1 “War ḥekkmem, ḥima war tᵉttwaḥakamem,◘7:1 [Lk. 6:37-38; 41-42] — Rum. 2:1; 1 Kur. 4:3, 5. 2 minzi ɛlaḥsab řḥukm i zi ɣa tḥekmem, ad tᵉttwaḥakmem, u ɛlaḥsab řeɛbar i zi ɣa teɛbarem, ad tᵉttwaɛbarem ɛawed. ◘7:2 Mk. 4:24; Lk. 6:38. 3 Mayemmi txezzared ɣar uxecciw di tiṭṭ n umac, maca war tḥekkared ca i teḥnact tenni di tiṭṭ nnec? ◘7:3 Lk. 6:41, 42. 4 Xenni mammec ɣa tegged ad tinid i umac: ‘Ejj ayi ad ac dd-ssuffɣeɣ axecciw zi tiṭṭ nnec’, uca xzar, aqa cek ɣarek taḥnact di tiṭṭ nnec? 5 Cek, a amnafeq, suffeɣ-dd amezwaru taḥnact zi tiṭṭ nnec, xenni tzemmared ad texzared mliḥ ḥima ad tessuffɣed axecciw zi tiṭṭ n umac. ◘7:5 Awřn. 18:17.

6 War tticem min iqeddsen i yiṭan, war neṭṭarem ca tiyaqutin nwem i iřfan, ḥima war xasent ɛeffsen s iḍaren nsen uca ad ɣarwem dd-nqeřben, ad kenniw mezzqen.” ◘7:6 Awřn. 9:8; 23:9.

7 “Ttarem, ad awem immewc, arzum, ad tafem, sqarqbem, ad awem ittwarzem. ◘7:7 [Lk. 11:9-13] — Mt. 21:22; Mk. 11:24; Yḥ. 14:13; 16:24; Yaɛ. 1:5, 6; 1 Yḥ. 3:22; 5:14. 8 Maɣar marra wenni i ɣa ittaren, ad iṭṭef u wenni i ɣa yarzun ad yaf, u wenni i ɣa issqarqben ad as ittwarzem. ◘7:8 Awřn. 8:17; Irm. 29:12. 9 Niɣ man bnadem jar awem, mařa mmis ittar as aɣrum, ad as iwc aẓru? 10 Niɣ mařa ittar as tasřemt, ad as iwc afiɣar? 11 Mařa kenniw, waxxa kenniw d iɛeffanen, aqa tessnem mammec ɣa tewcem min iṣebḥen i tarwa nwem, mecḥař ɛad Babatwem i iǧan deg ijenwan ad yewc min iṣebḥen i yinni d as i ɣa ittaren! ◘7:11 Amz. 6:5; 8:21. 12 Qaɛ am mammec texsem ad awem ggen iwdan, ggem amya kenniw i nitni, minzi man aya d Ccariɛa d Inabiyyen.” ◘7:12 Lk. 6:31.

13 “Adfem zi tewwart iḥṣaren, minzi tawwart temɣar uřa d abrid i ittawyen ɣar uhellek d miriw, uca aṭṭas i zzayes ittadfen. ◘7:13 [Lk. 13:24] 14 Mammec teḥṣar tewwart u mammec imẓi webrid i ittawyen ɣar tudart! Mɣir drus n yinni t ittafen.” ◘7:14 Řex. 14:22.

15 “Ḥḍam ixef nwem zeg inabiyyen issxarriqen i dd-ittasen ɣarwem s thiḍurt n izmaren, maca deg iɛeddisen nsen aqa nitni d uccanen itteṭṭfen. ◘7:15 [Lk. 6:43-44; 13:25-27] — Aɛwd. 13:4; Irm. 23:16; Mt. 24:4; Rum. 16:17; Afa. 5:6; Kul. 2:8; 1 Yḥ. 4:1. 16 Zi řɣiǧet nsen ad ten tessnem. Ma ad řeqḍen aḍiř zeg isennanen niɣ tazart zi tzeggʷart? 17 Ammu kuř tacejjart taṣebḥant tᵉttawi-dd řɣiǧet teṣbeḥ, uca tacejjart taɛeffant tᵉttawi-dd řɣiǧet taɛeffant. ◼7:17 tacejjart - niɣ ‘addag’ (‘iddagen’).  ◘7:17 Mt. 3:10; 12:33; Mk. 11:13; Lk. 8:8. 18 Tacejjart taṣebḥant war tzemmar ad tewc řɣiǧet taɛeffant, uca tacejjart taɛeffant war tzemmar ad tewc řɣiǧet taṣebḥant. 19 Kuř tacejjart tenni war itticen řɣiǧet teṣbeḥ, ad tᵉttwaqess uca ad temmenḍar di tmessi. 20 S uyenni ad ten tessnem zi řɣiǧet nsen.”

21 “War iǧi ca kuř ijjen wenni d ayi ɣa inin: ‘A Sidi, a Sidi!’, ad yadef ɣar Tgeldit n ijenwan, maca d wenni itteggen min ixs Baba i iǧan deg ijenwan. ◘7:21 Mt. 25:11; Lk. 6:46; 13:25-27; Řex. 19:13; Rum. 2:13; Yaɛ. 1:22. 22 Aṭṭas i d ayi ɣa inin deg wass nni: ‘A Sidi, a Sidi, ma war nettnabb ca s Yisem nnec, ma war nuẓẓiř x ccwaṭen s Yisem nnec u s Yisem nnec ma war neggi aṭṭas n řeɛjayeb?’ ◘7:22 Irm. 14:14; 27:15; Lk. 13:26. 23 Xenni Necc ad asen iniɣ nican: ‘Ɛemmarṣ war kenniw ssineɣ, beɛɛdem xafi, a kenniw inni itteggen řmuɛṣiyyet!’ ” ◘7:23 Izhd. 6:9; Mt. 25:12,41; Lk. 13:25, 27.

24 “S uya marra wenni ittesřan i wawařen inu, ittegg zzaysen, ad ittwamqudda ak-d ijj n bnadem d amiɣis wenni ibnan taddart nnes x sseǧaḥ. ◘7:24 Irm. 17:8; Lk. 6:47; Rum. 2:13; Yaɛ. 1:25. 25 Xenni iwta wenẓar, ḥemřen-dd iɣezran, suḍen-dd isemmiḍen uca řeqfen taddart nni, maca waxxa amenni war dd-tewḍi ca, minzi dsas nnes immars x sseǧaḥ. 26 Maca marra wenni ittesřan i wawařen inu, war zzaysen ittegg, ad yiři am yijj n bnadem d afɣuř i ibnan taddart nnes x ijdi. ◘7:26 Ḥiz. 13:11; Rum. 2:13; Yaɛ. 1:23. 27 Xenni iwta wenẓar, ḥemřen-dd iɣezran, suḍen-dd isemmiḍen, řeqfen taddart nni uca tewḍa, tuɣa aweṭṭu nnes d ameqqran.”

28 Awarni řami ikemmeř Yasuɛ awařen-a, aqa imsar belli řɣaci iqqim ittebhet s tɣuri nnes, 29 minzi tuɣa isseřmad i-ten amecnaw wenni ɣar teǧa ṣṣulṭa, war iǧi ca am yimseřmaden n idlisen d Ifarisiyyen. ◘7:29 Mk. 1:22; 6:2; Lk. 4:32.