5
Tarwa n Adam
1 Ass min di igga AREBBI Adam, igga i-t di ṣṣifet n AREBBI. ◘5:1 [1 Imz. 1:1-27] — Amz. 1:26; 9:6; 1 Kur. 11:7. 2 Awtem d tewtemt ixřeq i-ten-dd. Ibark i-ten uca iřaɣa asen s yisem ‘Adam’, bnadem, deg wass i di ten dd-ixřeq. ◼5:2 deg wass i di ten ixřeq - s Tɛibranit ‘deg wass i di dd-ttwaxeřqen’. ◘5:2 Amz. 1:26; Mt. 19:4; Mk. 10:6.
3 Awarni řami iddar Adam mya u-třatin n iseggʷusa, ijja-dd aḥenjir deg warwas nnes u di ṣṣifet nnes uca iřaɣa as Cit. 4 Awarni řami dd-ijja Cit, iddar Adam ɛad temn-mya n iseggʷusa, ijja-dd iḥenjiren d tḥenjirin. ◘5:4 1 Im. 1:1. 5 Ammu i iddar Adam tesɛa-mya u-třatin n iseggʷusa uca immut.
6 Awarni řami iddar Cit mya u-xemsa n iseggʷusa, ijja-dd Anuc. ◘5:6 Amz. 4:26. 7 Awarni řami dd-ijja Anuc, iddar Cit ɛad temn-mya u-sebɛa n iseggʷusa, ijja-dd iḥenjiren d tḥenjirin. 8 Ammu i iddar Cit tesɛa-mya u-tenɛac n iseggʷusa uca immut.
9 Awarni řami iddar Anuc tesɛin n iseggʷusa, ijja-dd Qinan. ◼5:9 Qinan - isem wanita ixs ad yini ‘agřa’ niɣ ‘lmulk’ niɣ ‘řɛucc’ niɣ ‘tazeddiɣt’. ◘5:9 1 Im. 1:2. 10 Awarni řami dd-ijja Qinan, iddar Anuc ɛad temn-mya u-xemmesṭac n iseggʷusa, ijja-dd iḥenjiren d tḥenjirin. 11 Ammu i iddar Anuc tesɛa-mya u-xemsa n iseggʷusa uca immut.
12 Awarni řami iddar Qinan sebɛin n iseggʷusa, ijja-dd Mahalal-Il. ◼5:12 Mahalal-Il - isem wanita ixs ad yini ‘asemɣar zi Arebbi’. 13 Awarni řami dd-ijja Mahalal-Il, iddar Qinan ɛad temn-mya u-rebɛin n iseggʷusa, ijja-dd iḥenjiren d tḥenjirin. 14 Ammu i iddar Qinan tesɛa-mya u-ɛecra n iseggʷusa uca immut.
15 Awarni řami iddar Mahalal-Il xemsa u-settin n iseggʷusa, ijja-dd Yarad. ◼5:15 Yarad - isem wanita ixs ad yinni ‘ijjen wenni i dd-iqarrsen zi’. 16 Awarni řami dd-ijja Yarad, iddar Mahalal-Il ɛad temn-mya u-třatin n iseggʷusa, ijja-dd iḥenjiren d tḥenjirin. 17 Ammu i iddar Mahalal-Il temn-mya u-xemsa u-tesɛin n iseggʷusa uca immut.
18 Awarni řami iddar Yarad mya u-tnayen u-settin n iseggʷusa, ijja-dd Ḥanux. ◼5:18 Ḥanux - xzar Amz. 4:17. ◘5:18 1 Im. 1:3. 19 Awarni řami dd-ijja Ḥanux, iddar Yarad ɛad temn-mya n iseggʷusa, ijja-dd iḥenjiren d tḥenjirin. 20 Ammu i iddar Yarad tesɛa-mya u-tnayen u-settin n iseggʷusa uca immut.
