4
Ddarem i arḍa n Arebbi
1 S uyenni, a aytma, aqa nettzaweg kenniw u nettẓaǧa i kenniw di Siditneɣ Yasuɛ, ḥima, am zzayneɣ třemdem mammec ittxeṣṣa ad tuyurem u ad tarḍam i AREBBI, ad teymam di man aya ktar, ◘4:1 Fil. 1:27; 1 Ts. 2:12. 2 minzi kenniw tessnem tiweṣṣa nni d awem newca s Siditneɣ Yasuɛ. 3 Aqa d man aya min ixs AREBBI, aqa ad teymam di tqeddast, ad tḥeyydem x marra farq-ccɣeř, ◘4:3 Rum. 12:2; Afa. 5:27; Fil. 4:8. 4 u maḥend kuř ijjen zzaywem ad issen mammec ittxeṣṣa ad yawi tamɣart nnes s tqeddast d ccan, 5 war iǧi di ccehwat n nnecwet, am řegnus nni war issinen ca AREBBI. ◘4:5 1 Kur. 15:34; Afa. 4:18. 6 Ejj uřa d ijj zzaywem ad izɛem ad issehřec umas niɣ ad t iɣecc di tmesřact-a, minzi Siditneɣ ad ineqqem di man aya marra, am mammec nizzar nenna u neched awem. 7 Minzi AREBBI war xaneɣ dd-iřaɣa i řexmej, maca i tqeddast. ◘4:7 Yḥ. 17:19; 1 Kur. 1:2. 8 S uyenni wenni i ɣa issdeǧen, war issdeǧi ca bnadem, maca AREBBI, wenni iwcin Arruḥ nnes Iqeddsen daywem. ◘4:8 Lk. 10:16; 1 Kur. 7:40.
9 Nhřa ma nura awem-dd x tayri tenni jar wawmaten, aqa kenniw s yixef nwem ttwassřemdem zi AREBBI ḥima ad texsem ayawya. ◘4:9 Lawi 19:18; Mt. 22:39; Yḥ. 13:34; 15:12; Afa. 5:2; 1 Bṭ. 4:8; 1 Yḥ. 3:23; 4:21. 10 Maɣar ammu i tᵉtteggem ak-d marra awmaten di Makiduniya tmun. Maca ttareɣ zzaywem, a aytma, ḥima ad tfeyyḍem di man aya. 11 Arzum ad teddarem di řhudnet, ad tewcem taynit i min iǧan nwem, ad txedmem s ifassen nwem, am mammec kenniw numur, ◘4:11 Řex. 20:34; Afa. 4:28; 2 Ts. 3:7, 12. 12 ḥima ad tuyurem s uweqqar ak-d yenni iǧan di barra, uca war tehdajem uřa d ict n řḥajjet zi ca n ijjen.
Aɛqab n Yasuɛ Lmasiḥ ɣar ddunect-a
13 A aytma, aqa xseɣ ad tessnem belli war ittxeṣṣi ad teksim s wemnus x yenni idewřen ṭṭṣen, am t tteggen iwdan inneɣni inni umi iqḍeɛ řayas. ◘4:13 Lawi 19:28; Aɛwd. 14:1; 2 Ṣm. 12:20. 14 Minzi mařa numen belli Yasuɛ tuɣa immut uca ikkar-dd, xenni ad kides yiwi AREBBI ɛawed inni idewřen ṭṭṣen ammu deg wenḍeř di Yasuɛ.
15 Maca ad awem nini aya s Wawař n Siditneɣ, aqa neccin, inni i ɣa iqqimen ař dd ɣa yas Siditneɣ, inni ɛad iddaren, war nᵉttizzar i yinni idewřen ad ṭṭṣen deg wenḍeř. ◘4:15 1 Kur. 15:22, 51. 16 Minzi Siditneɣ s Ixef nnes ad dd-ihwa zeg ujenna, xmi dd ɣa iffeɣ řumur d tmijja n uzeǧif n lmalakat, u xmi i ɣa tiři tmijja n usuḍi s uyicc n AREBBI, uca imettan inni iǧan di Lmasiḥ ad dd-kkaren d imezwura. ◘4:16 Mt. 24:31; 1 Kur. 15:52; 2 Kur. 4:14; 2 Ts. 1:7. 17 Xas uca neccin, inni iqqimen u ɛad ddaren, ad kidsen nettwakkes deg iseynuten ɣar umeřqi ak-d Siditneɣ deg ujenna uca ammu i ɣa niři řebda ak-d Siditneɣ. ◘4:17 2 Kur. 4:14 18 S uya ggem uř deg wayawya s wawařen-a.
◘4:1 4:1 Fil. 1:27; 1 Ts. 2:12.
◘4:3 4:3 Rum. 12:2; Afa. 5:27; Fil. 4:8.
◘4:5 4:5 1 Kur. 15:34; Afa. 4:18.
◘4:7 4:7 Yḥ. 17:19; 1 Kur. 1:2.
◘4:8 4:8 Lk. 10:16; 1 Kur. 7:40.
◘4:9 4:9 Lawi 19:18; Mt. 22:39; Yḥ. 13:34; 15:12; Afa. 5:2; 1 Bṭ. 4:8; 1 Yḥ. 3:23; 4:21.
◘4:11 4:11 Řex. 20:34; Afa. 4:28; 2 Ts. 3:7, 12.
◘4:13 4:13 Lawi 19:28; Aɛwd. 14:1; 2 Ṣm. 12:20.
◘4:15 4:15 1 Kur. 15:22, 51.
◘4:16 4:16 Mt. 24:31; 1 Kur. 15:52; 2 Kur. 4:14; 2 Ts. 1:7.
◘4:17 4:17 2 Kur. 4:14