23
Tiweṣṣa zi jjihet n mammec i ɣa nemṣurruf ak-d umqarreb
1 “War ssuffuɣ řexbar issxarriqen. War ttic afus nnec i uɛeffan, maḥend ad tiřid d acehhad n ddeǧ.
2 War areddef azyen ameqqran di řɣar u war dd-ttarri di ddeɛwet ař ɣa tmeyyřed teggʷejed x řḥeqq awarni i waṭṭas, ad tfarɣed řḥeqq.
3 Di ddeɛwet nnes war ttriḥ ca ak-d řmeskin. ◘23:3 Lawi 19:15
4 Mařa teřqid afunas niɣ aɣyuř iweddar n řeɛdu nnec, ittxeṣṣa ad as t tarred nican. ◘23:4 Aɛwd. 22:1, 2; Lk. 6:27; Fil. 2:4 5 Mařa teẓrid aɣyuř n wenni tcarrhed iwḍa s ddqeř nnes, ittxeṣṣa cek ad teḥḍid ixef nnec ad tejjed tamesřact i netta waha, maca cek d netta jmiɛ ad tfekkem aɣyuř qaɛ. ◘23:5 Aɛwd. 22:4
7 Beɛɛed x tmesřact iɣeccen. War neqq afurri niɣ amsegged, minzi Necc war ttbarriɣ aɛeffan. 8 War kessi tarzeft, minzi tarzeft tessdarɣař tiṭṭawin yarezmen u tessfarraɣ awařen n imseggden. ◘23:8 Aɛwd. 16:19; 1 Ṣm. 8:3; Awřn. 19:6; Amb. 7:7
9 War tzeyyarem x ubarrani. Aqa kenniw tessnem nnefs n ubarrani, minzi tuɣa kenniw d ibarraniyyen di temmurt n Miṣra. ◘23:9 Uf. 22:21; Lawi 19:33; Aɛwd. 24:17
10 Setta n iseggʷusa ad tzarɛed tammurt nnec uca ad tessmuned řɣiǧet nnes. 11 Deg useggʷas wiss sebɛa ad tt tejjed ad tareyyḥed uca ad as tarxud, ḥima ad zzayes ccen imezřaḍ n řgens nnec. Uca min ɣa jjen nitni ad zzayes ccen řmař n řexřa. Ammu i ɣa tegged ɛawed s umarjeɛ n uḍiř nnec d zzitun nnec. ◘23:11 Lawi 25:4, 5
12 Di setta n wussan ad tegged řxedmet nnec u deg wass wiss sebɛa ad tareyyḥed, maḥend ad yareyyeḥ ufunas nnec d weɣyuř nnec u ad yarr nnefs mmis n tayya nnec d ubarrani.”◘23:12 Uf. 20:8; 31:13-17.
Tiweṣṣa zi jjihet n uweqqar i Sidi Arebbi
13 Di marra min d awem nniɣ, ḥḍam t. War ttidarem isem n irebbiten nneɣni. War ttesřan isem nnes zeg uqemmum nnec. ◘23:13 Řxř. 32:38; Yac. 23:7; Izhd. 16:4; Ḥuc. 2:19; Zak. 13:2
14 Třata n twařawin deg useggʷas ad ayi tɛeyydem ijj n řɛid. 15 Řɛid n Weɣrum břa Antun ad t teḥḍam. Sebɛa n wussan ad tecced aɣrum břa antun, am mammec kenniw umureɣ Necc, di řweqt ittwaggen deg uyur Abib, minzi dayes i dd-teffɣed zi Miṣra. War dd-ttusim s ifassen xwan zzat i wudem inu. ◘23:15 Uf. 12:14, 15; 13:3; 34:20; Aɛwd. 16:16 16 Ḥḍam ɛawed Řɛid n Tmeyra, Řɛid n Tmenzut n řxedmet nnec i tzarɛed deg iyyar, u Řɛid n Usmuni n ṣṣabet deg uneggar n useggʷas, xmi ɣa tessmuned řɣiǧet n řxedmet nnec zeg iyyar. ◘23:16 Uf. 34:22 17 Třata n twařawin deg useggʷas ad ḍharen marra iryazen n řgens nnec i wudem n Sidi, SIDI.
