1 Buṭrus
1
Arreḥmet n Arebbi d tuyurt nneɣ s tqeddast
1 Buṭrus, rrasul n Yasuɛ Lmasiḥ, i yinni ittwafarzen d imeɛzab, inni ittwaẓeǧɛen di Punṭus, Galaṭiya, Kappadukiya, Asiya d Bitiniya, ◼1:1 rrasul - niɣ ‘amazan’. ◘1:1 Yaɛ. 1:1. 2 inni ittwafarzen ɛlaḥsab tussna i iǧan ɣar AREBBI, Babatneɣ, qbeř, s tuqeddsi n Arruḥ, i ṭṭaɛet u i urucci s Idammen n Yasuɛ Lmasiḥ: arḍa d řehna ad daywem immarni. ◘1:2 Rum. 1:7; 1 Kur. 1:3; Gal. 1:3; Afa. 1:2; 2 Bṭ. 1:2; Yah. 2.
3 Lbaraka i AREBBI, Babas n Siditneɣ Yasuɛ Lmasiḥ, wenni d aneɣ dd-yejjin zi jdid s arreḥmet nnes tameqqrant s tnukra n Yasuɛ Lmasiḥ, maḥend ad tiřim d asitem iddaren, ◘1:3 Rum. 6:23; 1 Kur. 15:20; 2 Kur. 1:3; Afa. 1:3; Yaɛ. 1:18. 4 maḥend ad ɣarwem tiři ict n řwart war tfenni, war tᵉttwabeqqeḍ, war tᵉttesřiw, wenni i d awem ittwasswejden deg ijenwan, ◘1:4 Kul. 1:5; 2 Tim. 1:12. 5 am tᵉttwaḥḍam kenniw s jjehd n AREBBI u s l’iman i Tudart i iwejden ḥima ad tᵉttwasseḍhar di řweqt taneggarut. 6 Dayes i ɣa tfarḥem i řebda, waxxa tḥeznem di řweqt-a drus zi ssibbet n ɛřam kuř ijarriben i xawem dd-ittekken, ◘1:6 Rum. 5:3; Ɛbr. 10:37; 1 Bṭ. 5:10; Yaɛ. 1:2. 7 ḥima taqeǧebt n l’iman nwem, tenni tiɣřa x wureɣ iqquren wenni ittwassiṣfen zi tmessi, ad tiři i usemɣar d ccan d uɛuǧi x minni dd-ɣa iḍhar Yasuɛ Lmasiḥ, ◘1:7 Ica. 48:10; 1 Kur. 3:13; Yaɛ. 1:3; 1 Bṭ. 4:12. 8 wenni war t teẓrim, waxxa tᵉttexsem t. S l’iman zzayes tfarrḥem kenniw s ict n řefraḥet iɛuǧen war izemmar ad zzayes inṭeq iřes, ◘1:8 Yḥ. 20:29. 9 maɣar ad tᵉṭṭfem řmunet n l’iman nwem, aqa-tt d Tudart n buḥbeř nwem. 10 Tudart-a tuɣa arezzun xas inabiyyen, inni tuɣa ittnabben x arḍa i d awem dd-ikkaren, ◘1:10 Amz. 49:10; Dan. 2:44; Ḥag. 2:8; Zak. 6:12. 11 umi tuɣa arezzun man řweqt i d asen isscen Arruḥ n Lmasiḥ i daysen izeddɣen, u man řweqt i xef tuɣa icehhed, aqa ad dd-yas uweddeb i ɣa ikken x Lmasiḥ uřa d aɛuǧi nnes awarni man aya. ◘1:11 Izhd. 22:7; Ica. 53:3; Dan. 9:24. 12 Aqa ittwassargeb asen, aqa marra min xef tuɣa arezzun, aqa war t arzun di tizi nsen, maca tuɣa ttnabben di tizi nneɣ u zi ssibbet nneɣ x tmesřayin i d awem ittwasssargben řexxu zeg yinni i d awem ibeccaren s Řexbar Aṣebḥan s Arruḥ Iqeddsen nni dd-ittwasssekken zeg ujenna, timesřayin i di ttmeẓẓrent uřa d lmalakat ad daysent xzarent. ◘1:12 Řex. 2:4; Afa. 3:10.
13 S uyenni ḥezmem řxansra n řeɛqeř nwem, iřim tᵉttfaqem nican, uca smunem marra asitem nwem di řefraḥet i d awem ɣa yawḍen xmi dd ɣa iḍhar Siditneɣ Yasuɛ Lmasiḥ. ◘1:13 Lk. 12:35; Afa. 6:14. 14 Iřim am tarwa ittᵉṭṭaɛen, war dd-tdekkwiřem tcarrcem di nnecwat nwem tinni tuɣa teḍfarem qbeř s nnecwet, umi tuɣa kenniw ɛad d iqubbaniyyen. 15 Maca řexxu iřim d imqeddasen di marra min tᵉtteggem, am mammec Netta wenni xawem dd-iřaɣan, aqa-t d amqeddas, ◘1:15 Lk. 1:75. 16 minzi tura:
“Iřim d imqeddasen, minzi uřa d Necc d Amqeddas!” ◘1:16 Lawi 11:44,45; 19:2; 20:7.
