1 Ḍfarem ayi-dd am mammec ḍfareɣ Lmasiḥ. ◘11:1 1 Kur. 4:16; Fil. 3:17; 1 Ts. 1:6; 2 Ts. 3:9. 2 Ssemɣareɣ kenniw, a aytma inu, minzi tᵉttfekkarem dayi di marra uca tᵉtteṭṭfem di tewṣeyyat, am mammec d awem tent wciɣ.

3 Maca xseɣ ad tessnem belli Lmasiḥ d Azeǧif n kuř aryaz uca aryaz d azeǧif n temɣart, uca AREBBI d Azeǧif n Lmasiḥ. ◘11:3 Yḥ. 14:28; 1 Kur. 3:23; 15:27; Afa. 5:23. 4 Kuř aryaz wenni ittẓaǧan niɣ ittnabben am iřeḥḥef x uzeǧif nnes, ifeṭṭeḥ azeǧif nnes. 5 Maca kuř tamɣart tenni ittẓaǧan niɣ ittnabben am tessɛarra uzeǧif nnes, tfeṭṭeḥ azeǧif nnes, minzi nettat am tenni iḥeffen azeǧif nnes. 6 Minzi mařa tamɣart war třeḥḥif, ejj i-tt ad tḥeff ɛawed. Maca mařa d řefḍiḥet i temɣart mařa tqess acuwwaf niɣ tḥeff, ḥsen mařa třeḥḥef. ◘11:6 Řxř. 5:18; Aɛwd. 22:5. 7 Minzi aryaz war itteḥwiji ca ad iřeḥḥef azeǧif nnes, minzi netta d ṣṣifet d aɛuǧi n AREBBI, maca tamɣart teǧa d aɛuǧi n weryaz. ◘11:7 Amz. 1:26, 27; 5:1; 9:6; Kul. 3:10. 8 Minzi aryaz war iǧi ca zi temɣart, maca tamɣart zeg weryaz. ◘11:8 Amz. 2:18, 21. 9 Aryaz ɛawed war dd-ixřiq ca i temɣart, maca tamɣart i weryaz. 10 S uyenni ittxeṣṣa as i temɣart ad ɣares tiři ṣṣulṭa x uzeǧif nnes x ssibbet n lmalakat. 11 Maca di Siditneɣ aryaz war iǧi břa tamɣart, uřa d tamɣart war teǧi břa aryaz. 12 Minzi am mammec tamɣart tusa-dd zeg weryaz, amenni ɛawed iǧa weryaz s temɣart, maca marra min iǧan aqa-t zi AREBBI. 13 Ḥekmem kenniw simant nwem: Ma tusa-dd x temɣart ad teẓẓaǧ i AREBBI am tessɛarra i uzeǧif nnes? 14 Ma tubbart simant nnes war d awem tesscan belli acuwwaf d azirar d řefḍiḥet i weryaz? 15 Maca i temɣart d aɛuǧi mařa ɣares yiři ucuwwaf d azirar, minzi immewc as ucuwwaf am uřeḥḥaf. 16 Maca mařa ixs ḥed ad ixarweḍ man aya, neccin war ɣarneɣ bu tnamit nni uřa d timesmunin n AREBBI. ◘11:16 1 Tim. 6:4.

17 Weṣṣiɣ kenniw x tmesřayin-a řexxu, aqa war d awem tteggeɣ ccan, minzi war tuyurem ɣar zzat, maca tuyurem ɣar ḍeffar. 18 Ɣar umezwar, mařa tmunem am tmesmunt, sřiɣ aqa din jar awem amsebḍi, u man aya zemmareɣ ad t amneɣ i ijj n wezyen, 19 s minzi ittxeṣṣa ad din iřin jar awem imcubbcen, ḥima ad iban man wen zzaywem i iǧan d amqeǧeb. ◘11:19 Mt. 18:7; Lk. 17:1; Řex. 20:30; 1 Yḥ. 2:19.

20 Xmi ttmunam, war tᵉttettem d tsessem am mammec icuwwar deg wass n Siditneɣ, ◼11:20 ass n Siditneɣ - man aya ixs ad yini ass n umensi n SIDI.  ◘11:20 Lk. 22:14-20. 21 maca kuř ijjen ittett amensi nnes i yixef nnes, uca xenni ijjen nneɣni dayes řaẓ uca nneɣni iscara. 22 Ma war ɣarwem tudrin mani ɣa teccem u mani ɣa teswem? Niɣ tesseḥqaram tamesmunt n AREBBI uca tessḥeccamem inni war ɣar iǧi ca? Min d awem i ɣa iniɣ? Ma ad awem ggeɣ ccan? Lla, war d awem tteggeɣ ccan!

23 Minzi min ṭṭfeɣ zi Siditneɣ, ssiwḍeɣ awem t-i-dd, aqa Siditneɣ Yasuɛ di ǧiřet i di ittwaɣdar, iksi aɣrum, ◘11:23 Mt. 26:26; Mk. 14:22; Lk. 22:19. 24 ibarek, yarẓa i-t, inna: “Ksim, ta d Arrimet inu i xawem ittwarẓen, ggem aya ammu i řidaret xafi!” ◘11:24 Lk. 22:19 25 Uca ammu awarni amensi iwca řkas, inna:

“Řkas-a d Řɛahd n Jdid

deg Idammen inu.

Ggem aya,

mecḥař ma zzayes teswim,

i řiḍaret xafi.” ◘11:25 Irm. 31:31; Mt. 26:28, Mk. 14:24, Lk. 22:20, 1 Kur. 11:25, 2 Kur. 3:6, Ɛbr. 8:6, 8, 13; 9:15; 12:24

26 S minzi mecḥař ma i ɣa teccem aɣrum-a u ad teswem zi řkas-a, aqa tᵉttidarem řmewt n Siditneɣ ař dd ɣa yas. ◘11:26 Yḥ. 14:3; Řex. 1:11.

27 S uyenni man wen i ɣa iccen aɣrum n SIDI uca ad isu zi řkas nnes, am war ittiři s usdaheǧi i man aya, ad yiři s umarwas i Idammen n SIDI u i Arrimet nnes. ◘11:27 Řxř. 9:10, 13; Yḥ. 6:51, 63, 64; 13:27; 1 Kur. 10:21. 28 S uyenni ejj kuř ijj ad iqeǧeb ixef nnes, uca ejj i-t ad icc xenni zeg weɣrum u ad isu zi řkas. ◘11:28 2 Kur. 13:5. 29 Minzi wi ɣa iccen d wi ɣa iswen am war isdiheǧ, aqa netta ad issiweḍ řḥukm ɣar ixef nnes am ittett u am isess, minzi netta war ifarrez ca Arrimet n SIDI. 30 S uyenni aqa din aṭṭas n yinni iḍeɛfen d yinni iheřcen jar awem uca aṭṭas dewřen ttᵉṭṭṣen iḍeṣ n řmewt.

31 Maca mařa neḥkem x ixef nneɣ, xenni war nettwaḥakem. ◘11:31 Izhd. 32:5; Awřn. 18:17. 32 Maca mařa nettwaḥkem zi Siditneɣ, aqa nettwarebba, ḥima war nettwaḥakem ca ak-d ddunect. 33 Zi řexxu, a aytma, xmi ɣa tmunem ḥima ad teccem, rajam ijjen wenneɣni. 34 Mařa ḥed dayes řaẓ, ejj i-t ad icc di taddart nnes, ḥima war tᵉttmunem i ccreɛ. Min iqqimen, ad t ɛedřeɣ xmi dd ɣa yaseɣ.