1 Issiweř SIDI ak-d Musa, inna:

2 “Ad tinid i ayt n Israil: ‘Kuř ijjen zeg ayt n Israil niɣ zeg ibarraniyyen, wenni i ɣa iwcin zeg iḥenjiren nnes i Mulak, ad ittwaneɣ nican. Řgens n temmurt ad t yarjem. ◼20:2 ad t yarjem - s Tɛibranit ‘ad t yarjem s iẓra’.  ◘20:2 Lawi 18:21 3 Necc ad qeřbeɣ udem inu x weryaz nni uca ad t qeḍɛeɣ zi řgens nnes, minzi netta aqa iwca zi zzariɛet nnes i Mulak. S uyenni tuɣa issexmej Zzawect inu Iqeddsen uca issexsar Isem amqeddas inu. 4 Mařa tarwa n temmurt qqnen tiṭṭawin nsen x weryaz nni, xmi ɣa iwc netta zi zzariɛet nnes i Mulak, uca nitni war t neqqen, 5 xenni Necc ad qeřbeɣ udem inu x weryaz nni u x řaǧ nnes uca ad t qeḍɛeɣ zi jar řgens nnes, netta d marra inni issefsaden ixef nsen am ddekkwařen awarni as maḥend ad ssfesden ixef nsen ak-d Mulak.’ ”

6 “Bnadem nni i ɣa iqeřben ixef nnes ɣar yinni issawařan ak-d imettan d igezzanen, maḥend ad dewřen awarni asen am ssfesden ixef nsen, Necc ad qeřbeɣ udem inu x bnadem nni uca ad t qeḍɛeɣ zi jar řgens nnes.”◼20:6 Bnadem - s Tɛibranit ‘Řeɛmar’.  ◘20:6 Lawi 19:31

7 “Sqeddsem ixef nwem, iřim d imqeddasen, minzi Necc d SIDI, AREBBI nwem! ◘20:7 Lawi 11:44; 19:2; 1 Bṭ. 1:16 8 Ḥḍam tiweṣṣa inu uca ggem zzaysent. Necc d SIDI, wenni kenniw issqeddsen.”

