18
1 Wenni iɛezzřen ixef nnes,
yarezzu x meẓri nnes,
netta idduqquz x marra
min izemmaren ad yiři d adebbar.
2 Abuhaři war d as tᵉtteɛjib řefhamet,
itteɛjib as mɣir aɛarri n wuř nnes.
3 Xmi dd-ittadef uɛeffan,
ittas-dd uřa d aseḥqar,
u ak-d řefḍiḥet ittas-dd řɛar.
4 Awařen zeg uqemmum n weryaz
am waman yuǧɣen,
řɛunṣar n tiɣit d ict n tiɣzart ittazzřen.
5 War iǧi ca mliḥ ad tessɛizzed aɛeffan,
maḥend ad tessḥeyyded
amsegged di ccreɛ. ◘18:5 Lawi 19:15; Aɛwd. 1:17; 16:19; Awřn. 24:23
6 Iyencicen n ubuhaři neddhen t
ɣar umcebbec,
aqemmum nnes ittřaɣa-dd i weɛmud.
7 Aqemmum n ubuhaři d ahellek nnes,
iyencicen nnes d řfex i řeɛmar nnes. ◘18:7 Awřn. 10:14; 12:13; 13:3
8 Awařen n ixbarjiyyen am ḥalawit,
hekkwant deg ixxamen
n daxeř n uɛeddis. ◘18:8 Awřn. 26:22
9 Wenni iǧan d amarxu di řxedmet nnes,
aqa t d umas n bab n uředdeǧ.
10 Isem n SIDI d ijj n lburj imten,
amsegged ittazzeř ɣar dinni,
uca ittwassakkwaḍ ař din di řaman. ◘18:10 2 Ṣm. 22:51; Izhd. 18:3; 61:4; Awřn. 29:25
11 Agřa n bu-wagřa
d tandint nnes ijehden,
tanita am yijj n řḥiḍ yuɛřan qaɛ
di řbař nnes. ◘18:11 Awřn. 10:15
12 Qbeř ma i ɣa ittwarẓ,
ittgeɛɛad wuř n bnadem,
maca awaḍeɛ ittizwař as i ccan. ◘18:12 Awřn. 11:2; 15:33; 16:18
13 Wenni dd-ittarran awař
qbeř i ɣa iseř,
d man aya d tubbuheřya
d řefḍiḥet i netta.
14 Buḥbeř n weryaz
ittsenned i-t ɣar řehřac nnes,
maca buḥbeř ittwarẓen,
wi izemmaren ad t iksi?
15 Uř n ufehham yarezzu tussna,
amezzuɣ n umiɣis yarezzu tussna.
16 Tarzeft n bnadem tarezzem as tiwwura,
tneddeh i-t zzat i wudem n imeqqranen.
17 Wenni d amezwaru di ddeɛwet nnes
ittban d amsegged,
maca xenni ad dd-yas jjar nnes
uca ittnecceb di tmesřact. ◘18:17 Awřn. 25:8
18 Taqedduḥt ittejjan imenɣan ttbeddan,
tbeṭṭa jar inni ɣar teǧa ṣṣulṭa.
19 Ijj n uma nni umi di ggin řɛib,
ittwaṭṭef ktar x ict n tendint ijehden,
imenɣan ggin am zzekrun n řeqṣar.
20 Zi řɣiǧet n uqemmum n ijj n weryaz
ittyawan uɛeddis nnes,
ad ijjawen zi ṣṣabet n iyencicen nnes. ◘18:20 Awřn. 12:14; 13:2
21 Řmewt d tudart deg ufus n yiřes,
kuř ijjen wenni ten ittexsen,
ad yecc rɣiǧet nsen. ◘18:21 Awřn. 21:23; Yaɛ. 3:2
22 Wenni yufin tamɣart,
yufa min iṣebḥen,
u netta iṭṭef arḍa n SIDI. ◘18:22 Awřn. 19:14
23 S uḥeccem issawař umezřuḍ,
bu-wagřa ittarra-dd s řeqsaḥet.
24 Aryaz nni ɣar ǧan imeddukkař aṭṭas,
ad iwḍa di tamara,
maca ca n imuren
ameddukkeř ittexs i cek
ktar zi tawmat. ◘18:24 Awřn. 17:17
◘18:5 18:5 Lawi 19:15; Aɛwd. 1:17; 16:19; Awřn. 24:23
◘18:7 18:7 Awřn. 10:14; 12:13; 13:3
◘18:8 18:8 Awřn. 26:22
◘18:10 18:10 2 Ṣm. 22:51; Izhd. 18:3; 61:4; Awřn. 29:25
◘18:11 18:11 Awřn. 10:15
◘18:12 18:12 Awřn. 11:2; 15:33; 16:18
◘18:17 18:17 Awřn. 25:8
◘18:20 18:20 Awřn. 12:14; 13:2
◘18:21 18:21 Awřn. 21:23; Yaɛ. 3:2
◘18:22 18:22 Awřn. 19:14
◘18:24 18:24 Awřn. 17:17