1 X uyenni necc, Bulus, aqa ayi d ameḥbus n Yasuɛ Lmasiḥ, i kenniw inni iǧan zi řegnus, ◘3:1 Řex. 21:33; Afa. 4:1; Fil. 1:7, 13, 14, 16; Kul. 4:3; 2 Tim. 1:8; Flmn. 1. 2 mařa zeɛma aqa tesřam x tsexxart n arḍa n AREBBI i d ayi immewcen jar awem, ◘3:2 Řex. 13:2; Rum. 1:5; Afa. 3:8. 3 belli ittwassargeb ayi-dd ssirr, am izzareɣ uriɣ awem-dd s drus. ◘3:3 Řex. 22:17, 21; 26:16, 17; Rum. 16:25; Gal. 1:11, 12. 4 Xmi ɣa tɣarem man aya, tzemmarem ad tfehmem řefhamet inu n ssirr n Lmasiḥ, 5 wenni war ittwassargeb ca di tarwa n bnadem di řejyuř nneɣni, am mammec ittwaɛarra xas řexxu s Arruḥ i rrusul imqeddasen nnes u i inabiyyen nnes, ◘3:5 Řex. 10:28. 6 aḥeqqa inni zi řegnus ad iřin d iwriten akidsen d iɣezdisen akidsen n Arrimet nnes uřa d icricen n lwaɛd nni dayes immewcen s L’Injil, ◼3:6 akidsen - ixs ad yini ak-d yenni n Israil i yumnen di Lmasiḥ, s minzi nitni d Israil d tidett (Huc. 1:2, 12, 2:22). dayes - ixs ad yini ‘di Lmasiḥ’. 7 i zi dewřeɣ d amsexxar ɛlaḥsab tawhibt n arḍa n AREBBI i d ayi immewcen ɛlaḥsab jjehd nnes i dayi ixeddmen. ◘3:7 Afa. 1:19; Kul. 2:12. 8 Aqa immewc ayi arḍa-ya, i necc d amuqřiř qaɛ jar marra imqeddasen, ḥima ad barrḥeɣ s Řexbar Aṣebḥan, iwa agřa n Lmasiḥ i war nzemmar ad nefhem, ◘3:8 Řex. 9:15; 13:2; 22:21; 1 Kur. 15:9; Gal. 1:16; 2:8; 1 Tim. 2:7; 2 Tim. 1:11, 15. 9 u ḥima ad ssuffɣeɣ ɣar tfawt i marra, min ixs ad yini uwekkeř n ssirr i tuɣa inuffaren di zzmanat n zic di AREBBI, Wenni i dd-ixeřqen kuřci, ◘3:9 Amz. 1:3; Izhd. 33:6; Yḥ. 1:3; Rum. 16:25; Afa. 1:9; Kul. 1:16, 26; 2 Tim. 1:10; Tit. 1:2; Ɛbr. 1:2; 1 Bṭ. 1:20. 10 ḥima tiɣit n AREBBI ak-d waṭṭas n iɣezdisen nnes ad tiři tᵉttwassnen s tmesmunt ɣar řeḥkamat d ṣṣulaṭat deg ijenwan, ◘3:10 1 Bṭ. 1:12. 11 tiɣit i tuɣa issewjed Netta zi zzman uca ikemmeř i-tt di Siditneɣ Yasuɛ Lmasiḥ, 12 wenni dayes aqa ɣarneɣ taryast d wadaf ak-d ttiqet s l’iman zzayes. ◘3:12 Yḥ. 10:9; 14:6; Rum. 5:2; Afa. 2:18; Ɛbr. 10:19. 13 S uyenni ttzawageɣ kenniw, maḥend war ttiḥřem ca s řemḥayem inu di ṭṭweɛ nwem. Aqa man aya i uɛuǧi i kenniw. ◘3:13 Fil. 1:14; Kul. 1:24; 1 Ts. 3:3.

14 Ad adareɣ s ifadden inu zzat i Babas n Siditneɣ Yasuɛ Lmasiḥ, 15 i Wenni umi semman kuř ijj n tbabat i iǧan deg ijenwan d temmurt, 16 ḥima ad awem iwc ɛlaḥsab agřa n uɛuǧi nnes u ḥima ad tᵉttwassjehdem s jjehd s Arruḥ nnes di bnadem nwem n daxeř. ◘3:16 Afa. 6:10. 17 ḥima Lmasiḥ ad izdeɣ deg wuřawen nwem s l’iman, s tayri, x minni teccatem iẓewran u dsas nwem ad yiři imten, ◘3:17 Kul. 2:7. 18 ḥima ad tzemmarem ad tfehmem ak-d marra imqeddasen min teɛna tiru d tuzzeggart d řuɛřa d řaǧaɣ, 19 u ad tessnem ɛawed řemɣaret n tussna n tayri n Lmasiḥ, uca ad tiřim tɛemmarem s marra aɛemmar n AREBBI.

20 Maca i Netta umi ɣares tizemmar ifeyyḍen ḥima ad igg di ṭṭweɛ nneɣ sennej i min nettᵉttar niɣ nettxarreṣ, ɛlaḥsab jjehd nnes i ixeddmen dayneɣ, ◘3:20 Rum. 16:25. 21 i Netta ikkar as-dd uɛuǧi di tmesmunt nnes, di Yasuɛ Lmasiḥ, di marra řejyuř i řebda qaɛ. Amin. ◼3:21 i řebda qaɛ - niɣ: ‘i řebda n řebdat’.