1 Deg useggʷas wiss xemmesṭac zi řeḥkamet n qayṣar Tibaryus, řami tuɣa Punṭiyus Pilaṭus d řḥakem x Yahudiyya, u Hirudus d řḥakem x Ljalil, ijj n arbeɛ n temmurt, u Filippus, umas, d řḥakem x Ituriya d jjihet n Traxunitis, ijj n arbeɛ nneɣni n temmurt, u Lisanyus d řḥakem x jjihet n Abilini, tenni ɛawed d ijj n arbeɛ nneɣni n temmurt, ◘3:1 [Mt. 3:1-12; Mk. 1:1-8; Yḥ. 1:19-28]   *

2 umi tuɣa Ḥannan d Qayafa d arruyas n ikehhanen, aqa yusa-dd wawař n AREBBI x Yuḥanna, mmis n Zakariyya, di řexřa. ◘3:2 Řex. 4:6. 3 Yiweḍ-dd ɣar marra jjwayeh i d as dd-innḍen i L’Urdun, ittbarreḥ s useɣḍeṣ n ttubet i weɣfar n ddnub, ◘3:3 Mt. 3:1; Mk. 1:4. 4 am mammec tura deg wedlis n wawařen n unabi Icaɛya i innan:

“Tmijja n wenni isɣuyyun di řexřa:

Swejdem abrid n SIDI,

seggmem amesraq i AREBBI nneɣ di řewḍa. ◘3:4 Ica. 40:3-5; Mt. 3:3; Mk. 1:3; Yḥ. 1:23.

5 Marra tiddaɣin ad ttwaccurent,

marra idurar d tewririn

ad dd-ttwassehwan,

ddmani ad ttwaseggment,

u imucan iwɛaren ad dewřen d řewḍa.

6 Kuř ddat s idammen d weysum

ad tẓar Tudart n AREBBI.” ◘3:6 Izhd. 98:2; Ica. 40:3-5; 52:10.

7 Tuɣa iqqar i řɣaci i dd-itteffɣen ḥima ad ttwassɣeḍṣen: “A tarwa n iřefsawen, wi d awem imřen maḥend ad tarzum ad tarewřem zeg weɣḍab i dd ɣa yasen? ◘3:7 Mt. 3:7; 23:33. 8 S uya ggem řɣiǧet i ɣa iřiqqen i ttubet. War ttbeddam ad tinim deg ixef nwem: ‘Aqa ɣarneɣ Ibrahim d jedditneɣ!’, minzi Necc ad awem iniɣ, belli AREBBI izemmar ad issnekkar zeg iẓra-ya tarwa i Ibrahim. ◘3:8 Mt. 3:9; Yḥ. 8:39; Řex. 13:26. 9 Xzar, aqa tᵉttwassars tcaqurt ɣar iẓewran n tcejjura. S uya kuř tacejjart i war itticen řɣiǧet tecna ad tᵉttwaqess uca ad tewḍa di tmessi.” ◼3:9 tacejjart - niɣ ‘addag’ (‘iddagen’).  ◘3:9 Mt. 3:10; 7:19.

10 Isseqsa t řɣaci, inna: “Min ɣa negg?” ◘3:10 Řex. 2:37. 11 Yarra-dd, inna asen: “Ejj wenni ɣar iǧa tyuya n tcamirat, ad iwc i wenni war ɣar iǧi ca, u ejj wenni ɣar iǧa macca, ad igg amenni.” ◘3:11 Yaɛ. 2:13, 15; 1 Yḥ. 3:17. 12 Usin-dd ɛawed ayt n ḍḍariba, ḥima ad ttwassɣeḍṣen, nnan as: “A Amseɣɣar, min ɣa negg?” 13 Inna asen: “War ttᵉṭṭfem ḍḍariba ktar zi min d awem weṣṣan maḥend ad tt tᵉṭṭfem.” 14 Sseqsan t ɛawed iɛeskariyyen, nnan as: “Min ɣa negg neccin?” Inna asen: “War tteggem řɣar uřa deg ijj, war deǧmem ḥed, qennɛem s řmunet nwem.”

