11
1 Řmizan aɣeccac d nnɛi i SIDI,
maca aẓru n řewzen nican
ittaf arḍa nnes. ◘11:1 Lawi 19:36; Aɛwd. 25:13; Awřn. 16:11; 20:10, 23
2 Mařa tusa-dd nnfaxet,
tusa-dd uřa d řefḍiḥet,
3 Řeṣfayet n inni igguren nican
tneddeh i-ten,
maca taḥraymect n iɣeddaren
taředdeǧ i-ten. ◘11:3 Awřn. 13:6
4 Agřa war ineffeɛ
ɣar wass n uduqqez n ufugem,
maca tasegda tᵉttfekka zi řmewt. ◘11:4 Awřn. 10:2; Ḥiz. 7:19; Ṣaf. 1:18
5 Tasegda n wenni igguren nican
ittarra abrid nnes nican,
maca aɛeffan iweṭṭa s tuɛeffna nnes.
6 Tasegda n inni igguren nican
ad ten tfekk,
maca iɣeddaren ad ttwacarfen
deg umeẓri nsen.
7 Mařa immut bnadem aɛeffan,
ifna řayas nnes,
uřa d min ttrajan
yeryazen daysen teryast ad ifna.
8 Amsegged ad dd-ittwafekk
zi řeḥṣaret,
uca xenni aɛeffan ad dd-yas
deg wemcan nnes.◘11:8 Izhd. 34:20; Awřn. 21:18
9 Amnafeq ittareddeǧ jjar nnes
s uqemmum nnes,
maca imseggaden
ad ttwafekken s tussna. ◼11:9 lmunafiq - niɣ ‘bu n tnayen n wudmawen’.
10 Tandint tᵉttesřiwřiw
mařa imseggaden aqa aten mliḥ,
u mařa ttwahellken iɛeffanen,
aqa din asřiwřew.
11 Tᵉttwassgeɛɛed tendint
s lbaraka n inni igguren nican,
maca s uqemmum n iɛeffanen
ad tᵉttwahdem.
12 Wenni war ɣar iǧi ca wuř imten,
isseḥqara jjar nnes,
maca aryaz wenni ɣar iǧa řefhamet
ittesqar.
13 Wenni igguren da d diha s texbarjit,
ittɛarra min innuffaren,
maca wenni i di iǧa arruḥ
dayes řaman, aqa issnuffara tamesřact.
14 Mařa war din adebbar, iweṭṭa řgens,
maca ad yiři usenjem s řemɣaret n umcawar. ◘11:14 1 Ij. 12:1-20
15 Wenni iḍemmnen řbarrani,
war dd as tᵉtteffeɣ ca mliḥ,
maca wenni icarrhen
inni itteggen ticti x ufus,
aqa-t di řaman.
16 Tamɣart tᵉttaf arḍa, tᵉṭṭef
di řɛezz nnes,
maca ayt n bu-řexcunet
ttᵉṭṭfen deg wagřa.
17 Bnadem s tmexsiwt icewwaren
ittegg řxar i řeɛmar nnes,
maca aqessaḥ ittɣezza
aysum n yixef nnes.
18 Aɛeffan imejjar řɣiǧet n řɣecc,
maca wenni izarrɛen tasegda,
imejjar ict n řmunet imetnen.
19 Tasegda nican tᵉttawi ɣar tudart,
wenni yareddfen řɣar,
yarezzu řmewt nnes.
20 Inni ɣarsen uř ifarɣen
aqa aten d nnɛi i SIDI,
maca inni igguren nican
Netta yareṭṭa daysen.
21 S tidett, aɛeffan war ittɣimi břa řexřaṣ,
maca tarwa n imseggaden
ad ttwassnejmen. ◘11:21 Awřn. 16:5
22 Amecnaw ict n txadent n wureɣ
di tinzar n yiřef,
ammu i teǧa ict n temɣart tecna
war di iǧa umeyyez.
23 Meẓri n imseggaden
mɣir ɣar min iṣebḥen,
maca řayas n iɛeffanen
aqa-t nhřa řeɛbar.
24 Aqa din ijjen wenni ibeṭṭan s wecrim,
waxxa amenni ittwarni as ɛad ktar,
u aqa din ijjen wenni imennɛen ktar
x min icuwwaren,
waxxa man aya ineddeh ɣar zzeřḍ.
25 Řeɛmar nni ittbarken ad ittwassjiwen,
u wenni itticen aman,
ad as immewc waman
i netta simant nnes. ◘11:25 Izhd. 112:9; 2 Kur. 9:9
26 Wenni ittxemmařen imendi,
ineɛɛeř i-t cceɛb,
maca lbaraka ad tiři
x uzeǧif n wenni iznuzan imendi.
27 Wenni ittceṭṭaren di ṭṭweɛ n
min iṣebḥen,
yarezzu min yarḍan,
maca wenni ittḥaman řɣar, ad t iřqef. ◘11:27 Izhd. 7:17; 9:16; 10:2; 57:7
28 Wenni ittcařen x wagřa nnes, ad iwḍa,
maca imseggaden ttneɛniɛen
am ifetwan izizawen.◘11:28 Izhd. 1:3, 4; 92:13
29 Wenni ihekkwřen aytbab n taddart nnes,
ad iwart asemmiḍ,
u abuhaři ad yiři d amsexxar
n wenni di iǧa wuř amiɣis.
30 Řɣiǧet n umseggad
d ict n tcejjart n tudart,
wenni yarebbḥen řeɛmur aqa-t d amiɣis. ◼11:30 tacejjart - niɣ ‘addag’ (‘iddagen’).
31 Xzar, aqa ad ittwaxeǧeṣ
umsegged di temmurt,
xenni mahu aɛeffan d umednub. ◘11:31 1 Bṭ. 4:17, 18
◘11:1 11:1 Lawi 19:36; Aɛwd. 25:13; Awřn. 16:11; 20:10, 23
◘11:2 11:2 Awřn. 15:33; 16:18; 18:12
◘11:3 11:3 Awřn. 13:6
◘11:4 11:4 Awřn. 10:2; Ḥiz. 7:19; Ṣaf. 1:18
◘11:8 11:8 Izhd. 34:20; Awřn. 21:18
◼11:9 11:9 lmunafiq - niɣ ‘bu n tnayen n wudmawen’.
◘11:14 11:14 1 Ij. 12:1-20
◘11:21 11:21 Awřn. 16:5
◘11:25 11:25 Izhd. 112:9; 2 Kur. 9:9
◘11:27 11:27 Izhd. 7:17; 9:16; 10:2; 57:7
◘11:28 11:28 Izhd. 1:3, 4; 92:13
◼11:30 11:30 tacejjart - niɣ ‘addag’ (‘iddagen’).
◘11:31 11:31 1 Bṭ. 4:17, 18