1 Bulus, rrasul n Yasuɛ Lmasiḥ ɛlaḥsab řxaḍar n AREBBI, i yinni iǧan di Afasus, i imqeddasen d yinni yumnen di Yasuɛ Lmasiḥ ◼1:1 rrasul - niɣ ‘amazan’.  ◘1:1 Rum. 1:7; 1 Kur. 1:2; 2 Kur. 1:1. 2 Arḍa d řehna ad kidwem iřin zi AREBBI, Babatneɣ, u zi Siditneɣ Yasuɛ Lmasiḥ. ◘1:2 Gal. 1:3; 1 Bṭ. 1:2.

3 Ad ittwabarek AREBBI, Babas n Siditneɣ Yasuɛ Lmasiḥ, wenni d aneɣ ibarken s marra lbarakat n Arruḥ i iǧan deg ijenwan di Lmasiḥ, ◘1:3 2 Kur. 1:3; 1 Bṭ. 1:3. 4 am mammec ixḍar aneɣ dayes, deg umezwaru qbeř ma ad ittwagg dsas n ddunect, ḥima ad niři d imqeddasen břa řɛib qibač nnes. ◘1:4 Lk. 1:75; Yḥ. 15:16; Afa. 5:27; Kul. 1:22; 2 Tim. 1:9; Tit. 2:12.

5 Di tayri izwar ad aneɣ yarcem i Yixef nnes uca aqa igga aneɣ d arrawen di Yasuɛ Lmasiḥ am mammec t ixs řxaḍar nnes, 6 i usemɣar n uɛuǧi n arḍa nnes i xaneɣ ifarreɣ deg Umɛizz nnes. ◘1:6 Mt. 3:17.

7 Dayes ɣarneɣ asenjem d weɣfar n ddnub s Idammen nnes ɛlaḥsab agřa n arḍa nnes ◘1:7 Řex. 20:28; Kul. 1:14; Ɛbr. 9:12; 1 Bṭ. 1:18. 8 i dayneɣ iǧan s ufeyyeḍ, di marra tiɣit d marra řefhamet. 9 Aqa issargeb aneɣ x ssirr n řxaḍar nnes, i tuɣa izɛem qbeř maḥend ad t ikemmeř deg Yixef nnes, ◘1:9 Rum. 16:25; Afa. 3:9; Kul. 1:26; 2 Tim. 1:9; Tit. 1:2; 1 Bṭ. 1:20. 10 ḥima, i řeḥkamet n uɛemmar n zzmanat, ad dd-ixřeq marra min iǧan deg ijenwan u x temmurt d jdid zeg Uzeǧif s Lmasiḥ. ◘1:10 Amz. 49:10; Dan. 9:24; Gal. 4:4.

11 Aqa nettwaxḍar dayes, am mammec i izwar ad immars i neccin u tuɣa ixs ad zzayneɣ igg, Netta d wenni itteggen marra ɛlaḥsab lqarar n array nnes, ◘1:11 Rum. 8:17. 12 ḥima neccin ad niři d imezwura i ɣa issitimen di Lmasiḥ i usemɣar n uɛuǧi nnes.

13 Dayes aqa tesřim awař n tidett, Řexbar Aṣebḥan n usenjem nwem, xenni tumnem dayes uca teksim acemmiɛ n Arruḥ Iqeddsen i d aneɣ iwaɛd, ◘1:13 Rum. 8:15; 2 Kur. 1:22; 5:5; Afa. 4:30. 14 wenni d řɛarbun n řwart nneɣ i usenjem n yinni iddaren u i usemɣar n uɛuǧi nnes. ◘1:14 Uf. 19:5; Aɛwd. 7:6; 14:2; 26:18; Rum. 8:23; 1 Bṭ. 2:9.

15 Xzar, s uyenni necc, řami sřiɣ x l’iman nwem di Siditneɣ Yasuɛ Lmasiḥ u x tayri nwem i marra imqeddasen, ◘1:15 Fil. 1:3; Kul. 1:3; 1 Ts. 1:2; 2 Ts. 1:3. 16 war beddeɣ ca ad qadiɣ i kenniw niɣ ad daywem fekkareɣ di tẓiǧatin inu, 17 ḥima AREBBI n Siditneɣ Yasuɛ Lmasiḥ, Babas n uɛuǧi, ad awem iwc Arruḥ n tiɣit d usargeb ḥima ad t tessnem, 18 uca ad awem iwc tifawt di tiṭṭawin n wuřawen nwem, ḥima ad tessnem man asitem n třaɣit nnes d mammec imɣar agřa n uɛuǧi n řwart nnes di marra imqeddasen, 19 u mammec imɣar aṭṭas i yeǧa jjehd nnes dayneɣ, deg inni yumnen ɛlaḥsab aqarru n jjehd n ṣṣulṭa nnes ◘1:19 Kul. 2:12. 20 i ixeddmen di Lmasiḥ umi t-i-dd-issnekkar zi taddart n imettinen uca igga i-t ɣar uɣezdis afusi nnes deg ijenwan, ◘1:20 Izhd. 110:1; Řex. 2:34; 1 Kur. 15:25; Kul. 3:1; Ɛbr. 1:3; 10:12; 1 Bṭ. 3:22. 21 sennej i kuř azeǧif d ṣṣulṭa d jjehd d řeḥkamet d marra isem ittwasemman, war iǧi di ddunect-a waha, maca ɛawed di tenni i dd ɣa yasen. 22 Aqa Netta yarra as-dd marra sadu iḍaren nnes u Wenni iǧan sennej i marra, aqa igga i-t d Azeǧif i Tmesmunt, ◘1:22 Izhd. 8:7; Mt. 28:18; 1 Kur. 15:27; Ɛbr. 2:8. 23 tenni d Arrimet nnes uřa d aɛemmar n Wenni ittɛemmaren kuřci di marra. ◼1:23 aɛemmar -niɣ ‘tacurret’. ittɛemmaren -niɣ ‘ittcurran’.  ◘1:23 Rum. 12:5; 1 Kur. 12:27; Afa. 4:16; 5:23.