9 “Maɣar kuř aryaz nni i ɣa ineɛřen x babas niɣ x yemmas, ad ittwaneɣ nican. Inɛeř x babas niɣ x yemmas, idammen nnes aqa aten xas. ◘20:9 Uf. 21:17; Awřn. 20:20; Mt. 15:4 10 Mařa ijj n weryaz izna ak-d temɣart n weryaz nneɣni, xenni wenni tuɣa izennan ak-d temɣart n jjar nnes ad ittwaneɣ nican, wenni iznan d tenni iznan. ◘20:10 Lawi 18:20; Aɛwd. 22:22; Yḥ. 8:5 11 Mařa ijj n weryaz, am iṭṭeṣ ak-d temɣart n babas, aqa issɛurri řɛar n babas, xenni nitni s tnayen ad ttwanɣen nican. Idammen nsen aqa aten xasen. ◼20:11 Aqa ggint i yixef nsen. - s Tɛibranit ‘Idammen nsen aqa-ten xasen’.  ◘20:11 Lawi 18:8 12 Mařa ijj n weryaz iṭṭeṣ ak-d temɣart n mmis, xenni nitni s tnayen ad ttwanɣen nican. Aqa ggin ijj n uxeǧeḍ ifesden. Idammen nsen aqa aten xasen. ◼20:12 temɣart n mmis - aqa-tt d tasřit nnes.  ◘20:12 Lawi 18:15 13 Mařa ijj n weryaz iṭṭeṣ ak-d ijj n weryaz nneɣni am mammec itteṭṭeṣ weryaz ak-d ict n temɣart, xenni aqa nitni s tnayen idsen ggin ict n řefḍiḥet temɣar. Ad ttwanɣen nican. Idammen nsen aqa aten xasen. ◘20:13 Lawi 18:22 14 Mařa imeřc ijj n weryaz ca n temɣart uřa d yemmas, aqa-tt d řefḍiḥet. Ad t sscemḍen s tmessi, netta d nitenti s tnayen, ḥima xenni war tᵉttiři ɛad d řefḍiḥet di řwesṭ nwem. ◘20:14 Lawi 18:17 15 Mařa ijj n weryaz iṣṣur ixef nnes ak-d ict n řebhimet, xenni ittxeṣṣa ad ittwaneɣ nican. Ittxeṣṣa ɛawed ad tenɣem řebhimet. ◘20:15 Lawi 18:23 16 Mařa ca n temɣart tqarreb-dd ɣar ca n řebhimet mammec ma tegga, maḥend ad kides tfeḥḥeř, xenni ad tenɣed tamɣart d řebhimet. Ad ttwanɣen nican. Idammen nsen aqa aten xasen. 17 Mařa ijj n weryaz iṭṭef učmas, yeǧis n babas niɣ yeǧis n yemmas, uca iẓra řɛar nnes uca nettat teẓra řɛar nnes, aqa-tt d řefḍiḥet. Ad ttwanɣen s tnayen zzat i tiṭṭawin n tarwa n řgens nsen. Aqa issɛurri řɛar n učmas, ad yarbu řmuɛṣiyyet nnes. ◘20:17 Lawi 18:9 18 Mařa ijj n weryaz iṭṭeṣ ak-d ict n temɣart tenni x iǧa idammen uca aqa issɛurri řɛar nnes, issɛurri anu n idammen nnes, uca nettat simant nnes tessɛurri anu n idammen nnes, xenni ad ttwaqeḍɛen s tnayen zi řwesṭ n řgens nsen. ◘20:18 Lawi 18:19 19 War sɛarri ca učmas n yemmac niɣ učmas n babac, minzi xenni issfeṭṭaḥ bnadem řɛar n raǧ nnes. Nitni ad arbun řmuɛṣiyyet nsen. ◘20:19 Lawi 18:12, 13 20 Mařa ijj n weryaz, wenni ittᵉṭṭṣen ak-d ɛentis, aqa issɛurri řɛar n ɛemmis, ad arbun nitni řmuɛṣiyyet nsen. Ad mmten břa tarwa. ◼20:20 ɛentis - aqa-tt d tamɣart n umas n babas.  ◘20:20 Lawi 18:14 21 Mařa ijj n weryaz yiwi tamɣart n umas, aqa man aya d aɛeddi x weɛzař n temɣart. Aqa issɛurri řɛar n umas. Ad iřin břa iḥenjiren.’ ” ◘20:21 Lawi 18:16

22 “Ḥḍam marra tiweṣṣa inu d marra lfarayiḍ inu uca ggem tent, maḥend war kenniw tᵉttɛuqqi temmurt mani kenniw i ɣa nedheɣ, ḥima ad dayes tzedɣem. ◘20:22 Lawi 18:26 23 War ggurem x tebridt n tweṣṣa n řgens nni ɣa ssuffɣeɣ zzat i wudem nwem, minzi nitni ggin marra timesřayin-a u s uya carrheɣ ten. ◘20:23 Lawi 18:3,30 24 Necc nniɣ awem: Kenniw ad twartem tammurt nsen uca ad awem tt-i-dd wceɣ d řwart, ict n temmurt ifeyyḍen s uɣi d tamment. Necc d SIDI, AREBBI nwem, wenni kenniw ifarzen zi jar řegnus. ◘20:24 Uf. 3:8

25 X uya kenniw ad tmeyyzem jar řebhayem n řeḥřař d yinni ixemjen u jar ijḍaḍ ixemjen d yinni n řeḥřař. War ssexsaram řeɛmuř nwem ak-d ca n řebhimet niɣ ak-d ca n wejḍiḍ niɣ ak-d ca zi marra min ittbuɛen x temmurt, marra min d awem ḥarrmeɣ, ḥima ad t tḥesbem d řexmej.” ◘20:25 Lawi 11:2; Aɛwd. 14:4 26 “Aqa kenniw ad ayi tiřim d imqeddasen, minzi Necc d SIDI d amqeddas uca Necc farzeɣ kenniw zi řegnus, ḥima ad tiřim inu.

27 Mařa ijj n weryaz niɣ ict n temɣart ɣares buḥbeř n uɛezzem n imettan niɣ n tgezzant, xenni ad ttwanɣen nican. Ad ten arejmen. Idammen nsen aqa aten xasen.” ◘20:27 Aɛwd. 18:10; 1 Ṣm. 28:7