13
Awaḍeɛ i ṣṣulṭa
1 Ejj kuř ijj ad iwaḍeɛ i ṣṣulaṭat inni iǧan s lɛaḍama, minzi war din ṣṣulṭa mɣir s AREBBI, uca ṣṣulaṭat tinni iǧan, aqa issbedd i-tent AREBBI. ◘13:1 Awřn. 8:15; Dan. 4:29; Tit. 3:1; 1 Bṭ. 2:13. 2 S uya wenni i ɣa immɛařan ak-d ṣṣulṭa, ittemɛařa ak-d min issbedd AREBBI, d yinni ittemɛařan ad ksin řḥukm nsen. 3 Minzi řquḍat war ǧin i tiggʷudi n yinni itteggen řxar, maca n yinni itteggen řɣar. Ma texsed ad tiřid břa tiggʷudi zi ṣṣulṭa n řquḍat? Egg min icnan, ad ac yiři ccan zzayes, 4 minzi ṣṣulṭa d tamsexxart n AREBBI i řefḍeř nnec. Maca mařa teggid řɣar, ggʷed, minzi ṣṣulṭa war tbekkes ca ssif baṭeř umi nettat d tamsexxart n AREBBI, aqa tneqqem s weɣḍab iqesḥen x yinni itteggen řɣar. 5 S uya ittxeṣṣa aneɣ ad neṭṭaɛ, war iǧi x ssibbet n weɣḍab waha, maca ɛawed x ssibbet n tnefsect. 6 X ssibbet-a tᵉttxeǧṣem ḍḍariba i kuř azeǧif umi nitni d imsexxaren n AREBBI i ittwaggen i man aya simant nnes. ◘13:6 1 Bṭ. 2: 7 X uya, wcem i marra min d asen ittxeṣṣan: ḍḍariba i wenni umi dd-tusa ḍḍariba i kuř azeǧif, řexřaṣ i wenni umi dd-yusa řexřaṣ, aweqqar i wenni umi dd-yusa uweqqar, ccan i wenni isdaheǧen ccan.
Tayri d akemmeř n Ccariɛa
8 War tteggem amarwas ɣar ḥed mɣir wenni n tayri ak-d wayawya, minzi wenni ittexsen wenni d as yudsen, aqa ikemmeř Ccariɛa. ◘13:8 Gal. 5:14; 1 Tim. 1:5. 9 Minzi Ccariɛa teqqar ɛawed: “War zenni, war neqq, war tticar, war ttasem!”, uca mařa din ca n tewṣeyyet nneɣni, aqa atent munent deg wawař-a: “Ad texsed jjar nnec am ixef nnec!” ◘13:9 Uf. 20:13-17; Lawi 19:18; Aɛwd. 5:17-19; Mt. 19:18; 22:39; Mk. 12:31; Gal. 5:14; Yaɛ. 2:8. 10 Tayri war ttḍarri ca jjar. S uyenni tayri nettat d řekmař n Ccariɛa.
11 Aqa ssneɣ aqa ta d řweqt d tsaɛɛet ḥima ad nfaq zeg iḍeṣ, minzi řexxu Tudart nneɣ tudes-dd ktar zeg wami nedweř numen. ◘13:11 Afa. 5:14; 1 Ts. 5:6. 12 Řexxu teɛdu ǧiřet, yiweḍ-dd uziř. Ejj aneɣ ad nessars řexdayem n taǧest, ad neksi řesnaḥ n tfawt. ◘13:12 Kul. 3:8; 1 Ts. 5:5. 13 Ejj aneɣ ad nuyur s ucuwwar axmi d aziř, war iǧi di zzhu abarcan, řa deg uɣelli, řa di texmuji n farq-ccɣeř di qama uřa deg umenɣi d řeḥsed, ◘13:13 Lk. 21:34; 1 Kur. 6:10; Afa. 5:5; Fil. 4:8; 1 Ts. 4:12; 5:6; Yaɛ. 3:14. 14 maca arḍem Siditneɣ Yasuɛ Lmasiḥ, war tticem taynit i nnecwat n weysum nwem. ◘13:14 Gal. 3:27; 1 Bṭ. 2:11.
◘13:1 13:1 Awřn. 8:15; Dan. 4:29; Tit. 3:1; 1 Bṭ. 2:13.
◘13:6 13:6 1 Bṭ. 2:
◘13:8 13:8 Gal. 5:14; 1 Tim. 1:5.
◘13:9 13:9 Uf. 20:13-17; Lawi 19:18; Aɛwd. 5:17-19; Mt. 19:18; 22:39; Mk. 12:31; Gal. 5:14; Yaɛ. 2:8.
◘13:11 13:11 Afa. 5:14; 1 Ts. 5:6.
◘13:12 13:12 Kul. 3:8; 1 Ts. 5:5.
◘13:13 13:13 Lk. 21:34; 1 Kur. 6:10; Afa. 5:5; Fil. 4:8; 1 Ts. 4:12; 5:6; Yaɛ. 3:14.
◘13:14 13:14 Gal. 3:27; 1 Bṭ. 2:11.