Matta
1
Adlis n umezruy n wexřaq n Yasuɛ Lmasiḥ
1 Adlis n umezruy n wexřaq n Yasuɛ Lmasiḥ, Mmis n Dawud, mmis n Ibrahim. ◘1:1 [Lk. 3:23-38] — Lk. 1:31, 32
2 Ibrahim ijja-dd Isḥaq, Isḥaq ijja-dd Yaɛqub, Yaɛqub ijja-dd Yahuda d aytmas. ◘1:2 Amz. 21:2; 25:26, 35. 3 Yahuda ijja-dd Fariṣ d Zaraḥ ak-d Tamar, Fariṣ ijja-dd Ḥaṣrun, Ḥaṣrun ijja-dd Aram, ◘1:3 Amz. 38:27, 29; Raɛ. 4:18, 19; 1 Im. 2:5, 9. 4 Aram ijja-dd Ɛamminadab, Ɛamminadab ijja-dd Naḥcun, Naḥcun ijja-dd Salmun, 5 Salmun ijja-dd Buɛaz zi Raḥab, Buɛaz ijja-dd Ɛubid ak-d Raɛut, Ɛubid ijja-dd Yassa, 6 Yassa ijja-dd Dawud, ajeǧid, uca Dawud ijja-dd Suliman ak-d temɣart n Uriya. ◘1:6 Raɛ. 4:22; 1 Ṣm. 16:1; 17:12; 1 Im. 2:15; 12:18.
7 Suliman ijja-dd Raḥabɛam, Raḥabɛam ijja-dd Abiya, Abiya ijja-dd Asa, ◘1:7 1 Ij. 11:43; 1 Im. 3:10. 8 Asa ijja-dd Yahucafaṭ, Yahucafaṭ ijja-dd Yuram, Yuram ijja-dd Ɛuzziya, 9 Ɛuzziya ijja-dd Yutam, Yutam ijja-dd Aḥaz, Aḥaz ijja-dd Ḥizqiya, 10 Ḥizqiya ijja-dd Manassa, Manassa ijja-dd Amun, Amun ijja-dd Yuciya, 11 Yuciya ijja-dd Yakunya d aytmas deg wussan n lmenfa n Babil. ◘1:11 1 Im. 3:16.
12 Awarni i lmenfa di Babil, Yakunya ijja-dd Caɛaltiyil, Caɛaltiyil ijja-dd Zarubbabil. ◘1:12 1 Im. 3:17; Ɛiz. 3:2. 13 Zarubbabil ijja-dd Abihud, Abihud ijja-dd Alyaqim, Alyaqim ijja-dd Ɛazur, 14 Ɛazur ijja-dd Ṣaduq, Ṣaduq ijja-dd Axim, Axim ijja-dd Aliyud, 15 Aliyud ijja-dd Aliɛazar, Aliɛazar ijja-dd Mattan, Mattan ijja-dd Yaɛqub, 16 Yaɛqub ijja-dd Yusuf, aryaz n Maryam, tenni i dd-ijjin Yasuɛ umi qqaren Lmasiḥ.
17 S uyenni marra arrawen zi Ibrahim ař Dawud iwḍen arbeɛṭac n warrawen. Zi Dawud ař lmenfa di Babil arbeɛtac n warrawen uca zi lmenfa di Babil ař Lmasiḥ arbeɛtac n warrawen.
Axřaq n Yasuɛ Lmasiḥ
18 Ammu i yemsar wexřaq n Yasuɛ Lmasiḥ. Umi yemmas Maryam tuɣa-tt d tanexḍebt n Yusuf, iḍhar-dd belli nettat teksi aɛeddis zi Arruḥ Iqeddsen qbeř i ɣa meřcen. ◘1:18 [Lk. 2:1-7] — 1:27, 34 19 Umi aryaz nnes Yusuf tuɣa iggur nican, war ixs ca ad tt issbehdeř, tuɣa yarezzu ad as iǧef s tnuffra. 20 Am tuɣa ittxarraṣ di man aya, iḍhar as-dd lmalak n SIDI di tarjit, inna:
“A Yusuf, a mmis n Dawud,
war tteggʷed ad dd-tawyed
Maryam d tamɣart nnec,
minzi wenni i dayes dd-ixeřqen,
aqa Netta zi Arruḥ Iqeddsen.”
21 Nettat ad dd-taruw Aḥenjir,
nettat ad t tsemma Yasuɛ,
minzi Netta ad issenjem řgens nnes
zi ddnub nsen.” ◘1:21 Lk. 1:31; Řex. 4:12.
22 Marra aya imsar, ḥima ad ittwakemmeř min inna SIDI s uqemmum n unabi, umi inna:
23 “Xẓar, taɛzarect ad teksi ddeyset,
uca ad dd-taruw Aḥenjir,
ad as ggen ‘Ɛimmanu-Il’
min ixs ad yini:
‘AREBBI nneɣ aqa-t akidneɣ.’ ” ◘1:23 Ica. 7:14; 8:8, 10
24 Řami dd-ifaq Yusuf zeg iḍeṣ, igga am mammec tt yumur lmalak n SIDI, uca yiwyi-dd tamɣart nnes ɣares. 25 Uca netta war ɣares dd-iqarreb ca ařami dd-turuw Mmis amenzu, uca tsemma t ‘Yeccu’. ◘1:25 Lk. 2:21.
◘1:1 1:1 [Lk. 3:23-38] — Lk. 1:31, 32
◘1:2 1:2 Amz. 21:2; 25:26, 35.
◘1:3 1:3 Amz. 38:27, 29; Raɛ. 4:18, 19; 1 Im. 2:5, 9.
◘1:6 1:6 Raɛ. 4:22; 1 Ṣm. 16:1; 17:12; 1 Im. 2:15; 12:18.
◘1:7 1:7 1 Ij. 11:43; 1 Im. 3:10.
◘1:11 1:11 1 Im. 3:16.
◘1:12 1:12 1 Im. 3:17; Ɛiz. 3:2.
◘1:18 1:18 [Lk. 2:1-7] — 1:27, 34
◘1:21 1:21 Lk. 1:31; Řex. 4:12.