɣar tendint, geɛɛden ɣar tɣurfet sennej mani tuɣa ttɣiman nitni: Buṭrus, Yuḥanna, Yaɛqub, Andrawus, Filippus, Tuma, Matta, Bar-Tulumawus, Yaɛqub mmis n Ḥalfa, Cimɛun umi qqaren ‘Amɛessab’, d Yahuda, mmis n Yaɛqub. 14 Ina marra idsen tuɣa ṣbaren s yijj n dmam x tẓaǧit, ak-d temɣarin u ak-d Maryam, yemmas n Yasuɛ, u ak-d aytmas. ◘1:14 Mt. 13:55.

15 Deg wussan nni ikkar Cimɛun Buṭrus jar asen, di řwesṭ n imeḥḍaren. Tuɣa din munen ɛřaḥař mya u-ɛicrin n iwdan, u netta inna: ◘1:15 2 Im. 5:12

16 “A iryazen tawmat, tuɣa ittxeṣṣa nican ad ittwakemmeř awař n Tira Iqeddsen i ittwannan qbeř s Arruḥ Iqeddsen s uqemmum n Dawud x Yahuda, wenni idewřen d amgewwed n yinni iḥebbsen Yasuɛ, ◘1:16 Izhd. 41:10; Mt. 26:23, 47; Mk. 14:43; Yḥ. 13:18; 18:3. 17 minzi netta tuɣa ittwaḥseb zzayneɣ, zi tenɛac, u tuɣa iṭṭef tasɣart di tsexxart-a. ◘1:17 Mt. 10:4; Mk. 3:19; Lk. 6:16. 18 Aqa wa tuɣa ikesseb ijj n iyyar i yixef nnes s řmunet n ddenb nnes uca umi iwḍa x uɣembub nnes ɣar temmurt, aqa ifeǧeq ɣar tejɛinnatin nnes uca ffɣen-dd marra adan nnes ɣar barra. ◘1:18 2 Ṣm. 17:23; Mt. 27:3-5. 19 Aqa man aya idweř ittwassen ɣar marra imezdaɣ n Urcalim ařami semman iyyar nni deg iřes n temmurt nsen ‘Ḥaql-Dama’, min ixs ad yini ‘Iyyar n idammen’. ◘1:19 Mt. 27:8. 20 Minzi tura deg wedlis n Izehhiden n Dawud:

‘Ad tedweř taddart nnes d řxarbet,

uřa d ijj war dayes izeddeɣ!’

uca:

‘Ad iksi wenneɣni tasexxart nnes.’ ◘1:20 Izhd. 69:26; 109:8.

21 S uyenni ittřiq, aqa ijjen zeg yeryazen inni tuɣa d imɛacaren akidneɣ kuř řweqt i di tuɣa Siditneɣ Yasuɛ ittadef u itteffeɣ jar aneɣ - ◘1:21 Řex. 6:3. 22 zeg useɣḍeṣ n Yuḥanna ař ass i di immeksi xaneɣ - ad idweř d acehhad akidneɣ x tnukra nnes.”

23 Areccḥen tnayen: Yusuf, umi qqaren Bar-Saba wenni umi ttkennan Yustus, d Mattiya. ◘1:23 Řex. 6:6. 24 Am tuɣa ttẓaǧan, nnan: “A SIDI, Cek tessned uřawen n marra, scen aneɣ man wen zi tnayen-a i tixḍared, ◘1:24 1 Ṣm. 16:17; 1 Im. 28:9; 29:17; Izhd. 7:10; Irm. 11:20; 17:10; 20:12; Řex. 15:8; Asa. 2:23. 25 ḥima ad icarc di tsexxart-a u di řxedmet n rrusul i di ismeḥ Yahuda ḥima ad iraḥ ɣar wemcan nnes.” 26 Xenni ggin akeccuḍ uca yusa-dd ukeccuḍ x Mattiya uca arnin t ɣar ḥiṭac n rrusul.