1 Di řweqt nni icuq Yasuɛ deg iyyaren n zzariɛet n imendi di ssebt. Tuɣa imeḥḍaren nnes ǧuẓen uca bdan řeqqḍen tidrin, ccin zzaysent. ◘12:1 [Mk. 2:23-28; 3:1-6; Lk. 6:1-11] — Aɛwd. 23:24 2 Ařami ten ẓrin Ifarisiyyen, nnan as: “Xzar imeḥḍaren nnec tteggen min war iɛeddřen di ssebt!” ◘12:2 Uf. 20:10. 3 Yarra-dd xasen: “Ma war teɣřim ca min igga Dawud umi iǧuẓ netta d yinni akides? 4 Mammec yudef ɣar Taddart n AREBBI, icca aɣrum n wescan zi Tzewḍa n SIDI i war iḥeǧřen macca nnes i netta uřa i yinni akides, maca mɣir i ikehhanen waha. ◘12:4 Uf. 29:33; Lawi 24:9; 1 Ṣm. 21:6. 5 Niɣ war teɣrim ca di Ccariɛa belli ikehhanen inni iǧan di Zzawect Tameqqrant di ssebt, xeṭṭan di tewṣiyyet n ssebt, waxxa amenni war xasen ibin řɛib? ◘12:5 Řxř. 28:9. 6 Necc ad awem iniɣ, wenni iǧan d ameqqran x Zzawect Tameqqrant, aqa-t danita! ◘12:6 2 Im. 6:18. 7 Maca mařa tuɣa tfehmen min ixs ad yini: ‘Necc xseɣ arreḥmet, war iǧi d taɣarṣt!’, xenni ad tiři war tᵉttḥasabem ca x imezdagen, ◘12:7 Ḥuc. 6:6; Mixa 6:8; Mt. 9:13; 23:23. 8 minzi Mmis n bnadem d Bab n ssebt.” ◘12:8 Mk. 2:28; Lk. 6:5.

9 Yasuɛ yuyur ssenni, yudef ɣar temzida nsen. 10 Tuɣa din ijj n weryaz, afus nnes iqucceḥ. Sseqsan t maḥend zemmaren ad zzayes cettcan, nnan: “Ma iɛeddeř usgenfi di ssebt?” ◘12:10 Lk. 14:3. 11 Inna asen: “Man bnadem i dinni jar awem wenni ɣar iǧa izmar i iwḍan di tesraft di ssebt, war t itteṭṭef, ḥima ad t-i-dd issuffeɣ? ◘12:11 Uf. 23:4; Aɛwd. 22:4. 12 Mecḥař iɛdu bnadem x izmar! S uyenni iɛeddeř ad ittwagg min iṣebḥen di ssebt.” ◘12:12 Amz. 1:27. 13 Řexdenni inna as i bnadem nni: “Swiẓẓeḍ afus nnec!” Isswiẓẓeḍ afus nnes uca idweř iggenfa am wenneɣni. ◘12:13 Mk. 3:5; Lk. 6:10

14 Ifarisiyyen ffɣen-dd ɣar barra, mcawaren xas, mammec ɣa ggen ad t nɣen. ◘12:14 Mk. 3:6; Yḥ. 5:18; 10:39; 11:53. 15 Maca Yasuɛ issen aya uca yuyur ssenni. Iḍfar i-t-i-dd ijj n řɣaci d ameqqran, issgenfa i-ten marra. ◘12:15 Mt. 10:23. 16 Yumur i-ten s jjehd maḥend war xas ssuffuɣen řexbar, ◘12:16 Mt. 9:30; Lk. 5:14. 17 ḥima ad ittwakemmeř wawař i innan unabi Icaɛya:

18 “Xzar, Amsexxar inu, wenni farrzeɣ,

Amɛizz inu, wenni di ufiɣ arḍa inu.

Ad xas ssarseɣ Arruḥ inu

u Netta ad ibarreḥ s řḥukm i řegnus. ◘12:18 Ica. 42:1; Mt. 3:17; 17:5; Mk. 1:11; Kul. 1:13; 2 Bṭ. 1:17.

19 War ittemcubbuc, war isɣuyyu,

uřa d ijj war ittesři tmijja nnes

deg ibriden.