18 War ttqeddam idammen n tɣarṣt inu ak-d min ixemmaren, u tadunt n tɣarṣt n řɛid inu war ttnusi ǧiřet tekmeř ař ṣṣbeḥ.
19 Tamezwarut n tmenzut zeg wudem n temmurt nnec ad tt tawyed ɣar Taddart n SIDI, AREBBI nnec. War snenni iɣayḍ d ameẓyan s uɣi n yemmas. ◘23:19 Uf. 34:26
20 Xzar, ad ssekkeɣ ijj n lmalak zzat i wudem nnec, ḥima ad cek iḥḍa deg webrid uca ad cek yawi ɣar wemcan nni sswejdeɣ. ◘23:20 Uf. 33:2 21 Ḥḍa arendad i wudem nnes uca seř i wawař nnes, war xas ssarzig ca řeɛmar, minzi netta war ittekkes iɛeddiyen nwem, minzi Isem inu aqa-t dayes. 22 Maca mařa s tidett ad tesřed i wawař nnes, ad tegged marra min d ac ɣa iniɣ, ad iřiɣ d řeɛdu i řɛedyan nnec uca ad ḥṣareɣ inni cek iḥeṣṣaren.◘23:22 Amz. 12:3 23 Minzi lmalak inu ad yiři zzatek, ad cek ssidfeɣ di temmurt n Imuriyyen d Iḥittiyyen d Ifiriziyyen d ayt n Kenɛan d Iḥiwiyyen d Iyabusiyyen, u Necc ad ten teḥḥiɣ. 24 War ttbendiq i irebbiten nsen niɣ ad ten tɛebded niɣ ad tegged am tteggen nitni, maca ad ten tᵉteḥḥid qaɛ uca ad tarẓed marra imayḍuten nsen iqeddsen. 25 Ad tɛebdem SIDI, AREBBI nwem, u Netta ad ibarek aɣrum nnec d waman nnec. Necc ad kkseɣ řehřacat zi řwesṭ nnec. ◘23:25 Uf. 15:26; Aɛwd. 7:15 26 War ttiři temɣart nni umi iwḍa uɛeddis niɣ war ittirwen di temmurt nnec. Necc ad kemmřeɣ řqedd n wussan nnec. ◘23:26 Aɛwd. 7:14 27 Ad ssekkeɣ anexřiɛ zzat i uɣembub nnec, ad ssxarewḍeɣ marra řgens i ɣa tafed deg webrid nnec uca ad arreɣ marra řɛedyan nnec ad xak arewřen. ◘23:27 Uf. 14:24; Yac. 10:10 28 Necc ad ssekkeɣ irezzan zzat i uɣembub nnec, inni ɣa yaẓẓřen x Iḥiwiyyen d ayt n Kenɛan d Iḥittiyyen zzat i wudem nnec. ◘23:28 Aɛwd. 7:20; Yac. 24:12 29 War xasen ttaẓẓřeɣ zi zzat nwem deg ijj n useggʷas, maḥend war tᵉttɣimi temmurt d řexřa u řmař n řexřa war xak ttmarnin aṭṭas. 30 S cway cway ad xasen aẓẓřeɣ zi zzat necc, ař ɣa temmarenyed deg waṭṭas uca ad tzemmared ad teksid tammurt d řwart. 31 Necc ad ggeɣ iymiren zi Řebḥar n Telga ař řebḥar n Ifilisṭiniyyen u zi řexřa ař iɣzar n Lfuraṭ, minzi ad arreɣ imezdaɣ n temmurt deg ufus nnec uca ad cek arreɣ ad xasen taẓẓřed zi zzat nnec. ◘23:31 Řxř. 34:3, 4 32 War kidsen ttegg řɛahd niɣ ak-d irebbiten nsen. ◘23:32 Uf. 34:12, 15; Aɛwd. 7:2 33 War iɛeddeř ad zedɣen di temmurt nnec, ḥima war cek ttarrin ad akidi texḍid. Mařa tɛebded i irebbiten nsen, ad ac yiři man aya d řfex i cek.” ◘23:33 Yac. 23:13; Řqḍ. 2:3
◘23:3 23:3 Lawi 19:15
◘23:4 23:4 Aɛwd. 22:1, 2; Lk. 6:27; Fil. 2:4
◘23:5 23:5 Aɛwd. 22:4
◘23:6 23:6 Aɛwd. 27:19
◘23:8 23:8 Aɛwd. 16:19; 1 Ṣm. 8:3; Awřn. 19:6; Amb. 7:7
◘23:9 23:9 Uf. 22:21; Lawi 19:33; Aɛwd. 24:17
◘23:11 23:11 Lawi 25:4, 5
◘23:12 23:12 Uf. 20:8; 31:13-17.
◘23:13 23:13 Řxř. 32:38; Yac. 23:7; Izhd. 16:4; Ḥuc. 2:19; Zak. 13:2
◘23:15 23:15 Uf. 12:14, 15; 13:3; 34:20; Aɛwd. 16:16
◘23:25 23:25 Uf. 15:26; Aɛwd. 7:15
◘23:26 23:26 Aɛwd. 7:14
◘23:27 23:27 Uf. 14:24; Yac. 10:10
◘23:28 23:28 Aɛwd. 7:20; Yac. 24:12
◘23:31 23:31 Řxř. 34:3, 4
◘23:32 23:32 Uf. 34:12, 15; Aɛwd. 7:2
◘23:33 23:33 Yac. 23:13; Řqḍ. 2:3