15 Am ibda řgens ad ittceř x Yuḥanna, u xarrṣen deg wuřawen nsen ma Yuḥanna netta d Lmasiḥ, 16 xenni iṭṭef Yuḥanna deg wawař, inna asen: “Necc sseɣḍaṣeɣ kenniw deg waman, maca awarni ayi ad dd-yas wi ijehden xafi, wenni umi necc war sdihiǧeɣ uřa ad as fesyeɣ ifiřan n sandaliyat nnes. Aqa Netta ad kenniw isseɣḍeṣ di Arruḥ Iqeddsen u di tmessi. ◘3:16 Ica. 44:3; Yuw. 3:1; Mt. 3:11; Mk. 1:8; Yḥ. 1:26; Řex. 1:5; 11:16; 2:4; 11:15; 19:4. 17 Netta ɣares tazzart deg ufus nnes uca ad issizdeg andrar nnes. Ad issmun irden ɣar řmarsi nnes, maca icarfa ad ten issecmeḍ s tmessi war ixsin ɛemmarṣ.” ◘3:17 Mt. 3:12.

18 S tmesřayin nneɣni ɛad aṭṭas tuɣa isseřmad iwdan uca ittbarreḥ s Řexbar Aṣebḥan i řgens. 19 Maca umi iɛayar Yuḥanna Hirudus, řḥakem x ijj n arbeɛ n temmurt, zi ssibbet n Hirudiyya tamɣart n Filippus umas, u zi ssibbet n marra tuɛeffna i igga, ◘3:19 Mt. 14:3; Mk. 6:18. 20 aqa yarni Hirudus ɛawed di man aya marra, řami tuɣa iḥebbes Yuḥanna Amseɣḍaṣ.

21 Awarni řami isseɣḍeṣ Yuḥanna marra řgens, isseɣḍeṣ ɛawed Yasuɛ, uca am tuɣa Wanita ittẓaǧa, innurzem ujenna, ◘3:21 [Mt. 3:13-17; Mk. 1:9-11] — Mt. 3:13; Mk. 1:9; Yḥ. 1:32. 22 uca ihwa-dd xas Arruḥ Iqeddsen s ṣṣifet n ddat n tedbirt. Uca ict n tmijja zeg ujenna tuɣa teqqar: “Cek d Mmi iɛizzen, dayek ufiɣ arḍa inu.” ◘3:22 Ica. 42:1; Mt. 17:5; Mk. 9:7; Lk. 9:35; Kul. 1:13; 2 Bṭ. 1:17.

23 Tuɣa Yasuɛ ɣares ɛřaḥař třatin n iseggʷusa u ittɣiř asen aqa Netta d mmis n Yusuf, mmis n Hayli, ◘3:23 [Mt. 1:1-17] — Mt. 13:55; Yḥ. 6:42. 24 mmis n Mattat, mmis n Lawi, mmis n Malki, mmis n Yanna, mmis n Yusuf, 25 mmis n Mattata, mmis n Ɛamus, mmis n Naḥum, mmis n Ḥasli, mmis n Najjay, 26 mmis n Maɛat, mmis n Mattat, mmis n Cimɛi, mmis n Yusuf, mmis n Yahuda, 27 mmis n Yuḥanna, mmis n Risa, mmis n Zarubbabil, mmis n Caɛaltiyil, mmis n Niri, 28 mmis n Malki, mmis n Addi, mmis n Quṣam, mmis n Almudam, mmis n Ɛir, 29 mmis n Yusi, mmis n Aliɛazar, mmis n Yuram, mmis n Matita, mmis n Lawi, 30 mmis n Cimɛun, mmis n Yahuda, mmis n Yusuf, mmis n Yunam, mmis n Alyaqim, 31 mmis n Maliya, mmis n Miynan, mmis n Mattata, mmis n Natan, mmis n Dawud, 32 mmis n Yassa, mmis n Ɛubid, mmis n Buɛaz, mmis n Salmun, mmis n Naḥcun, 33 mmis n Ɛamminadab, mmis n Aram, mmis n Ḥaṣrun, mmis n Fariṣ, mmis n Yahuda, 34 mmis n Yaɛqub, mmis n Isḥaq, mmis n Ibrahim, mmis n Taraḥ, mmis n Naḥur, ◘3:34 Amz. 11:10. 35 mmis n Saruj, mmis n Raɛuw, mmis n Falaj, mmis n Ɛabir, mmis n Calaḥ, 36 mmis n Qinan, mmis n Arfakcad, mmis n Cam, mmis n Nuḥ, mmis n Lamak, 37 mmis n Matucalaḥ, mmis n Ḥanux, mmis n Yarad, mmis n Mahalal-Il, mmis n Qinan, 38 mmis n Anuc, mmis n Cit, mmis n Adam, mmis n AREBBI. ◘3:38 Amz. 5:3.