20 Aɣanim yarẓen war t yareẓẓi,

uřa d taftič idduxxunen,

war tt issxessi

ař dd ɣa issuffeɣ řeḥkam

i ɣa inedhen i uɣelleb,

21 uca ad ssitmen řegnus deg Yisem nnes.” ◘12:21 Ica. 42:1-4.

22 Řexdenni iwyen as-dd ijj n umeryaḥ, tuɣa-t d adarɣař d aynaw, uca Netta issgenfa i-t, ařami wenni tuɣa iǧan d aynaw d adarɣař idweř issawař u ittwařa. ◘12:22 [Mk. 3:20-30; Lk. 11:14-23; 12:10; Lk. 6:43-45] — Mt. 9:32 23 Itebhet řɣaci marra, nnan: “Ma Wanita xenni war iǧi d Mmis n Dawud?” ◘12:23 Yḥ. 4:29. 24 Maca sřin Ifarisiyyen man aya, nnan: “Wanita issuffuɣ ccwaṭen mɣir s webrid n Bᵉɛalzabub, ameqqran n ccwaṭen.” ◼12:24 Bᵉɛalzabub - wanita d isem n ibřis s tutlayt n Tramit.  ◘12:24 Mt. 9:34; Mk. 3:22; Lk. 11:15. 25 Maca Yasuɛ issen ixarriṣen nsen, inna asen: “Kuř tageldit ittemsebḍan x yixef nnes ad tᵉttwahellek, u kuř taddart niɣ tandint ittemsebḍan x yixef nnes war tᵉttɣimi ca. 26 Mařa aqa-t d cciṭan issuffuɣ cciṭan, aqa netta ittemsebḍa x yixef nnes, xenni mammec ɣa teqqim tgeldit nnes? 27 Mařa Necc ssuffuɣeɣ ccwaṭen s webrid n Bᵉɛalzabub, s min zi ten i ɣa ssuffɣen tarwa nwem? S uyenni nitni ad iřin d řquḍat xawem. 28 Maca mařa Necc ssuffuɣeɣ ccwaṭen s Arruḥ n AREBBI, aqa tudes awem-dd Tgeldit n AREBBI. ◘12:28 Lk. 11:20 29 Niɣ mammec izemmar ḥed ad yadef ɣar taddart n wenni ijehden maḥend ad ikecceḍ řeqcuɛ nnes, mařa war icarf wenni ijehden amezwar? Xenni izemmar ad ikecceḍ taddart nnes. 30 Wenni war iǧin akidi, aqa-t ḍidd inu, wenni war kidi issmunan, aqa ittzeǧaɛ waha. ◘12:30 Mt. 12:30; Mk. 9:39; Lk. 9:50; 11:23. 31 S uyenni ad awem iniɣ: marra ddnub d uceqqef ad ittwaɣfar i iwdan, maca aceqqef di Arruḥ war ittwaɣfar ca i iwdan. ◘12:31 Mk. 3:28; Lk. 12:10; 1 Yḥ. 5:16. 32 Wenni i ɣa inin awař d aɛeffan x Mmis n bnadem ad as ittwaɣfar, maca wenni i ɣa inin awař d aɛeffan x Arruḥ Iqeddsen war d as ittwaɣfar ca, uřa di řweqt-a uřa di řweqt i dd ɣa yasen. ◘12:32 Řxř. 15:30; 1 Ṣm. 2:25; 1 Yḥ. 5:16.

33 Ḥesbem tacejjart d taṣebḥant uřa d řɣiǧet nnes d taṣebḥant, niɣ ḥesbem tacejjart texsar uřa d řɣiǧet nnes texsar, minzi tacejjart tᵉttwassen zi řɣiǧet nnes.” ◼12:33 tacejjart - niɣ ‘addag’ (‘iddagen’).  ◘12:33 Mt. 7:18.

