1 Xenni isweḍ Yasuɛ ɣar aytbab n wagřa ssrusan ṣṣdaqi nsen di ssenduq. ◘21:1 [Mk. 12:41-44] — 2 Ij. 12:10; Mk. 12:41. 2 Iẓra ɛawed ict n tajjač tamezřuḍt tessars dayes tnayen n uqiyyat, semman tent ‘camunat’. 3 Inna asen: “S tidett, Necc ad awem iniɣ, aqa tajjač-a řmeskina tenḍar dayes ktar zzaysen marra. ◘21:3 2 Kur. 8:12. 4 Minzi marra nitni nḍaren zi zziyada n wagřa nsen ict n ṣṣedqet deg wexxam n ṣṣdaqi n AREBBI, maca nettat zi řexṣeṣ nnes aqa tenḍar dayes marra min ɣares.”

5 Ařami tuɣa ca n iwdan ssawařen x Zzawect Tameqqrant, tenni tzewweq s iẓra iṣebḥen d ṣṣdaqi, inna asen Yasuɛ: ◘21:5 [Mt. 24:1-14; Mk. 13:1-13] — Mt. 24:1; Mk. 13:1. 6 “Ma tᵉttwařam timesřayin-a? Ad dd-asen wussan war ittɣimi uřa d ijj n weẓru x weẓru nneɣni i war ittareddǧen.” ◘21:6 1 Ij. 9:7; Mixa 3:12; Lk. 19:44. 7 Sseqsan t, nnan: “A Amseɣɣar, meřmi i ɣa yiři uya d man řeɛřamet aqa timesřayin-a udsent-i-dd?” 8 Inna asen: “Ɛessem, war tᵉttwaɣarrem, minzi aṭṭas ad dd-asen s Yisem inu, ad inin: ‘Aqa Necc d Lmasiḥ!’ u: ‘Řweqt aqa tiweḍ-dd!’, maca war ggurem awarni asen. ◘21:8 Irm. 29:8; Mt. 24:4; Afa. 5:6; Kul. 2:18; 2 Ts. 2:2; 1 Yḥ. 4:1. 9 Mařa tesřim x řbaruḍ d iɣewwɣen, war ttnexřiɛem ca, minzi s uɣiř ad yiři uya d amezwar, maca war ittiři ɛad deɣya uneggar.

10 Maɣar ijj n řgens ad dd-igeɛɛed ḍidd n ijj n řgens nneɣni u ict n tgeldit ḍidd n ict n tgeldit nneɣnit. ◘21:10 Ica. 19:2. 11 Ad iřin inhezziyyen n temmurt mɣaren di ɛřam kuř imucan d řaẓ d jjrayeḥ d tiggʷudi d usnexřiɛ. Uca ad dd-banent řeɛřamat mɣarent zeg ujenna u ad din iřint tḥaryaḍin ijehden. 12 Maca qbeř man aya marra ad xawem ssarsen ifassen, ad kenniw sellmen ɣar temzidawin d řeḥbusat, uca ad kenniw nedhen zzat i ijeǧiden d řḥukkam x ssibbet n Yisem inu. ◘21:12 Mt. 10:17; 24:9; Mk. 13:9; Yḥ. 16:2; Řex. 4:3; 5:18; 12:4; 16:24; Asa. 2:10. 13 Maca man aya ad yarra kenniw ad tcehdem. ◘21:13 Lk. 9:15; 21:13; 24:48 14 Ggem deg wuřawen nwem maḥend war tarezzum ad třemdem mammec i dd ɣa tarrem. ◘21:14 Mt. 10:19; Mk. 13:11. 15 Minzi Necc ad awem wceɣ aqemmum d tiɣit i war zemmaren ad ten ssbedden marra řɛedyan nwem. ◘21:15 Uf. 4:12; Ica. 54:17; Mt. 10:19; Řex. 6:10. 16 Ad kenniw sellmem lwalidin nwem d tawmat nwem d řaǧ nwem d imeddukkař nwem uca ad nɣen ca zzaywem, ◘21:16 Mixa 7:6; Řex. 7:59; 12:2. 17 u kenniw ad tᵉttwacarhem zi marra s ssibbet n Yisem inu. ◘21:17 Mt. 10:22; Mk. 13:13. 18 Waxxa amenni uřa d ijj n uẓeṭṭu n ucuwwaf n uzeǧif nwem war ittweddari ca, ◘21:18 1 Ṣm. 14:45; 2 Ṣm. 14:11; 1 Ij. 1:52; Mt. 10:30. 19 maca s ṣṣbar nwem ad tarebḥem řeɛmur nwem.”

