6
Iɛǧimen ineggura d useǧem
1 A aytma, mařa ḥed jar awem iwḍa-dd xas ddenb, ejj xenni inni igguren di Arruḥ ad t seggden s arruḥ n temhint. Ḥḍam, ḥima war tᵉttwajarrbem uřa d kenniw. ◼6:1 iwḍa-dd xas ddenb - niɣ: ‘isseḥṣer i-t ddenb’. ◘6:1 Rum. 14:1; 15:1; 1 Kur. 9:22.
2 Ksim ddqeř ijjen x wenneɣni, ammu i ɣa tkemmřem Ccariɛa n Lmasiḥ. ◘6:2 Mt. 11:29; Yḥ. 13:14; Rum. 15:1; 1 Ts. 5:14. 3 Maɣar mařa ca n yijjen ittɣiř as aqa netta d ca, am t war iǧi, ixeddeɛ ixef nnes. 4 Maca ejj kuř ijjen ad iqeǧeb řxedmet n yixef nnes, xenni ad ɣares yiři usemɣar deg yixef nnes, war iǧi deg inneɣni, 5 minzi kuř ijjen ad iksi ddqeř n yixef nnes. ◘6:5 Izhd. 62:13; Irm. 17:10; 32:19; Mt. 16:27; Rum. 2:6; 14:12; 1 Kur. 3:8; 2 Kur. 5:10; Asa. 2:23; 22:12.
6 Ejj wenni isřin Awař, ad icarc zi marra tiṣebḥanin i ɣares ak-d wenni zzayes t isřan. ◘6:6 Rum. 15:27; 1 Kur. 9:11.
7 War ttxeddɛem ixef nwem, AREBBI war ittejji ḥed ad xas iqeṣṣar. Minzi min ma izarɛ bnadem, ad t imjar ɛawed. ◘6:7 Lk. 16:25; 1 Kur. 6:10. 8 Minzi wenni izarrɛen deg weysum, zeg weysum ad imjar řɣecc. Maca wenni izarrɛen di Arruḥ, zi Arruḥ ad imjar Tudart ittduman. 9 Ejj aneɣ war nᵉttiḥeř ca umi nᵉttegg min iǧan d aṣebḥan, minzi ad dd-tas řweqt nni di ɣa nemjar, u man aya war d aneɣ issihiř ca. ◘6:9 2 Ts. 3:13. 10 Ejj aneɣ řexxu, ařami ɣarneɣ ɛad lfurṣa, ad negg tcuni i marra, amezwaru i yinni d icricen akidneɣ di taddart n yinni yumnen. ◘6:10 1 Tim. 5:8.
11 Xzarem, marra tira-ya i d awem dd-uriɣ, uriɣ tt s ufus inu. 12 Marra wi ixsen ad ssemɣaren deg weysum, aqa nitni tteggen xawem aɣiř ḥima ad tᵉttwaxetnem ḥima war ttwamarrten nitni x ssibbet n ṣṣalib n Lmasiḥ. 13 Minzi uřa d inni ittwaxetnen war ṭṭifen ca di Ccariɛa, maca nitni xsen ad tᵉttwaxetnem ḥima ad ssemɣaren di řextan deg weysum nwem. 14 Maca iggʷejen xafi maḥend ad ssemɣareɣ mɣir di ṣṣalib n Siditneɣ Yasuɛ Lmasiḥ s Wenni tᵉttwaṣelleb ddunect i necc u necc i ddunect. 15 Axtan niɣ břa axtan war isekkwi walu, maca wenni dd-ittwaxeřqen zi jdid wah. ◘6:15 Mt. 12:50; Yḥ. 15:14; 2 Kur. 5:16; Gal. 5:6; Kul. 3:11. 16 Marra wi ɣa yuyuren ɛlaḥsab abrid-a, ad xasen yiři řehna d arreḥmet uřa x Israil n AREBBI. ◘6:16 Izhd. 125:5.
17 War d ayi ittseddiɛ ḥed, minzi iwyeɣ-dd ccamat n Siditneɣ Yasuɛ di arrimet inu. ◘6:17 2 Kur. 4:10.
18 A aytma, ad yiři arḍa n Siditneɣ Yasuɛ Lmasiḥ ak-d arruḥ nwem. Amin.
◼6:1 6:1 iwḍa-dd xas ddenb - niɣ: ‘isseḥṣer i-t ddenb’.
◘6:1 6:1 Rum. 14:1; 15:1; 1 Kur. 9:22.
◘6:2 6:2 Mt. 11:29; Yḥ. 13:14; Rum. 15:1; 1 Ts. 5:14.
◘6:5 6:5 Izhd. 62:13; Irm. 17:10; 32:19; Mt. 16:27; Rum. 2:6; 14:12; 1 Kur. 3:8; 2 Kur. 5:10; Asa. 2:23; 22:12.
◘6:6 6:6 Rum. 15:27; 1 Kur. 9:11.
◘6:7 6:7 Lk. 16:25; 1 Kur. 6:10.
◘6:9 6:9 2 Ts. 3:13.
◘6:10 6:10 1 Tim. 5:8.
◘6:15 6:15 Mt. 12:50; Yḥ. 15:14; 2 Kur. 5:16; Gal. 5:6; Kul. 3:11.
◘6:16 6:16 Izhd. 125:5.
◘6:17 6:17 2 Kur. 4:10.