34 “A tarwa n ifiɣran, mammec ɣa teggem ad tessiwřem x min iṣebḥen, waxxa kenniw d iɛeffanen, minzi zeg uɛemmar n wuř ad issiweř uqemmum. ◘12:34 Izhd. 40:11; Mt. 3:7; Lk. 6:45. 35 Bnadem aṣebḥan issuffuɣ-dd min iṣebḥen zi řkenz aṣebḥan n wuř nnes uca bnadem aɛeffan issuffuɣ-dd zi řkenz aɛeffan nnes min iɛeffnen. 36 Maca Necc ad awem iniɣ, belli kuř awař ixwan ad zzayes ssiwřen iwdan, ad zzayes ttwaḥasben deg wass n lḥisab. ◘12:36 Amb. 12:14; Afa. 5:4. 37 Minzi s wawařen nnec ad tᵉttwaseggded uca s wawařen nnec ad tᵉttwaḥasbed.” ◘12:37 2 Ṣm. 1:16; Lk. 19:22.

38 Ca n imseřmaden n idlisen d Ifarisiyyen, arrin-dd xas: “A Amseɣɣar, neccin nexs ad nẓar ict n řeɛřamet zzayek.” ◘12:38 [Mk. 8:11-12; Lk. 11:29-32] — Mt. 16:1; 1 Kur. 1:22. 39 Maca Netta yarra-dd xasen: “Jjiř aɛeffan izennan ittettar ict n řeɛřamet, war d as ittmewci uřa d ict n řeɛřamet mɣir řeɛřamet n Yunus. 40 Minzi am mammec tuɣa Yunus třata n wussan jar ǧyaři d wussan deg uɛeddis n wesřem, ammu i ɣa yiři uřa d Mmis n bnadem deg wuř n temmurt třata n wussan jar ǧyaři d wussan. ◘12:40 Yun. 2:1, 11 41 Iryazen n Ninwa ad dd-kkaren deg wass n lḥisab ak-d jjiř-a, ad t ḥasben, minzi nitni tuben s tbarreḥt n Yunus, uca xzarem, aqa da Wenni iǧan d ameqqran x Yunus! ◘12:41 Yun. 3:5; Lk. 11:32. 42 Tajeǧidt n ljanub ad tekkar deg wass n lḥisab ak-d jjiř-a, ad xas teḥkem minzi nettat tusa-dd zeg uneggaru n ddunect, ḥima ad tseř i tiɣit n Suliman, uca xzarem, aqa da Wenni iǧan d ameqqran x Suliman!” ◘12:42 1 Ij. 10:1; 2 Im. 9:1; Lk. 11:31.

43 “Ařami iffeɣ řaryaḥ amengus zi bnadem, ibda ittsara deg imucan war daysen bu waman, yarezzu arraḥet, war tt ittif. ◘12:43 [Lk. 11:24-26] 44 Řexdenni ad yini: ‘Ad dewřeɣ ɣar taddart inu manis dd-ffɣeɣ!’ Uca iruḥ, yufa i-tt texwa, tfarḍ, tsettef. 45 Řexdenni yuyur uca yiwi akides sebɛa n řaryaḥ nneɣni, d iɛeffanen ktar zzayes, ad dd-adfen, ad raḥen ad zedɣen dayes, uca aneggaru n bnadem nni ad idweř mahu x umezwaru. Ammu i ɣa yiři ɛawed ak-d jjiř-a aɛeffan.” ◘12:45 Ɛbr. 6:4, 5; 10:26; 2 Bṭ. 2:20.

46 Řami tuɣa ɛad issawař ak-d řɣaci, xzar, yemmas d aytmas bedden barra, arezzun ad kides ssiwřen. ◘12:46 [Mk. 3:31-35; Lk. 8:19-21] 47 Inna as ijjen: “Xzar, yemmac d aytmac bedden di barra, arezzun ad kidek ssiwřen.” 48 Maca Netta yarra-dd x wenni tuɣa d as t innan, inna: “Min teɛna yemma d min ɛnan aytma?” 49 Xas uca isswiẓẓeḍ s ufus nnes ɣar imeḥḍaren nnes, inna: “Xzar, yemma, xzar, aytma! 50 Minzi man wen itteggen min ixs Baba i iǧan deg ijenwan, aqa netta d uma d učma d yemma.” ◘12:50 Yḥ. 15:14; 2 Kur. 5:16; Gal. 5:6; 6:15; Kul. 3:11.