17 U mařa tᵉttřaɣam i Tababat, wenni war itteggen s wudmawen, d wenni iḥekkmen kuř ijjen ɛlaḥsab řexdayem nnes, xenni uyurem s tiggʷudi di řweqt-a umi kenniw ɛad d imeɛzab di ddunect-a. ◘1:17 Aɛwd. 10:17; 2 Im. 19:7; Ayub 34:19; Řex. 10:34; Rum. 2:11; Gal. 2:6; Afa. 6:9; Kul. 3:25. 18 Maɣar tessnem belli kenniw war tᵉttwafdim s nnuqart d wureɣ ifennan zi řexdayem nwem ibeḍřen tinni tᵉṭṭfem kenniw zi řejdud nwem, ◘1:18 1 Kur. 6:20; 7:23. 19 maca s Idammen iɣřan n Izmar war dayes bu řɛib, war ibeqqḍen, aqa-t d Lmasiḥ. ◘1:19 Řex. 20:28; Ɛbr. 9:12; Asa. 1:5. 20 Netta tuɣa ittwafarz i man aya qbeř ma ad ittwagg dsas n ddunect, uca ittwasseḍhar awem-dd řexxu di zzmanat ineggura n řweqt di ṭṭweɛ nwem, ◘1:20 Rum. 16:25; Afa. 1:9; 3:9; Kul. 1:26; 2 Tim. 1:9; Tit. 1:2. 21 i kenniw inni zzayes ittamnen di AREBBI, wenni t-i-dd-issnekkaren zi taddart n imettinen uca iwca as aɛuǧi, ḥima l’iman d usitem nwem ad iřin x AREBBI. ◘1:21 Řex. 2:33; Fil. 2:9. 22 D man aya ḥima ad ttwaqeddsen řeɛmur nwem s ṭṭaɛet i tidett, ad ttwaɛemmaren s tayri břa řfarz n bnadem, uca ad texsem ayawya s wuř izdig ikmeř, ◘1:22 Rum. 12:10; Afa. 4:3; Ɛbr. 13:1; 1 Bṭ. 2:17. 23 am iwdan i dd-ittwaxeřqen d jdid, war iǧi zi zzariɛet ifennan, maca zi tenni war ifennin, aqa zeg Wawař iddaren n AREBBI i ittduman i řebda. ◘1:23 Yaɛ. 1:18; 1 Yḥ. 3:9.
24 “Minzi marra ddat am arbiɛ
uca marra aẓri nnes
am tawardect deg yeyyar s arbiɛ,
Arbiɛ ad isřaw, tawardect ad tewḍa, ◘1:24 Ica. 40:6-8; 1 Kur. 7:31; Yaɛ. 1:10; 4:14; 1 Yḥ. 2:17.
25 maca Awař n AREBBI nneɣ
ittɣima i řebda qaɛ.”
Awař-a netta d Řexbar Aṣebḥan wenni d awem dd-ittwabarrḥen.
◼1:1 1:1 rrasul - niɣ ‘amazan’.
◘1:2 1:2 Rum. 1:7; 1 Kur. 1:3; Gal. 1:3; Afa. 1:2; 2 Bṭ. 1:2; Yah. 2.
◘1:3 1:3 Rum. 6:23; 1 Kur. 15:20; 2 Kur. 1:3; Afa. 1:3; Yaɛ. 1:18.
◘1:4 1:4 Kul. 1:5; 2 Tim. 1:12.
◘1:6 1:6 Rum. 5:3; Ɛbr. 10:37; 1 Bṭ. 5:10; Yaɛ. 1:2.
◘1:7 1:7 Ica. 48:10; 1 Kur. 3:13; Yaɛ. 1:3; 1 Bṭ. 4:12.
◘1:10 1:10 Amz. 49:10; Dan. 2:44; Ḥag. 2:8; Zak. 6:12.
◘1:11 1:11 Izhd. 22:7; Ica. 53:3; Dan. 9:24.
◘1:12 1:12 Řex. 2:4; Afa. 3:10.
◘1:13 1:13 Lk. 12:35; Afa. 6:14.
◘1:16 1:16 Lawi 11:44,45; 19:2; 20:7.
◘1:17 1:17 Aɛwd. 10:17; 2 Im. 19:7; Ayub 34:19; Řex. 10:34; Rum. 2:11; Gal. 2:6; Afa. 6:9; Kul. 3:25.
◘1:18 1:18 1 Kur. 6:20; 7:23.
◘1:19 1:19 Řex. 20:28; Ɛbr. 9:12; Asa. 1:5.
◘1:20 1:20 Rum. 16:25; Afa. 1:9; 3:9; Kul. 1:26; 2 Tim. 1:9; Tit. 1:2.
◘1:21 1:21 Řex. 2:33; Fil. 2:9.
◘1:22 1:22 Rum. 12:10; Afa. 4:3; Ɛbr. 13:1; 1 Bṭ. 2:17.
◘1:23 1:23 Yaɛ. 1:18; 1 Yḥ. 3:9.
◘1:24 1:24 Ica. 40:6-8; 1 Kur. 7:31; Yaɛ. 1:10; 4:14; 1 Yḥ. 2:17.