1 Ařami ikemmeř Yasuɛ awařen-a, iffeɣ zi Ljalil, yiweḍ ɣar jjwayeh n temmurt n Yahudiyya, ɣar ujemmaḍ n yeɣzar n L’Urdun. ◘19:1 [Mk. 10:1-12] 2 Aqa iḍfar i-t ijj n řɣaci d ameqqran, issgenfa i-ten dinni. 3 Usin-dd ɣares uřa d Ifarisiyyen, tuɣa arezzun ad t jarrben, nnan as: “Ma iḥeǧeř i weryaz ad iǧef i temɣart nnes zi mkuř sibbet?” ◘19:3 Mk. 10:2. 4 Yarra-dd, inna asen: “Ma war teɣrim ca belli wenni ten dd-ixeřqen zeg umezwaru, ixřeq i-ten-dd d awtem d tewtemt, ◘19:4 Amz. 1:17, 2:24, 5:2 5 uca aqa inna: ‘S uyenni ad ismeḥ weryaz di babas d yemmas, ad iqqen ɣar temɣart nnes, uca tnayen idsen nni ad iřin d ict n ddat’? ◘19:5 Amz. 2:24; Mt. 19:6; Mk. 10:8; Afa. 5:31; 1 Kur. 6:16. 6 S uya war ttiřin ɛad d tnayen, maca d ict n arrimet. S uyenni min issmun AREBBI, war t ibeṭṭi bnadem.” ◘19:6 1 Kur. 7:10. 7 Nnan as: “Mayemmi yumur Musa xenni, maḥend ad iwc tabrat n waǧaf, ḥima ad as iǧef?” ◘19:7 Aɛwd. 24:1; Irm. 3:1. 8 Inna asen: “Musa ijja kenniw ad teǧfem i temɣarin nwem zi ssibbet n řeqsaḥet n wuřawen nwem, maca war iǧi ammu zeg umezwaru. 9 Maca Necc ad awem iniɣ: Wenni i ɣa iǧfen i temɣart nnes, břa ma tezna nettat, uca ad yiwi icten nneɣni, aqa netta izenna, u wenni i ɣa iwyen tamɣart tenni i iǧfen, aqa uřa d netta izenna.” ◘19:9 Mt. 5:32; Mk. 10:11; Lk. 16:18; 1 Kur. 7:10.

10 Imeḥḍaren nnes nnan as: “Mařa ammu i teǧa tmesřact jar bnadem d temɣart nnes, xenni nhřa ma ad imřec.” 11 Maca Netta inna asen: “War iǧi marra zemmaren ad qebřen awař-a mɣir inni umi temmewc ad t iqbeř. ◘19:11 1 Kur. 7:7, 17. 12 Minzi aqa din inni ittwaqessen, minzi nitni d inni dd-ittwaxeřqen ammu zeg uɛeddis n yemmatsen, uca aqa din inni ittwaqessen, minzi nitni ttwaqessen zeg ifassen n iwdan, uca aqa din inni ittwaqessen, minzi nitni qessen ixef nsen di ṭṭweɛ n Tgeldit n ijenwan. Wenni izemmaren ad t iqbeř, ejj i-t ad t iqbeř.”

13 Řexdenni iwyen as-dd iḥenjiren imeẓyanen maḥend ad xasen issars afus nnes uca ad asen iksi s řmeɛruf, maca imeḥḍaren nnes webbxen ten. ◘19:13 [Mk. 10:13-16; Lk. 18:15-17] 14 Maca Yasuɛ inna asen: “Jjem iḥenjiren ad ɣari dd-asen, war ten mennɛem ca, minzi Tageldit n ijenwan i yinni am nitni.” ◘19:14 Mt. 18:3; 1 Kur. 14:20; 1 Bṭ. 2:2. 15 Issars xasen afus nnes uca iruḥ ssenni.