21 Awarni řami iddar Ḥanux xemsa u-settin n iseggʷusa, ijja-dd Matucalaḥ. ◼5:21 Matucalaḥ - isem-a wanita ixs ad yini ‘aryaz s fřitca’ niɣ ‘wenni dd-ittwassekken’ niɣ ‘aryaz wenni ɣar iǧa ict n ureqqas niɣ ict n tabrat’. ◘5:21 Yah. 14. 22 Awarni řami dd-ijja Matucalaḥ, yuyur Ḥanux ak-d AREBBI teřt-mya n iseggʷusa, ijja-dd iḥenjiren d tḥenjirin. ◘5:22 Ɛbr. 11:5. 23 Ammu i iddar Ḥanux teřt-mya u-xemsa u-settin n iseggʷusa. 24 Yuyur Ḥanux ak-d AREBBI uca war ittwif ɛad minzi AREBBI iksi i-t. ◘5:24 Ɛbr. 11:5.
25 Awarni řami iddar Matucalaḥ mya u-sebɛa u-tmanyin n iseggʷusa, ijja-dd Lamak. ◼5:25 Lamak - ad taɣ ixs ad yini isem-a ‘wenni ijehden’ niɣ ‘amwaḍeɛ’. 26 Awarni řami dd-ijja Lamak, iddar Matucalaḥ ɛad sebɛa-mya u-tnayen u-tmanyin n iseggʷusa, ijja-dd iḥenjiren d tḥenjirin. 27 Ammu i iddar Matucalaḥ tesɛa-mya u-tesɛa u-settin n iseggʷusa uca immut.
28 Awarni řami iddar Lamak mya u-tnayen u-tmanyin n iseggʷusa, ijja-dd ijj n uḥenjir. 29 Iřaɣa isem nnes Nuḥ, inna: “Wa ad aneɣ issfewwej x řxedmet nneɣ d tamara n ifassen nneɣ, minzi SIDI aqa inɛeř tammurt!” ◼5:29 Nuḥ - isem-a wanita ixs ad yini ‘afewwej’. 30 Awarni řami dd-ijja Nuḥ, iddar Lamak ɛad xemsa-mya u-xemsa u-tesɛin n iseggʷusa, ijja-dd iḥenjiren d tḥenjirin. 31 Ammu i iddar Lamak sebɛa-mya u-sebɛa u-sebɛin n iseggʷusa uca immut.
32 Awarni řami iddar Nuḥ xemsa-mya n iseggʷusa, Nuḥ ijja-dd Cam d Ḥam d Yafat.
◘5:1 5:1 [1 Imz. 1:1-27] — Amz. 1:26; 9:6; 1 Kur. 11:7.
◼5:2 5:2 deg wass i di ten ixřeq - s Tɛibranit ‘deg wass i di dd-ttwaxeřqen’.
◘5:2 5:2 Amz. 1:26; Mt. 19:4; Mk. 10:6.
◼5:9 5:9 Qinan - isem wanita ixs ad yini ‘agřa’ niɣ ‘lmulk’ niɣ ‘řɛucc’ niɣ ‘tazeddiɣt’.
◼5:12 5:12 Mahalal-Il - isem wanita ixs ad yini ‘asemɣar zi Arebbi’.
◼5:15 5:15 Yarad - isem wanita ixs ad yinni ‘ijjen wenni i dd-iqarrsen zi’.
◼5:18 5:18 Ḥanux - xzar Amz. 4:17.
◼5:21 5:21 Matucalaḥ - isem-a wanita ixs ad yini ‘aryaz s fřitca’ niɣ ‘wenni dd-ittwassekken’ niɣ ‘aryaz wenni ɣar iǧa ict n ureqqas niɣ ict n tabrat’.
◼5:25 5:25 Lamak - ad taɣ ixs ad yini isem-a ‘wenni ijehden’ niɣ ‘amwaḍeɛ’.
◼5:29 5:29 Nuḥ - isem-a wanita ixs ad yini ‘afewwej’.