20 “Xmi ɣa tẓarem Urcalim aqa inneḍ as-dd řɛeskar, xenni snem belli aqa iqarreb-dd wareddeǧ nnes. ◘21:20 [Mt. 24:15-21; 24:29-35; Mk. 13:14-19; 13:24-32] — Dan. 9:27; Zak. 14:1-3; Mt. 24:15-35; Mk. 13:14-31. 21 Xenni ittxeṣṣa ad arewřen inni iǧan di Yahudiyya ɣar idurar, ejj inni iǧan di řwesṭ nnes ad zzayes ffɣen, ad arewřen, d yinni iǧan di dcurat, war tt ttidfen, 22 minzi ina d ussan n nneqmet ḥima ad ittwakemmeř marra min yurin. ◼21:22 ussan n nneqmet - niɣ ‘ussan n weɛmud’.  ◘21:22 Dan. 9:26, 27; Mt. 24:15; Mk. 13:14. 23 Uct x temɣarin nni s ddeyset d tinni issuṭṭuḍen deg wussan nni, minzi ad din tiři řmeḥnet d tameqqrant x temmurt d weɣḍab x řgens-a. 24 Nitni ad wḍan s řeqḍeɛ n ssif, ad ttwaḥebbsen am ttwanedhen jar marra řegnus, uca Urcalim ad xas ɛefsen řegnus ař ɣa kemmřent zzmanat n řegnus.” ◘21:24 Rum. 11:25.

25 “Ad din iřint řeɛřamat di tfuct, di tziri u deg itran, uca x temmurt ad din tiři řmeḥnet di řegnus, ař d asen iweddar min ɣa ggen zeg unexřiɛ n zzhir ameqqran n řebḥar, ◘21:25 Ica. 13:10; Ḥiz. 32:7; Yuw. 3:4; 3:15; Mt. 24:29; Mk. 13:24; Asa. 6:12. 26 u zeg wenhezzi n temmurt d ameqqran ad issnexřiɛ řeɛmar n iwdan zi tiggʷudi zi min i dd ɣa yasen x temmurt, u ṣṣulaṭat n ijenwan ad ttwanhezzent. 27 Řexdenni ad ẓaren Mmis n bnadem, xmi dd ɣa yas deg iseynuten, s jjehd d uɛuǧi aṭṭas. ◘21:27 Dan. 7:10; Mt. 16:27; 24:30; 25:31; 26:64; Mk. 13:26; 14:62; Řex. 1:11; 2 Ts. 1:10; Asa. 1:7. 28 Xmi ɣa bdant tmesřayin-a, ggem taryast, sgeɛɛdem izeǧifen nwem minzi asenjem nwem aqa yiweḍ-dd.” ◘21:28 Rum. 8:23.

29 Iɛawed asen ijj n umedya: “Xzarem ɣar wartu n tazart u ɣar marra ticejjura. ◘21:29 Mt. 24:32; Mk. 13:28. 30 Xmi ɣa ssneḍyent, ad tessnem s man aya aqa anebdu yiweḍ-dd. 31 Ammu ittxeṣṣa ɛawed kenniw, xmi ɣa tᵉttwařam timesřayin-a ttemsarant, snem xenni belli Tageldit n AREBBI tudes-dd. 32 S tidett ad awem iniɣ, aqa war iɛeddu jjiř-a ař ɣa yiři uya kuřci. 33 Ajenna d temmurt ad ɛeddun, maca awařen inu war ɛeddun ɛemmarṣ. ◘21:33 Izhd. 102:27; Ica. 51:6; Mt. 24:35; Ɛbr. 1:11.

34 Ḥḍam ixef nwem ḥima war tteḍqiřen wuřawen nwem zeg ufucceḥ d wescar d imunas n ddunect-a, u war xawem dd-iwḍi wass nni deɣya. ◘21:34 Rum. 13:13; 1 Ts. 5:6; 1 Bṭ. 4:7. 35 Minzi ad dd-yas ass nni am řfex x marra inni iqqimen x uɣembub n temmurt. ◘21:35 1 Ts. 5:2; 2 Bṭ. 3:10; Asa. 3:3; 16:15. 36 Ḥḍam xenni řebda, ẓaǧem ḥima ad tiřim tesdaheǧem maḥend ad tnejmem zi marra min ɣa imsaren, uca ad tbeddem zzat i Mmis n bnadem.” ◘21:36 Mt. 24:42; 25:13; Mk. 13:33; Lk. 12:40; 1 Ts. 5:6.

37 S uziř tuɣa isseřmad di Zzawect Tameqqrant, maca s ǧiřet tuɣa itteffeɣ, ittɣima ittnusa x wedrar umi qqaren: ‘Taddart n Zzitun’. ◘21:37 Yḥ. 8:2. 38 Di ṣṣbeḥ zic tuɣa marra iwdan ttasen-dd ɣares di Zzawect Tameqqrant ḥima ad sřen Awař nnes.