16 Uca xzar, iqarreb-dd ijjen, inna as: “A Amseɣɣar Aṣebḥan, min ɣa ggeɣ d aṣebḥan ḥima ad ɣari tiři Tudart ittduman?” ◘19:16 [Mk. 10:17-31; Lk. 18:18-30] 17 Inna as Yasuɛ: “Mayemmi d ayi třaɣid ‘Aṣebḥan’? War iǧi ḥed d aṣebḥan mɣir Ijjen, aqa-t d AREBBI. Maca mařa texsed ad tadfed ɣar Tudart, ṭṭef di tweṣṣa.” 18 Inna as: “Man tina?” Inna as Yasuɛ: “War neqq, war zenni, war tticar, war cehhed s ẓur, ◘19:18 Uf. 20:12; Lawi 19:18; Aɛwd. 5:16-10; Rum. 13:9. 19 weqqar babac d yemmac uca ad texsed jjar nnec am yixef nnec.” ◘19:19 Lawi 19:17; Mt. 22:39; Mk. 12:31; Gal. 5:14; Yaɛ. 2:8. 20 Abřiɣ inna as: “Aqa ḍfareɣ timesřayin-a marra zi temẓi inu. Min d ayi ittxiṣṣen ɛad?” 21 Yasuɛ inna as: “Mařa texsed ad tiřid tkemmřed, ruḥ, zenz marra min ɣarek, ewc i-t i imezřaḍ uca ad ɣarek yiři ijj n řkenz deg ijenwan. Xenni as-dd, ḍfar ayi-dd.” ◘19:21 Mt. 6:19; Lk. 12:33; 16:9; 1 Tim. 6:19. 22 Řami isřa webřiɣ awař-a, iruḥ icḍen, minzi tuɣa ɣares aṭṭas n wagřa.

23 Xas uca inna Yasuɛ i imeḥḍaren nnes: “S tidett, Necc ad awem iniɣ, aqa yewɛar x bab n wagřa ad yadef ɣar Tgeldit n ijenwan. ◘19:23 Awřn. 11:28; Mk. 10:23; Lk. 18:24. 24 Uca Necc ad awem iniɣ ɛawed, aqa ihwen i weřɣem ad yekk zi tiṭṭ n tsineft x bu wagřa ad yadef ɣar Tgeldit n AREBBI.” 25 Umi tt sřin imeḥḍaren nnes, nnxeřɛen, nnan: “Wi izemmaren xenni ad iṭṭef Tudart ɛad?” 26 Am tuɣa daysen ixezzar Yasuɛ, inna asen: “Ɣar iwdan man aya war izemmar, maca ɣar AREBBI kuřci di tzemmar nnes!” ◘19:26 Ayub 42:2; Irm. 32:17; Zak. 8:6; Lk. 1:37; 18:27.

27 Xenni yarra-dd Buṭrus, inna as: “Xzar, aqa neccin nejja kuřci, neḍfar i Cek. Min ɣarneɣ i ɣa yiřin?” ◘19:27 Mt. 4:20; Mk. 10:28; Lk. 5:11; 18:28. 28 Yasuɛ inna asen: “S tidett, Necc ad awem iniɣ, i kenniw inni d ayi dd-iḍfaren, aqa xmi ɣa tiři marra ddunect d jdid, xmi ɣa iqqim Mmis n bnadem x řɛarc n uɛuǧi nnes, aqa uřa d kenniw ad teqqimem x tenɛac n řekrasi igellden, ḥima ad tḥekmem x tenɛac n tqebbař n ayt n Israil. ◘19:28 Lk. 22:30. 29 Kuř ijjen wenni isemḥen di tudrin niɣ deg aytmas niɣ di suyᵉtmas niɣ di babas niɣ deg yemmas niɣ di temɣart nnes d tarwa nnes uřa deg yeyyaren di ṭṭweɛ n Yisem inu, ad iksi mya n tseqqar uca ad iwart Tudart ittduman. ◘19:29 Aɛwd. 33:9; Ayub 42:12. 30 Maca aṭṭas n yinni iǧan d imezwura ad iřin d ineggura, uca ineggura ad iřin d imezwura.” ◘19:30 Mt. 20:16; Mk. 10:31; Lk. 13:30.